DOSECHO 1:25 - Wanaadi A'deddu

²⁵ Juudha nwacaanoje anontaajäje eiye yaawä. Ñäädä Juudha conemjönö tödö’jödö jo’tädööje anontaajäje töweichö jonno cönäätu’cajoi, töweichojo döiña töötädö wetä; quee Wanaadi wwä cöna’deuwa’to.

DOSECHO 1:25 ပူးပေါင်းရင်းမြစ်များ

MATEO 25:41

“Yaawä töwö Cajiichaana nä’döa’de ämu’dato dö’sencomo wwä: “Ojoncomo jonno änwanno töwännanö’aamö; wa’to töwaatamemjönö aca ojoncomo, yää odo’shancomo weicho’comooje choonecaajä naadö.

MATEO 25:46

Ñanno conemjöncomo nötaato’de yaawä töwäntunaanö’to’como töwaatamemjönö aca. Chäänönga’como mmaane nötaato’de aashicha töweicho’como aca daja; quee cönä’döaacä Jesuuquidiito.

MATEO 26:24

Soto nnedö nä’döja’de töjääcä imennaajä naadöje dea. Yaawääne’ wentumje na’de ñäädä Soto nnedö u’nei’jödö. Ennu’da mmaane töwö eijai yei’jödö; quee cönä’döaacä.

JUAN 13:27

Yaawä uu enaajödö ncäcäädä Caajuushawa cönääwaacai Juudha aca. Yaawä Jesuuquidiito cönä’döaacä Juudha wwä: —Ma’da’cä tödööcä mädä äwwä tödööemö; quee cönä’döaacä.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

DOMAANO 1:5

Jesuuquidiito jäcäinchädä Wanaadi ñaa anontäne aashicha töweichö woije. Töwö ñaa anontäne Jesuuquidiito joi, tameedä soto wwäiñe ta’deddu ecammajä’e, ecamjödö wetä yaawä chäwwäiñe, Wanaadi woije yeichöcoomo wetä mmaja.

1 CODINTIYO 9:2

Anejja wwä anontaajäjemjönö wa’cä tö’ta’jäcä, änwanno mmaane yääje chö’tajä’jai’cha maato. Änwanno ñanno anontaajäje weichö yeene’ju’jonnamo, mädä Cajiichaana Jesuuquidiito ecaanö’nnamooje maatoodö.

CAADATA 2:8

Ñäädä Wanaadi, judhío owaanomaaneichomooje Peedhodo cönaanontäichö dea, öwö yaanontäne dea judhíojöncomo owaanomaaneichomooje daja.