DOSECHO 1:13 - Wanaadi A'deddu

¹³ Yaawä jataaca töwä’döa’comjäcä taawa de’cäi cönäncuicho, yää ä’sa chaaca töwä’döa’como cönä’ja’todö döiña. Chääjadäiñe cönä’ja’to Peedhodo; Jacoowo mmaja; Juan mmaja; Antedé mmaja; Jediipe mmaja; Tomá mmaja; Waadotoodomé mmaja; Mateo mmaja; Jacoowo mmaja, ñäädä Aadeujeeo nnedö; Simón mmaja chääjadäiñe cönä’ja’dea, ñäädä jäduujato dha’deddu. Juudha mmaja cönä’ja’dea, ñäädä Jacoowo acoono.

DOSECHO 1:13 ပူးပေါင်းရင်းမြစ်များ

MATEO 9:9

Yääje mma yaawä Jesuuquidiito cöntämä yäätonno. Dhanwa cöneejodöi yaawä, Mateo täätö. Shuucu ñäädä cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä. Mateo cönammöi yaawä, chääjadä töötädööje mma.

MAADOCO 14:15

Yaawä töwö necamma’de äwwäiñe ä’sa adai’joto, cawä, töcoonecaajä’e. Yäätä cöwääwashinchoto’como choonecaatäcä’de; quee cönä’döaacä Jesuuquidiito.

MAADOCO 14:33

Töjaadä cönaadäi Peedhodo, Jacoowo mmaja, Juan mmaja. Cone’da cönä’döjoi yaawä; wentumje cönä’jaacä jooje.

MAADOCO 2:14

Yaawä töötädaawä töwö Jesuuquidiito Dewí cöneejodöi, ñäädä Aadeujeeo nnedö. Shuucu cönä’jaacä acu’shänä jödaatai i’jummannamo weicho’como taca. Jesuuquidiito cönä’döaacä chäwwä: —Ma’che jaadä. Dewí cönammöi yaawä, chääjadä töötädöje mma.

MAADOCO 5:37

Töwö Jesuuquidiito töjaadä soto anaadä’da cöneiya’to. Ñanno mma cönaadoicho, Peedhodo mma, Jacoowo mmaja, Juan mmaja, ñäädä Jacoowo acoono.

MAADOCO 9:2

Tooni amoojato anoototo ai Jesuuquidiito töjaadä cönaadäi Peedhodo, Jacoowo mmaja, Juan mmaja; töjääcäjeeneiñe cöntonto jöö cawooto de’cäi. Yäätä töwö Jesuuquidiito anejjeja cönenwacaamai dhowaadäädäiñe.

DUUCA 22:12

Yaawä töwö necamma’de äwwäiñe ä’sa adai’joto, taawa de’wä, töcoonecaajä’e. Yäätä cöwääwashinchoto’como choonecaatäcä’de; quee cönä’döaacä Jesuuquidiito.

JUAN 11:16

Yaawä Tomá, ñäädä Canaacuje chäätö cönä’ja’dö, cöna’deuwöi töjimmä wwäiñe, ñanno Jesuuquidiito nowaanomaadö wwäiñe. Töwö cönä’döaacä chäwwäiñe: —Cöötätäiye cönwanno, chääjadä cä’ja’täiye; quee cönä’döaacä.

JUAN 14:22

Yaawä Juudha cönä’döaacä chäwwä, ñäädä Icaadiyootejöönö: —Owaanomaanei, ¿ane’que’nei ñaa wwä mma määnejaanä’de, tameedä soto wwäiñe äänejo’da?

JUAN 18:17

Yaawä ñäädä wodi, mönaatata edai’chäneije cönä’ja’dö, cönä’döaacä Peedhodo wwä: —¿Ñäädäjöönö ca amäädä, Jesuuquidiito nowaanomaadöjöönö? Peedhodo cönä’döaacä chäwwä: —Ng’jn; quee.

JUAN 21:2

Tujuumä cönä’ja’to Simón Peedhodo, Tomá mmaja, ñäädä Canaacu täätö; Nataanaeede mmaja cönä’ja’dea, ñäädä Caná ñano, Caadideea ñano jataawono; Seewedheeo nnacoomo cönä’ja’to dea; aacä mmaja anejjacoomo Jesuuquidiito nowaanomaadö.

DOSECHO 12:17

Töwö Peedhodo tamäädö eneejojäätödö que cöneeta’jöichajoicho; yaawä chäwwäiñe cöneecammajäätöi Cajiichaana wwä jedeeso ewöötö’tädö tacanno tu’ca’jödö. Töwö cönä’döaacä chäwwäiñe: —Ecammajä’täcä’de Jacoowo wwä, anejjacoomo quedeiyente wwäiñe mmaja; quee cönä’döaacä. Cöneeja’cai yaawä aneiñaja töötädö wetä.

DOSECHO 15:13

Yaawä yä’ca’comjäcä Jacoowo cönä’döaacä: —Ya’deddu etaatäcä jimmä.

DOSECHO 2:14

Yääje mma yaawä Peedhodo cönammöi töjimmä jadäiñe, ñanno amoojadooto de’wä tooni’chomo anonta’como. Töwö töcä’de cöna’deuwacä; cönä’döaacä soto wwäiñe: —Änwanno Judheea ñancomo, tameedä Jeduusadén ñancomo mmaja, edääje wä’dö’se wa äwwäiñe; aashicha etaatäcä ya’deddu.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 20:8

Tönwanno ye’jumma’como cönä’ja’to maa taca, cawä; jooje adhaawa emjannajä’ajä cönä’jaacä yäätä.

DOSECHO 4:13

Ñanno soto cajiichaanaichomo cöneeta’jöjäätöicho yaawä jäduuje Peedhodo, Juan wa’deuwödööcomo eta’jäcä. Tönwanno dhowaanäcäiñe cönä’jaacä Peedhodo jooje oowanooma’da yei’jocoomo. Yaawä Jesuuquidiito jadoncomo’jödööje yeichöcoomo cöntö’tammecöicho.

DOSECHO 4:19

Yaawä Peedhodo cöneccujä’a’to: —¿Änääcö a’deddu etaajai ñaa nichö’taanä äwwäiñe Wanaadi owaadäädä, änwanno ’ja, Wanaadiiñe’ ?

1 CODINTIYO 15:7

Yää ’jeje Quidiito cönäänejoi Jacoowo wwä, tameedä anonta’como wwäiñe mmaja.

CAADATA 1:19

Anejja anonta’como mmaane aneene’da weiyaquento; Jacoowo mma weneeaqueene, ñäädä Cajiichaana acoono.

CAADATA 2:9

Töwwäiñe chö’tamme’ca’jäcä Wanaadi nutuudu aashichaato öwwä yeichö, ñanno ä’se’tännamo, Jacoowo, Peedhodo mmaja, Juan mmaja, aashicha cöna’deuwöicho öwwä, Waanawé wwä mmaja. Tönwanno cönä’döa’to: “Judhíojöncomo owaanomannamooje eichäcä änwanno; ñaa mmaane judhíocoomo owaanomannamooje ñaa nei’ñojo;” quee cönä’döa’to.

SANTIYAACO 1:1

Öwö Santiyaaco, Wanaadi anoonö, Cajiichaana Jesuuquidiito anoonö mmaja, ya’deujödö wadääja äwwadäädäiñe, änwanno iisadaaediitacoomo, amoojadooto de’wä aacä adhaadai’choncomo naadö, tameedä nono weichö wa’cä äwäämecanta’como maatoodö.

2 JUAN 1:1

Öwö, ansiyaano, wimenna äwwadäädä, amäädä jaaduichö, Wanaadi neichö, ännacoomo wwadäädäiñe mmaja. Öwö mämjummaato chäänöngato que, öwö mmajöönö, tameedä chäänöngato dhowaanoco’como mmajaane.

JUUDHA 1:1

Öwö Juudha, Jesuuquidiito anoonö, Jacoowo acoono, edä jajeeda wimenna äwwadäädäiñe, änwanno Cumöötoncomo Wanaadi na’dejjadö, shootoije shooma’como. Änwanno Jesuuquidiito jadoonoje aweijäcäiñe tädai’chä maato chäwwä.