DOMAANO 9:3 - Wanaadi A'deddu

³ Quidiito jonno töwä’sancwa wei’she tötö’tajä’e wäänene aneedawä, jimmä nwacancomooje, ñanno öwö wä’jimmä’tädö, yääje eijai yeiya’jäcä.

DOMAANO 9:3 ပူးပေါင်းရင်းမြစ်များ

DOSECHO 13:26

“Änwanno jimmä, Aawadán weichö nnacoomo, änwanno mmaja Wanaadi ñontännamo, edääje wä’dö’se wa äwwäiñe: Äwwoncomo mädä wääwanaacatoojo jäcä ecammajäätödö naadö.

DOSECHO 22:5

Wanaadi wwä töwa’deuwaamo edhaajotoncomo, tameedä inchoncomo mmaja dhowaanäcäiñe na yääje wei’jödö. Tönwanno dea jajeeda imennaajä cuntuicho öwwä cöjimmotoncomo judhío Damaacu ñancomo wwadäädä immenno’jocoomo. Damaacu ña öötädö cönä’jaacä yaawä quedeiyentecoomo ujiiye, Jeduusadén ña eneejödööcomo wetä yaawä, imaaminchadööcomo wetä.

DOSECHO 28:21

Yaawä ñanno cönä’döa’to Paudo wwä: —Judheea ñancomo jajeeda änne’jo’da naato ñaa wwadäädä amäädä äjääcä. Ñaa jimmä iiñancomo we’a’como conemjönö äjääcä aneecammajäätö’da mmaja naato dea.

DOMAANO 1:3

Yää wätunnä na Cädhaajotoncomo Jesuuquidiito jäcä, ñäädä Wanaadi nnedö. Töwö Jesuuquidiito cönä’jaacä Dawí atöödöje.

DOMAANO 11:1

¿Yääje yeiya’jäcä ca Wanaadi iisadaaediitacoomo cöneetömaicho? Ng’jn, aneetöma’daane. Öwö waadö naane’, iisadaaediita, Aawadán atöödö, Wemjamín weichö.

DOMAANO 11:14

Mädääje wäänene ñanno jimmä judhíocoomo i’ñeimmajoodöcoomo wetä äjääcäiñe, awei’yejeiñe mmaja yeichöcoomo wetä yaawä, dhantai ääwanaacaiyeto yaawä.

DOMAANO 16:11

Ñäädä jaatacoiño Edoodiyón wwä mmaja ya’deujödö ecammatääcä’dede, Naadisiiso wä’jimmä’tädö wwäiñe mmaja, ñanno quedeiyentecoomo;

DOMAANO 16:21

Tiimoteo, ñäädä weetadaawa’cajoodö weichacoono, ta’deujödö nadääja äwwadäädäiñe, Duusiyo mmaja, Jasón mmaja, Sosíipateede mmaja, ñanno öwö jaatacoinchomo.

DOMAANO 16:7

Ya’deujödö ecammatääcä’de Antodoonico wwä, Juuniya wwä mmaja; jaatacoinchomo ñanno, jedeesoje weichö jaadoncomo’jödö. Täneejuca’como tönwanno anonta’como wwäiñe. Tönwanno yoowajoodä Quidiito cöneecamjöicho.

DOMAANO 9:2

Jooje wentumje wäänene; weiñäje yeewanö jäcä cone’da wäänene dea jimmä jäcäinchädäiñe.

1 CODINTIYO 12:3

Yääje yeijäcä odhoowanääcäiñe yei’she wa Epíiditu Santo woije soto edääje ä’dö’da yeichö: “Jesuuquidiito conemjönö;” quee ä’döjai’cha. Ñäädä Cajiichaanaje Jesuuquidiito e’tänei mmaane Epíiditu Santo woije yääje nä’döa.

1 CODINTIYO 16:22

Anejja Cajiichaana Jesuuquidiito ämjumma’da yeiya’jäcä töwännanö’e na ñäädä. Ä’cäde’de amäädä Cajiichaana Jesuuquidiito.

2 CODINTIYO 12:15

Öwwä tujunne aweichaameiñe jääcä chö’tajäätö’da ätö’taato. Yääje yeichaame ajummatäiñe dea wäänene. Tameedä öwwä naadö acoichajoojai tö’ta äjääcäinchädäiñe, weichö jadä’jödöödä.

CAADATA 1:8

Ñäädä äwwäiñe anejja wätunnä ecammajä’nei, öwö jadä’jödöödä mädääje weiya’jäcä, Wanaadi amoodedö jeiñe mma, äwwäiñe awa’deene ñaa cöneecammaichö nönge’da yeiya’jäcä, töwännanö’e na ñäädä.

CAADATA 1:9

Jenaadä äwwäiñe wecammaneedöje mmaja wecamma dea eduuwa: Anejja wätunnä äwwäiñe ecammajä’nei, awa’deene metaatäneedö nönge’da yeiya’jäcä, töwännanö’e na ñäädä.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.

CAADATA 3:13

Yää jenaado’jä waanontänä tödööjai’cha cöweijäcäiñe töwännanö’aamoje cä’ja’quene. Yääje cöweichöcoomo jonno Quidiito cäwaanacaatäne. Töwö dea töwännanö’emö nönge cönä’döjoi cöjääcäinchädäiñe. Edääje Wanaadi a’deddu imennaajä nä’döa: “Ñäädä cuduusa jäcä ajoijaajä, töwännanö’emö ecammaajä ñäädä;” quee.

EUJEESIYO 6:5

Änwanno tädhaajäca’como, adheedhajootoncomo edä nono de’woncomo woije eichäcä, ñontancädäiñe, aashicha tödööancädäiñe mmaja, tooni mma ätö’tajäätödööcomo tödööancädä, Quidiito wwä tödöödö töweiye naichöje.