DOMAANO 9:1 - Wanaadi A'deddu

¹ Chäänönge ya’deuwa, Quidiito sotoi wa’deuwödö töweiye naichöje; ätäncu’tä’da wa. Tö’tajäätödö jaiñoone wecamma äwwäiñe, Epíiditu Santo woije.

DOMAANO 9:1 ပူးပေါင်းရင်းမြစ်များ

DOMAANO 1:9

Tödö’se weichö que Wanaadi wwä tönnöe wäänene, mädä Iiñedö jäcä aashichaato wätunnä töneecammajä’e wääneneedö. Töwö Wanaadi dhowaanäcä na weiñäje töwwä töwa’deuwe weichö.

DOMAANO 2:15

Mädääje tönwanno neneejaato yää waanontänä tötö’tajäätödööcomo jäcä yeichö. Yaawä wätämmencajootojo anootoi’chädö awä chö’tajäätödööcomo dea iiñödööcomo nichö’tamme’ja’de cone’da yeichö, aashicha yeichö jeiñe mma.

DOMAANO 8:16

Töwö Epíiditu Santo cötö’tamme’jotäiñe weneene Wanaadi nnedööje cöweichöcoomo.

DOMAANO 9:2

Jooje wentumje wäänene; weiñäje yeewanö jäcä cone’da wäänene dea jimmä jäcäinchädäiñe.

2 CODINTIYO 1:12

Ta’cwaiñe ñaa weneene, aashicha tötö’tajä’e ñaa weneene dea ñaa owaanäcä yeijäcä aashicha töwei’jödö, chäänönge töwei’jödö mmaja, edä nono de’woncomo antawäiñe, änwanno adhantawäiñe mmaja. Ñaa sejjedö que’da mädääje ñaa cönä’jaacä; Wanaadiiñe ñaa ’wa’täne.

2 CODINTIYO 1:23

Wanaadi owaadäädä edääje wä’döa; töwö dhowaanäcä na chäänönge wa’deuwödö yeichö: Wentumje ayöödöjoodöcoomo queiñe dajaane Codinto ña tä’da weiyaqueene.

2 CODINTIYO 11:10

Quidiito a’deddu chäänöngato öwwä naadö wa’cä mmaja chäänönge yääje wä’döa, mädä chääjäcä wä’wa’deme’caadö ijo’quejö’da na’de tameedä Acaaya weichö wa’cäädä.

2 CODINTIYO 11:31

Cädhaajotoncomo Jesuuquidiito Wanaadiyö, ñäädä Yuumö, dhowaanäcä na wäätäncu’tädööje’da yeichö mädääje wä’dödö; ñäädä Wanaadi ña yeichöödäje aashicha wa’deutojooje.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

CAADATA 1:20

Wäätäncu’tädööjönö mädä wimennaadö; Wanaadi dhowaanäcä na yääje yeichö.

JIDIIPENSE 1:8

Wanaadi dhowaanäcä na jooje äjummatäiñe weichö, wä’jummanä Jesuuquidiito nutuudu que.

1 TEESADOONISENSE 2:5

Änwanno odhoowanääcäiñe na adheemu’näjöödöcoomo que’da ñaa necammajäätö’jödö; adhencu’tätäiñe’da ñaa cönä’ja’dea jödaata chaana’cadö wetä. Wanaadi mmaja dhowaanäcä na yääje yeichö.

1 TIIMOTEO 1:5

Amäädä owaanomaajai maato wä’jummanä jäcä; yää wä’jummanä ne’a äwaanö choonecaajä jonno, tö’tajä’nä aashichaato jonno mmaja, ecamjödö weishi’jonä quemjönö jonno mmaja.

1 TIIMOTEO 2:7

Yää ecammajä’neije tödööajääje wa öwö, anontaajäje mmaja, judhíojöncomo owaanomaadöcoomo wetä chäänöngato ecamjödö jäcä. Chäänöngato mädä Quidiito owaadäädä wecammaadö, weeshi’jodööjönö.

1 TIIMOTEO 5:21

Wanaadi owaadäädä yääje wä’döa äwwä, Jesuuquidiito owaadäädä mmaja, dhamoodedö eiya’como owaadäädäiñe mmaja: Tameedä edä waanontänä tödööcä’de äänönge soto tödööancädäiñe, o’jodhe anejja ijummancädä’da.