DOMAANO 9:4 - Wanaadi A'deddu

⁴ Tönwanno naato Iisadaaeeda atöödöje; Wanaadi tönnedööje cönnöicho; chääjadäiñe töwö töweiye cönä’jaacä aashicha töweichö eneejancädä chäwwäiñe. Töwö Wanaadi chäwwäiñe cöneecammai töwwä tödöötojo, waanontänä Moisé nimennä’jödö mmaja, Wanaadi weichojo taca chäwwäiñe tödööemö mmaja, töneecamma’jödö mmaja, yää aashicha tödööto’como jäcä.

DOMAANO 9:4 ပူးပေါင်းရင်းမြစ်များ

MATEO 21:33

“Etaatäcä anejja yö’seeno ai chaja wa’deuwödö eduuwa. Dhanwa cönä’jaacä tönaudäcaato. Töwö chääjedöödö cönnatö’täi. Tönaudädö cuncudaadai’chäi yaawä. Chääjedöödö eccucaatojo cönnöi chea. Edai’chänei weichojo cönaamäi chea. “Yaawä anejjacoomo wwäiñe edai’chojoodö’jo anejja nono de’cäi cöntämä.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 1:47

Yaawä töwwadäädä Nataanaeede weejödö edanta’jäcä Jesuuquidiito cönä’döaacä chäwwä: —Määdhä ñäädä iisadaaediita chäänöngato, töwäätäncu’täjä’emjönö; quee cönä’döaacä Jesuuquidiito Nataanaeede jäcä.

DOSECHO 2:39

Änwanno owwoncomooje na yää Wanaadi necamma’jödö, ännacontoncomo wwoncomooje mmaja, tameedä amoincha’como wwoncomooje mmaja, tameedä Cajiichaana Cöwaanadiiyöcoomo na’dejjadööje töweiyaamo wwoncomooje mmaja; quee cönä’döaacä Peedhodo.

DOMAANO 3:2

Tujunne mma’ne, tameedä yeichö mmädääne. Judhío wwäiñe Wanaadi cuntui ta’deddu.

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

DOMAANO 9:6

¿Aaquene yaawä, quee ’ja? ¿Chäänönge’da ca cöneiyacä yää iisadaaediita wwäiñe Wanaadi necamma’jödö? Ng’jn, chäänönge’da’da yeichaame. Edääjeene na: Tameedä’da Iisadaaeeda atöödö iisadaaediita neeneje naato.

2 CODINTIYO 11:22

¿Eewedeeo ca tönwanno? Öwö mmaja Eewedeeoje wa dea. ¿Iisadaaeedä weichö ca tönwanno dea? Öwö mmaja. ¿Aawadán atö’jödö ca tönwanno? Öwö mmaja Aawadán atöödöje wa dea.

CAADATA 3:16

Mädääje mmaja Wanaadi necamma’jödö. Töwö Wanaadi Aawadán wwä cöneecammai aashichaato, dhatöödö wwä mmaja. Yääje ä’dö’da imennaajä na, “dhatöödö wwäiñe,” ca’da, wanna ecammancädä’da; “dhatöödö wwä”, queene nä’döa, tooni ecammancädä, Quidiito ecammancädä.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

EEWEDEO 9:1

Yää awa’deeto’jä weiñä ecammaajä Wanaadi wwä tödöötojo cöneecammaacä. Yaawääne’, yääje weiñä cönä’jaacä edä nono de’wono Wanaadi weichojo taca tödööemö mma.

EEWEDEO 9:10

Yääje weiñä töweiye na äwanshi choonecaadö jäcä mma, wocö choonecaadö jäcä mmaja, wataamoichanä jäcä mmaja. Tameedä yää na ye’wono que mma tödööemö. Yää tödööemje cönä’jaacä Wanaadi wwä inwacaamatoojo cu’nädö aca tödööene mma.

EEWEDEO 9:3

Yää ’jejaato acä’jaajä nejoonö ncadheedä cönä’jaacä anejja weichojo mmaja. Yää eetö cönä’jaacä Aashichaato Jaiñooneje.

EEWEDEO 9:5

Yää jatuuwa de’wä cönä’jaacä queeduwiine cu’ta’como, ñanno Wanaadi amoodedö, Wanaadi yäätä yeichö cu’tädööje. Ñanno chu’ta’como tajäi’saichomo que jatuuwa a’dutu cönnejonta’to, yää conemjönö choccajootojo saaquidiijiisiyo dötoojo. Mädä jäcä sö’je jeene a’deujai’cha caato eduuwa.

EEWEDEO 9:6

Yääje choonecaajä döiña weiñäje ñanno Wanaadi wwä töwa’deuwaamo töwoomonge weneeneto Wanaadi weichojo awa’deeto aco’jo’jödö taca, tötaadawaajuichomo tödööe.