DOSECHO 1:12 - Wanaadi A'deddu

¹² Yääje mma yaawä Odiiwo ’jödö ñanno anonta’como cönennacaicho Jeduusadén ña. Yää jöö amoinche’da cönä’jaacä Jeduusadén ñano jäcä, wäädeetatoojo anooto awä wötootojo ecammaajä ’cäwa’cä mma.

DOSECHO 1:12 ပူးပေါင်းရင်းမြစ်များ

MATEO 21:1

Yaawä Wetaajé ña töwä’döa’comjäcä, Jeduusadén ñano jäcä amoinche’da cönä’ja’to, Odiiwo ’jödö je’taca. Yaawä Jesuuquidiito cönaanontoicho aacä tönoowanoomadö.

MATEO 24:20

Wanaadi wwä adha’deutäcä tu’que yeichö awä’da määnejeetäiye’de, wäädeetatoojo anooto awä’da mmaja.

MATEO 24:3

Yaawä Odiiwo ’jödö ña cöntonto. Yäätä Jesuuquidiito wataajima’jäcä, töjääcäjeeneiñe töweichaawäiñe, ñoowanoomadö cönä’döa’to chäwwä: —Ñaa wwä ecammajä’cä; ¿ächännauwä’cä yää nai’che? ¿Ane’cäämö nai’che awe’tojo ene’ju’tojooje, anooto wataamedö ene’ju’tojooje mmaja? quee cönä’döa’to.

MATEO 26:30

Yaawä tooniye töweecanta’ñä’jejeiñe, cöntonto yaawä Odiiwo ’jödö ña.

DUUCA 19:29

Yaawä Wetaajé ña, Wetaaniya ña mmaja ä’döjai töwä’döa’jäcä, Odiiwo ’jödö je’taca cönä’ja’to. Yaawä Jesuuquidiito cönannontoicho aacä tönoowanoomadö.

DUUCA 21:37

Ano Jesuuquidiito soto tönoowanoomaiñe töweiye cönä’jaacä Wanaadi weichojo taca. Coijai mmaane Odiiwo ’jödö de’wä tönnö’que cönä’jaacä.

DUUCA 24:50

Yääje mma yaawä Jesuuquidiito tönoowanoomadö cönaadoicho jata tö’cäi, Wetaaniya ña tödööene. Tamäädö cönnöi ye’cäcäiñe; Wanaadi wwä cöna’deuwöi chääjäcäiñe.

DUUCA 24:52

Yaawä ya’demeecödö’jo, ñoowanoomadö cönennacaicho Jeduusadén ña, ta’cwaiñeiñe jooje.

JUAN 11:18

Yää Wetaaniya ñano cönä’jaacä amoinche’da Jeduusadén ñano jäcä, tooni shii wä’seca’jödö wötäänä ’cäwa’cä mma amoinche yeichö.