DOSECHO 1:14 - Wanaadi A'deddu

¹⁴ Tameedä ñanno weiñäje töwe’jumma cönä’ja’to Wanaadi wwä töwa’deuwödööcomo wetä Jesuuquidiito acontomo jadä, yeenö Madía jadä mmaja, anejjacoomo wodiiñamo jadäiñe mmaja.

DOSECHO 1:14 ပူးပေါင်းရင်းမြစ်များ

MATEO 12:46

Soto wwäiñe Jesuuquidiito wa’deutaame dea yeenö cöneejoto dhacontomo jadä. Tönwanno jödo’na cönä’ja’to; Jesuuquidiito jadä töwa’deuwö’se cönä’ja’to.

MATEO 21:22

Tameedä ecaanö’ancädä Wanaadi wwä ane’catäädöcoomo äwwäiñe nä’tua’de; quee cönä’döaacä Jesuuquidiito tösootoi wwäiñe.

MATEO 27:55

Yäätä cönä’ja’to jooje wodiiñamo, amoinchenno ene’madööje, ñanno Caadideea ñanno Jesuuquidiito jadä ye’a’como’jödö, töwö i’wa’tännamo’jödö.

MAADOCO 15:40

Yäätä cönä’ja’to dea anejjacoomo wodiiñamo, amoinchenno ene’madööje. Chääjadäiñe cönä’jaacä Madía Maacadeena; yää ’jeje Madía mmaja, Jacoowo mude’cäjaato dhenö, ñäädä José dhenö dea. Saadomé mmaja cönä’ja’dea chääjadäiñe.

MAADOCO 16:1

Wäädeetatoojo anooto ’jeje Madía Maacadeena, yeichacoono Madía mmaja, ñäädä Jacoowo dhenö, Saadomé mmaja, cöneejemaicho juu shimi’jotoojo, Jesuuquidiito equeejödö töjöötojo.

DUUCA 11:13

Änwanno cone’da aweichaameiñe odhoowanääcäiñe aashichaato utuudu ännacontoncomo wwä. Töwaacö’je Oomontoncomo caju ñano Epíiditu Santo u’jai ña töwwä e’ca’nei wwä; quee cönä’döaacä Jesuuquidiito.

DUUCA 18:1

Edä mmaja Jesuuquidiito chäwwäiñe cöneecammai chea, yö’seenoje, töweejäduuque’ancädä’da weiñäje Wanaadi wwä wa’deunä jäcä.

DUUCA 23:49

Ñanno Jesuuquidiito jadoncomo’jödö mmaane tameedä yää cöneene’ma’to amoinchenno, ñanno wodiiñamo mmaja, Caadideea ñanno chääjadoncomo we’a’como’jödö.

DUUCA 23:55

Ñanno wodiiñamo, Caadideea ñanno Jesuuquidiito jadoncomo we’a’como’jödö, ewaacannamo ncäcäiñe cöntonto. Tönwanno äwa cöneenea’to, chääquejöödö ewaacadö mmaja.

DUUCA 24:10

Ñanno wodiiñamo cönä’ja’to Madía Maacadeena, Juana mmaja, Madía, Jacoowo dhenö mmaja, anejjacoomo mmaja. Tönwanno yää cöneecammajäätöicho anonta’como wwä.

DUUCA 24:33

Yaawä dea mmaane tönwanno cönääma’toicho dea; Jeduusadén ña cönennacaicho. Cöneejodöicho ñanno amoojadooto de’wä tööni’chomo we’jumma’como, anejjacoomo soto mmaja.

DUUCA 24:53

Wanaadi weichojo taca töweiye cönä’ja’to Wanaadi wwä aashicha wa’deunäje. Amén.

DUUCA 8:20

Chäwwä anejjacoomo cöneecammaicho; cönä’döa’to: —Aanö, adhaacontomo jödo’na naato, adheene’se naato; quee cönä’döa’to.

DOSECHO 2:1

Yaawä Pentecoté anootoi’chädö wä’döa’jäcä, yäätä dea cönä’ja’to tameedä quedeiyentecoomo, tujuumä.

DOSECHO 2:42

Ñanno chäänönge tönnöe cönä’ja’to anonta’como wwä towaanomaadöcoomo; aashicha töweiye cönä’ja’to tönwannoje dea. Töwe’jumma töweiye cönä’ja’to Wanaadi wwä töwa’deuwödööcomo wetä, Santa Seena tödöödö weta mmaja.

DOSECHO 2:46

Anooto waadäi töwe’jumma töweiye cönä’ja’to Wanaadi weichojo taca. Tömmaichomo waadäi Santa Seena tönnöe cönä’ja’to; tujuumä töwääwashinchä cönä’ja’to dea, ta’cwaiñe töweiyancädäiñe, o’jodhe tötö’tajä’ancädäiñe’da mmaja.

DOSECHO 6:4

Ñaa mmaane Wanaadi a’deddu ecammajäätödö jäcä eijai ñaa na, Wanaadi wwä wa’deunä jäcä mmaja; quee cönä’döa’to anonta’como quedeiyente wwäiñe.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

1 CODINTIYO 14:13

Ñäädä anejja a’deucwato wa’deuwödö Wanaadi wwä e’ca’jai ña töwa’deuwö’jödö ecammatoojo soto wwäiñe.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

CODOOSENSE 4:2

Yeichöje Wanaadi wwä adha’deutäcä, töwö ya’deme’cancädä, odhoowadäädäiñe aweiyancädäiñe mmaja.