DOSECHO 1:16 - Wanaadi A'deddu

¹⁶ —Änwanno jimmä, jenaadä Epíiditu Santo woije Dawí cöna’deuwöi Juudha weichojo jäcä, ñäädä Jesuuquidiito ajäiñamo adääneichomo’jödö. Mädääje nä’döa Wanaadi a’deddu imennaajä jäcä. Yääje yeijäcä yää imennaajä wä’dödö nönge yeeja’do’tojo cönä’jaacä.

DOSECHO 1:16 ပူးပေါင်းရင်းမြစ်များ

MATEO 26:14

Yääje mma yaawä Juudha Icaadiyoote, ñäädä amoojadooto de’wä aaco’como jimmä, cöntämä Wanaadi wwä töwa’deuwaamo edhaajotoncomo döiñaiñe.

MATEO 26:47

Yääje Jesuuquidiito wa’deutaame dea Juudha cöneejä, ñäädä amoojadooto de’wä aaco’como Jesuuquidiito nowaanomaadö jimmä. Chääjadä cönä’ja’to jooje soto, dee dha’meiñe, sauda dha’meiñe mmaja. Tönwanno cönä’ja’to Wanaadi wwä töwa’deuwaamo nanontädööcomo, inchoncomo nanontädööcomo mmaja, ñanno judhío edhaajotoncomo.

MATEO 26:54

Yaawääne’ mädääje tödööa’jäcä öwwä, ¿aaquene mmaja yää imennaajä öwö jääcä naadö ämja’dätäädö deeade’ yaawä? quee cönä’döaacä Jesuuquidiito.

MATEO 26:56

Mädä neja’dä’a jääcä Wanaadi wa’deuwödö ecammannamo nimenno’jocoomo nönge yeichö wetä; quee cönä’döaacä Jesuuquidiito chäwwäiñe. Yaawä tameedä ñoowanoomadö cönäänejeicho, e’nomjadööje mma.

MAADOCO 12:36

Epíiditu Santo woije yääje Dawí cönä’döa’dö naane’: Cajiichaana cönä’döaacä Yeedhajä wwä: “Önnäcä ataajimaacä, ämu’demjönö dö’se, odho’cäi ätu’de’tännamo tödöödö wa’cä öwwä;” quee Cajiichaana cönä’döaacä; quee cönä’döaacä Dawí.

MAADOCO 14:43

Yääje Jesuuquidiito wa’deutaame dea Juudha cöneejä yaawä, ñäädä amoojadooto de’wä aaco’como jimmä. Chääjadä cönä’ja’to jooje soto, sauda dha’meiñe, dee dha’meiñe mmaja. Tönwanno cönä’ja’to Wanaadi wwä töwa’deuwaamo edhaajotoncomo nanontädööcomo, judhío owaanomannamo nanontädööcomo mmaja, inchoncomo nanontädööcomo mmaja.

DUUCA 22:47

Yääje Jesuuquidiito ya’deutaame dea jooje soto cöneejoto. Ñäädä Juudha täätö, ñanno amoojadooto de’wä aaco’como jimmä, awa’de cöne’acä. Töwö Jesuuquidiito wwadäädä cöneejä shuumadö wetä.

JUAN 10:35

Ñäädä Wanaadi ta’deddu tödönnamo wanaadija’comooje cöne’ta’to; cowaanäcäiñe na Wanaadi a’deddu imennaajä töquiiñeme’quemje’da yeichö.

JUAN 13:18

“Tameedä’da äwwäiñe ya’deuwa; öwö yoowanääcä naato neichö. Yääje yeichaame Wanaadi a’deddu imennaajä naadöje dea neja’dä’a’de. Edääje nä’döa yää imennaajä: “Ñäädä jaadono wääwashinchädö dea yeema’se na;” quee imennaajä nä’döa.

JUAN 17:12

Chääjadäiñe edä nono de’wä weichö amäädä äjäädudu que töneedai’chäiñe wä’jaaquento canno öwwä mu’netoodö. Tooni’chä ännamjo’da na; ñäädä mma cönännamjöi, töwännanö’emööje cönä’ja’dö mma, adha’deddu imennaajä wä’dödö nönge yeichö wetä.

JUAN 19:36

Tameedä yää cönä’jaacä Wanaadi a’deddu imennaajä wä’dödö nönge yeichö wetä, yää yääje yä’dödö naichö: “Ye’jä anaiyo’da naato’de;” quee yä’dödö naichö.

DOSECHO 1:20

Edääje nä’döa Saadomo jäcä, yää wecanta’ñotoojo imennaajä jäcä: Tasse’da immai nei’ñojo, anejja mma iiña ei’che; quee. Edääje mmaja imennaajä nä’döa dea: Anejjaane inwacaanoje nääwaaca’ñojo; quee nä’döa Saadomo jäcä.

DOSECHO 13:15

Ñanno we’jummatoojo tacancomo cöna’de’ta’to jenaado’jä waanontänä imennaajä, Wanaadi wa’deuwödö ecammannamo nimenno’jocoomo mmaja. Yää ’jeje we’jummatoojo edhaamo cönä’döa’to Paudo wwä: —Jimmä, soto wätuujato’como äwwäiñe töweiye yeiya’jäcä adha’deutäcä; quee cönä’döa’to.

DOSECHO 13:38

Änwanno jimmä, odhoowanääcäiñe tödöötäcä ñäädä Wanaadi nadonca’jödö eetö joi ocoone’nadiiyöcoomo encwanno’jotoojo wätääcammadö.

DOSECHO 15:13

Yaawä yä’ca’comjäcä Jacoowo cönä’döaacä: —Ya’deddu etaatäcä jimmä.

DOSECHO 15:7

Yaawä jooje töwäätäccujäätödööcomo’jo Peedhodo cönammöi dhantawäiñe; cönä’döaacä: —Jimmä, änwanno odhoowanääcäiñe adhantawonnoiñe Wanaadi wwä ye’tä’jödö judhíojöncomo wwä aashichaato wätunnä ecammajä’neije, ecamjödö wetä chäwwäiñe.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 2:37

Yää se’ne cöneetaicho ñanno soto; tönwanno Peedhodo cöneecamma’joicho yaawä, anejjacoomo anonta’como mmaja: —¿Ane’cäämö tödööjai ñaa nai, jimmä? quee cönä’döa’to.

DOSECHO 22:1

—Änwanno jimmä, inchoncomo mmaja, etaatäcä eduuwa äwwäiñe wa’deuwödö; quee cönä’döaacä Paudo

DOSECHO 23:1

Paudo cöneene’ma’to ñanno äcamma’jonnamo. Töwö cönä’döaacä chäwwäiñe: —Jimmä, aashicha weichö que töweiye wäänene Wanaadi owaadäädä, eduuwa waadö jona tödööene; quee Paudo cönä’döaacä.

DOSECHO 23:6

Töwö Paudo dhowaanäcä cönä’jaacä dhantai ñanno äcämma’jonnamo saadhuseeoje yeichöcoomo, dhantai jaadiseeoje yeichöcoomo mmaja. Yääje yeijäcä töwö cönä’döaacä chäwwäiñe: —Änwanno jimmä, jaadiseeo öwö, jaadiseeo nnedö mmaja. Eduuwa maamincha’se maato yäämaajo jonno waadoncanä töneecanö’e weijäcä; quee cönä’döaacä.

DOSECHO 28:17

Yääje mma yaawä aaduwaawä anooto yä’döa’jäcä Paudo cöna’dejjaicho ñanno judhío Dooma ñancomo, täneejuca’como dea mma. Ye’jumma’comjäcä Paudo cönä’döaacä chäwwäiñe: —Jimmä, judhío jäcäiñe conemjönö ännö’da weichaame, cadai’choncomo wätunnäichomo jäcä cone’da a’deuwö’da weichaame mmaja, Jeduusadén ñancomo yu’neto domaanocoomo wwä, jedeesoje yöödödö wetä yaawä chäwwäiñe.

DOSECHO 28:25

Äänönge’da chö’tajäätödööcomo cönä’jaacä. Cönaajäntoicho yaawä töweeja’cadööcomo. Yaawä Paudo cönä’döaacä chäwwäiñe: —Chäänönge Epíiditu Santo cöna’deuwöi cadai’choncomo Isaía ntai, ñäädä Wanaadi wa’deuwödö ecammanei’jödö. Edääje töwö cönä’döaacä:

DOSECHO 7:2

Eteewa cöneccujä’acä; cönä’döaacä: —Änwanno jimmä, inchoncomo mmaja, cätaatäcä. Ñäädä Wanaadi o’jodhaato cönäänejoi cadai’choncomo Aawadán wwä, Meesopootaamiya ña yeichö, Adán ña ejaata’tä’dadä.

1 PEEDHODO 1:11

Yeeja’dätäädö owaajodä Epíiditu Santo chäwwäiñe töneecammajä’e cönä’jaacä Quidiito wäntunaanö’tojo, aashicha weiñä yää ’jeje töweiyemö jäcä mmaja. Ñanno Wanaadi wa’deuwödö ecammannamo a’que töntö’tamme’que töweiye cönä’ja’to ñäädä Epíiditu Santo tötaacaiñe cönä’ja’dö necammadö, ñeecammadö we’tojo cu’nädö mmaja a’que töntö’tamme’que töweiye cönä’ja’to dea.

2 PEEDHODO 1:21

soto woije yoojodö’jödööjönö, Wanaadi woijeene ñanno dhanwaacomo aashicha’como cöneecamma’to, Epíiditu Santo ne’se’tädööje.

2 PEEDHODO 2:21

Chäänöngato weiñä jäcä aneeta’da yei’jocoomo mmaane äächädääjemma choone’nadiiyöcoomo eichö. Yää cone’da’cä jeene na, waanontänä aashichaato töwwäiñe u’ajä jonno yä’sancwajoodöcoomoone.