DOSECHO 1:2 - Wanaadi A'deddu

² caju ña töötädö wa’cä. Caju ña töötädö owaajo tönaanontädö cöneicho; Epíiditu Santo woije töwö cönaanontoicho chäwwäiñe tödööemö jäcä.

DOSECHO 1:2 ပူးပေါင်းရင်းမြစ်များ

MATEO 12:28

Öwö mmaane odo’sha tömja’canö’jo wäänene ñäädä Wanaadi dö’sennoto Epíiditu Santo jäduudu que. Yääje yeijäcä odhoowanääcäiñe eijai ña Wanaadi acaajichaanaichomooje yä’dötoojoje yeichö.

MATEO 3:16

Wautisaaje töwä’dö’jeje Jesuuquidiito cönäncui yaawä na’cwacanno. Jadheedä caju cönaata’ducai yaawä. Jesuuquidiito cöneeneaacä yaawä Epíiditu Santo wä’tädö töjääcä, jaduuma nönge, yäätäädä yeedennaajä.

MAADOCO 6:30

Ñanno anonta’como cöne’jummaicho yaawä Jesuuquidiito döiña. Chäwwä cöneecammajäätöicho tameedä tönnö’jocoomo, tönoowanooma’jocoomo mmaja.

DUUCA 24:51

Chääjäcäiñe töwa’deuwö’jeje töwö cönsancwaicho; caju ña cönaatadoojoi yaawä.

DUUCA 9:51

Yääje mma yaawä caju ña töötotoojo cu’nädö amoinche’da yä’döa’jäcä, Jesuuquidiito Jeduusadén ña töötädö jäcä cönä’jädu’täi.

JUAN 1:16

Mädä aashichaato töwääde’camjönö chäwwä naadö töwö cuntui cöwwäiñe. Ääde’wä aashichaato tunu’e weneene cöwwäiñe, aashichaato tuntu’jödö de’wä mmaja.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 13:18

“Tameedä’da äwwäiñe ya’deuwa; öwö yoowanääcä naato neichö. Yääje yeichaame Wanaadi a’deddu imennaajä naadöje dea neja’dä’a’de. Edääje nä’döa yää imennaajä: “Ñäädä jaadono wääwashinchädö dea yeema’se na;” quee imennaajä nä’döa.

JUAN 16:28

Jaaja joono we’ne edä nono de’cäi; eduuwa edä nono jonno wöta dea, Jaaja döiña mmaja; quee cönä’döaacä Jesuuquidiito.

JUAN 17:13

“Eduuwa wöta adöiña; edä ya’deuwa edä nono de’wä dea weichö, öwö ya’cwaniiyö dea töweiye yeichö wetä chäwwäiñe.

JUAN 20:17

Jesuuquidiito cönä’döaacä chäwwä: —Canaajäi; äncu’da dea wa Jaaja döiña. Äjääne jimmä döiñaiñe; chäwwäiñe ecammacä’de Jaaja döiña wäncudu, ñäädä Oomotoncomo mmaja, öwö Waanadiiyö, änwanno Awaanadiiyöcoomo mmaja; quee cönä’döaacä chäwwä.

JUAN 20:21

Yää ’jeje Jesuuquidiito cönä’döa’dea chäwwäiñe: —Täncanoode’da aweicho’como äwwäiñe yei’she wa. Jaaja yenno’janeedöje mmaja manenno’jaato öwö; quee cönä’döaacä.

JUAN 3:34

Ñäädä Wanaadi nanontädö Wanaadi a’deddu necamma; Wanaadi Epíiditu Santo nu’a chäwwä ewontancädä’da.

JUAN 6:62

¿Aaquene ä’döjai maato äwwäiñe eneea’jäcä Soto nnedö wäncudu caju ña, töweejö’jödö döiña mmaja?

JUAN 6:70

Yaawä Jesuuquidiito cönä’döaacä chäwwä: —Öwö dea sootoije mane’tätääne, änwanno amoojadooto de’wä aacä maatoodö. Yääje yeichaame tooni adhantawäiñe odo’shaje na; quee.

DOSECHO 1:11

Ñanno dhanwaacomo cönä’döa’to anonta’como wwäiñe: —Änwanno Caadideea ñancomo, ¿ane’que’nei caju ña mene’maato? Ñäädä dea Jesuuquidiito, ojonnoiñe caju ña nötännö, ne’a’dede caju ña aneenedööcomooje nötännöje mmaja; quee cönä’döa’to.

DOSECHO 1:13

Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 1:22

Juan wwä wautisaaje Jesuuquidiito wä’döjo’jödö jonnoto’jödöödä cäju ña iichä’jödö jona tödööene cöjaadoncomo’jödö dea eijai ña. Yaawä ñäädä cöjaadäiñe eijai ña töwäämaajo jonno Jesuuquidiito waadonca’jödö jäcä ecammajä’neije; quee cönä’döaacä Peedhodo quedeiyente wwäiñe.

DOSECHO 1:9

Yääje töwa’deuwö’jeje Jesuuquidiito cönäncui caju ña ñeenedööcomooje. Yaawä ca’dutu cöna’dui; ääne’da cönä’jaacä yaawä.

DOSECHO 10:38

Odhoowanääcäiñe mmaja Jesuuquidiito Naasade ñano wwä Wanaadi nutuudu Epíiditu Santo jäduudu. Ñäädä Jesuuquidiito, Wanaadi töjaadä yeijäcä, aashichaato tödööancädä töwäämannä’e cönä’jaacä, tameedä odo’sha wäntunamjödö adoncancädä mmaja.

CAADATA 1:1

Öwö Paudo, anontaajä, soto nanontädööcomoojönö, soto ne’tädööcomoojönö mmaja, Jesuuquidiito nanontädööne, Cumöötoncomo Wanaadi nanontädö mmaja, ñäädä yäämaajo jonno Jesuuquidiito adoncanei’jödö.

EUJEESIYO 2:20

Maa amääajä töweiye naichöje maato; änwanno tösö’ma maato anonta’como necammajäätö’jocoomo de’wä, Wanaadi wa’deuwödö ecammannamo’jödö necammajäätö’jocoomo de’wä mmaja, maa a’täi ye’wä shö’madö töweiye naichöje. Jesuuquidiito mmaane anno’tojooje na, yää täju tameedä chä’sejöije töweiye naichöje, täju que maa amäädawä.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

EEWEDEO 9:24

Quidiito cönoomomöi Wanaadi weichojo neene taca, yää soto namäädöjöönö. Yää soto namä’jödö cönä’jaacä Wanaadi weichojo neene cu’taajäje mma. Caju ñaane Jesuuquidiito cöntämä. Töwö na eduuwa Wanaadi döiña, cöjääcäinchädäiñe töwa’deuwemööje.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.

2 PEEDHODO 3:2

Ätö’tajä’täcä ñanno Wanaadi wa’deuwödö ecammannamo aashicha’como necammajäätö’jocoomo jäcä, Cajiichaana waanontädö jäcä mmaja, ñäädä Cäwaanacaaneichomo. Ñanno anonta’como odhoowanoomatääne yää Cajiichaana waanontädö jäcä.

APOOCADIISI 1:1

Edä yää Jesuuquidiito neneejo’jödö, Wanaadi nutuudu chäwwä, tanoonö wwäiñe eneejodö wetä, eduuwa mma töweeja’dä’emö. Töwö Jesuuquidiito tamoodedö cönaanontäi tanoonö Juan wwä ecammajä’e.

APOOCADIISI 2:11

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö onooneja’da na’de yää ’jejaato wäämanä;” quee cönä’döaacä öwwä ñäädä soto nnedö nöngato.

APOOCADIISI 2:17

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö wwä wänu’a’de ädeeja owaanojöönö. Chäwwä wu’a’dede täju’cä tajääde’dato, äätö eduuwaato imennaajä chääjäcä. Anejja dhowaanäcä’da na yää äätö, tääquemö mmaane dhowaanäcä;” quee cönä’döaacä öwwä ñäädä soto nnedö nöngato.

APOOCADIISI 2:29

Eta’sato neta’ñojo Epíiditu Santo wa’deuwödö quedeiyentecoomo wwä;” quee cönä’döaacä öwwä ñäädä soto nnedö nöngato.

APOOCADIISI 2:7

Eta’sato neta’ñojo Epíiditu Santo wa’deuwödö quedeiyentecoomo wwä: Ñäädä e’jodheinchanei’jödö nameedöje wänu’a’de weichojo ejeedödö, yää Wanaadi jataawä Aashichaato ña naadö;” quee cönä’döaacä öwwä ñäädä soto nnedö nöngato.

APOOCADIISI 21:14

Amoojadooto de’wä aacä cönä’jaacä chuudadai’chä’jödö o’wadö. Chääjäcä imennaajä cönä’jaacä, ñanno amoojadooto de’wä aaco’como Oweeja nnedö’cä nanontädö eetöcoomo, ñanno anonta’como’jödö.

APOOCADIISI 3:13

Eta’sato neta’ñojo Epíiditu Santo wa’deuwödö quedeiyentecoomo wwä;” quee cönä’döaacä öwwä ñäädä soto nnedö nöngato.

APOOCADIISI 3:16

Yääje’daane ma, tucuuna’se’da, ta’ne’da mmaja. Yääje yeijäcä, tijiichuune aweijäcä, mänwenaucwa’de öntacanno.

APOOCADIISI 3:22

Eta’sato neta’ñojo Epíiditu Santo wa’deuwödö quedeiyentecoomo wwä;” quee cönä’döaacä öwwä ñäädä soto nnedö nöngato.