DOSECHO 1:22 - Wanaadi A'deddu

²² Juan wwä wautisaaje Jesuuquidiito wä’döjo’jödö jonnoto’jödöödä cäju ña iichä’jödö jona tödööene cöjaadoncomo’jödö dea eijai ña. Yaawä ñäädä cöjaadäiñe eijai ña töwäämaajo jonno Jesuuquidiito waadonca’jödö jäcä ecammajä’neije; quee cönä’döaacä Peedhodo quedeiyente wwäiñe.

DOSECHO 1:22 ပူးပေါင်းရင်းမြစ်များ

MAADOCO 1:9

Yääje mma yaawä Jesuuquidiito cönääma’täi Naasade ñanno, yää Caadideea nono de’wono jata. Töwö wautisaaje cönä’döjoi Juan wwä, Joodadán ’cwawä.

MAADOCO 16:19

Chäwwäiñe yääje töwa’deuwödö’jo Cädhaajotoncomo Jesuuquidiito cönaatadoojoi yaawä caju ña. Wanaadi nnäcä cönaatajiimai yaawä, ämu’demjönö dö’se.

DUUCA 24:48

Änwanno ñanno yää enennamo’jödö, ecammajä’nnamooje töweiyaamo.

DUUCA 3:21

Yääje mma yaawä tameedä soto wautisaaje yä’döja’comjäcä, Jesuuquidiito mmaja wautisaaje cönä’döjoi chea. Yaawä Wanaadi wwä ya’deuwödaawä caju cönaata’ducai.

JUAN 15:27

Änwanno mmaja jääcä mecammajä’ato’dede, yaajäntä’jödö jonnoto’jödöödä jaadä aweichomjäcä.

DOSECHO 1:11

Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.

DOSECHO 1:2

caju ña töötädö wa’cä. Caju ña töötädö owaajo tönaanontädö cöneicho; Epíiditu Santo woije töwö cönaanontoicho chäwwäiñe tödööemö jäcä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOSECHO 4:33

Ñanno anonta’como jooje jäduuje töneecammajä’e cönä’ja’to töwäämaajo jonno Cajiichaana. Jesuuquidiito waadonca’jödö jäcä. Wanaadi tameedä töni’wa’täiñe töweiye cönä’jaacä.

EEWEDEO 2:3

Töwaacö’je cönwanno eduuwa. ¿Aaquene cöwäätä’maminchajoodöcoomo caneemaichatäädöde’ mädä wa’coto wääwanaacatoojo chiiñeme’ca’jäcä cöwwäiñe? Cajiichaana Jesuuquidiito yää wätunnä cöneecammajäätöi awa’deene. Yää ’jeje ñanno Cajiichaana necammajäätödö etannamo’jödö chäänönge cöneecammajäätöicho dea cöwwäiñe.