DOMAANO 9:17 - Wanaadi A'deddu

¹⁷ Ñäädä Ejiito ñano cajiichaanai’chädö cönä’ja’dö naane’. Edääje imennaajä nä’döa chäwwä Wanaadi wa’deuwö’jödö jäcä: “Mädääjatooje dea cajiichaanaje männöne, jäduuje weichö wäänejooto’me, tameedä nono weichö wa’cä yeecadö wecaatadö wetä yaawä;” quee imennaajä nä’döa.

DOMAANO 9:17 ပူးပေါင်းရင်းမြစ်များ

JUAN 17:26

Aweichö weneejone chäwwäiñe; eneejodööje dea wa’de, wä’jummanä ’je eiyeto, amäädä cujummaadöje mmaja, öwö dhacaiñe weichö wetä mmaja; quee cönä’döaacä Jesuuquidiito Tumö wwä töwa’deuwödaawä.

DOMAANO 11:4

¿Aaquene Wanaadi cönä’döaacä yaawä, quee ’ja? Edääje cönä’döaacä: “Töweiye dea naato öwö neichö aacä amoojato miide, Waada cu’taajä je’taca tä’mudhe ä’döjöncomo;” quee Wanaadi cönä’döaacä yaawä Edía wwä.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

CAADATA 4:30

¿Aaquene Wanaadi a’deddu imennaajä nä’döaanä Aawadán wwä Acaada tödöötojo jäcä, quee ’ja? Edääje nä’döa: “Enno’jacä ñäädä osootoi, iiñedö mmaja. Ñäädä shootoi nnedö tumö nsomaadö’jödö edhaajä’täjai’cha na ijiiñamo neene nnedö acä;” quee nä’döa Aawadán wwä Wanaadi necamma’jödö imennaajä.