DOMAANO 9:7 - Wanaadi A'deddu

⁷ Tameedä’da mmaja Aawadán atöödö iiñacoomo neeneje naato. Edääje Wanaadi cönä’döaacä Aawadán wwä: “Isaaca nnacoomoone adhaatödööje me’taato’de;” quee.

DOMAANO 9:7 ပူးပေါင်းရင်းမြစ်များ

MATEO 3:9

Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

DUUCA 16:30

Yaawä ñäädä tönsomaacato’jödö cönä’döaacä: “Ng’jn, Jaaja Aawadán, yäämaajä’jödö yöiñaiñe iicha’jäcääne, yaawääne tötö’tajäätödööcomo sha’duminchajai ñaato;” quee cönä’döaacä.

DUUCA 3:8

Aweichöcoomo sha’duminchatääcä, tötö’tajäätödööcomo yeesa’dumincha’como weichö nönge deaane. Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

JUAN 8:33

Yaawä tönwanno cönä’döa’to: —Aawadán atöödöje ñaa; anejja anoonöje ei’cha. ¿Aaquene yääje mä’döaanä: “Ayu’caato’de tanontaamoje aweichöcoomo jonno;” quee?

CAADATA 4:23

Ñäädä shootoi nnedö cönennui soto woijatooje mma, weiñä weneenedööje mma. Shootoijönö nnedö mmaane Wanaadi necamma’jödö woije cönennui.

CAADATA 4:28

Jimmä, cönwanno caato Wanaadi necamma’jödö woija’como wennua’como, Isaaca cönä’ja’döje mmaja, ñäädä Saada nnedö.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

EEWEDEO 11:18

“Isaaca nnacoomo adhaatödööje me’taato’de;” quee Wanaadi wä’dö’jödö weichaame.