DOMAANO 9:30 - Wanaadi A'deddu

³⁰ ¿Aaquene yaawä, quee ’ja? Ñanno judhíojöncomo Wanaadi jadoonoje töwä’dödööcomo anuuji’cha töwei’jocoomo weichaame cöneejodöicho. Tönwanno cöneejodöicho ecamjödö que.

DOMAANO 9:30 ပူးပေါင်းရင်းမြစ်များ

DOMAANO 10:10

Tötö’tajäätödö que ecamjödö töweiye nai, Wanaadi jadoonoje töwä’döjoodö wetä, töntadö que ’quene töneecanö’e töweichö wääcammanä nai, töwääwanaacadö wetä.

DOMAANO 10:20

Edääje mmaja Isaía Wanaadi wa’deuwö’jödö cöneecammai chea: Ñanno yuujiiñamoojönö yeedantäneeto; öwö wäänejoone yencano’tännamoojönö wwä; quee Isaía cöneecammai.

DOMAANO 10:6

Edääje imennaajä nä’döa ecamjödö que daja Wanaadi jadoonoje wä’dönä jäcä: “Edääje chö’tajä’jai’cha ma: ¿Änääcö caju ña täjai ñai Quidiito enö’tä?

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

DOMAANO 4:11

Yää ’jejeene siicunsidaadoje wä’dönä cönäätäcammai chäwwä. Yää siicunsidaadoje wä’dönä cönä’jaacä ecamjödö que Wanaadi jadoonoje töweichö yääne’ju’jotoojoje mma. Yääje yeijäcä tameedä quedeiyentecoomo siicunsidaadojemjöncomo adaichöje mmaja Aawadán na dea, ñanno töneecamjödööcomo que Wanaadi jadoonoje yä’döja’como naatoodö.

DOMAANO 4:13

Aawadán wwonooje töweiyemööje edä nonoodö Wanaadi cöneecammai, dhatö’jödö wwoncomooje töweiyemööje mmaja. Chäwwäiñe jenaado’jä waanontänä tödöödö jäcäinchädä’da yää Wanaadi cöneecammai, chäwwäiñe ecamjödö weijäcääne. Yää jäcäinchädä töwö Wanaadi töjaadonooje cönnöicho.

DOMAANO 4:22

Yääje yeijäcä täcamjödö jäcäinchädä Wanaadi Aawadán töjaadonooje cönnöi.

DOMAANO 4:9

Siicunsidaadoja’como mmajöönö ta’cwaiñe töweiyaamoje naato; ñanno yääjemjöncomo mmaja ta’cwaiñe töweiyaamoje naato dea. ¿Yääjönca wä’döaanä: Aawadán necamjödö jäcäinchädä Wanaadi töjaadonooje cönnöi; quee?

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 9:14

¿Aaquene yaawä ä’döjai caato? ¿Chäänönge’da Wanaadi ña, quee ’ja? Ng’jn, yääje’daane.

DOMAANO 9:31

Iisadaaediitacoomo mmaane waanontänä tödöödö que daja Wanaadi jadoonoje töwä’dödööcomo cunuujiya’todö’je, aneejodö’daane cöneiya’to.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 3:24

Yää jenaado’jä waanontänä cönä’jaacä cä’se’täneichomooje, mude’cä’cä edai’chänei töweiye naichöje. Yää cä’se’tätääne Quidiito weejödö wa’cä, Wanaadi jadoncomooje cöwä’dödööcomo wetä yaawä Quidiito ecaanö’a’jäcä cöwwäiñe.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

CAADATA 5:5

Cönwanno quedeiyentecoomo mmaane ecamjödö que quiiyomo’cato aashicha cödöödöcoomo Epíiditu Santo wwä.

EUJEESIYO 2:12

Yaawä Quidiito jadä’da mä’ja’quene. Töudäje mä’ja’quene, Iisadaaediita jadäiñe’da. Odhoowanääcäiñe’da cönä’ja’dea weichojo, yää Wanaadi necamma’jödö. Edä nono de’wä mä’ja’quene onwomoocödööcomo ’je’da, Wanaadi jadä’da mmaja.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

1 TIIMOTEO 6:11

Amäädä Wanaadi anoonö mmaane tameedä mädoocomo jonno äänejeecä. Aashichaato mmaane encano’täcä, Wanaadi woije weiñä mmaja, ecamjödö mmaja, wä’jummanä mmaja, aashicha shinchädö mmaja, o’jodhe chö’tajäätö’da weiñä mmaja.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

1 PEEDHODO 4:3

Chääwa’cä na yää jenaadä awei’jocoomo, Wanaadi dhowaanojöncomo wacöötö tönnöe mä’ja’quennö, yää masuuduichanä, tujummamjönö ijummadö mmaja, wä’dau’nä mmaja, wänwanä mmaja, wewoodoichanä mmaja, waanontänä wä’dödö nönge’da chu’taajä ijummadö mmaja.