DOMAANO 8:6 - Wanaadi A'deddu

⁶ Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

DOMAANO 8:6 ပူးပေါင်းရင်းမြစ်များ

JUAN 14:27

“Öötääje täncanoode’da aweicho’como wu’a, yää öwwono. Täncanoode’da weiñä edä nono de’wono nöngemjönö wu’a äwwäiñe. Cone’da’daane eichäcä adheewanööcomo jäcä; tösaade’da mmaja eichäcääde.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 17:5

Eduuwa, Jaaja, adöiña mmaja wennaca’jäcä, aashicha weichö eneejocä, yää dea, ajaadä weichö aashicha wä’jaaquennö dea, edä nonoodö amoode’nädö owaajodä.

DOMAANO 13:14

Cajiichaana Jesuuquidiito owoowontoto’comooje tödöötäcä. Ajuunucoomo nijummadö mma männötäi’che.

DOMAANO 14:17

Wanaadi sotoije weiñä töweiye nai äwanshi jäcäinchädä’da, wocö jäcäinchädä’da mmaja, chäänönge weiñä jäcäinchädääne, täncanoode’da weichojo mmaja, ta’cwaiñe weiñä mmaja, yää Epíiditu Santo nutuudu.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 6:21

¿Ane’cäämö töncana’ca töweiye mä’ja’quene yää eduuwa ajöichöcoomoje naadö tödöödö que? ¿A’que jönca? Yää tödöödö noowonö’jaca wäämatoojoje mma.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 7:11

Conemjönö yencu’täne yaawä yää waanontänä töjääduduuje töweiyancädä; yeemane yaawä chääque.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

DOMAANO 8:27

Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

DOMAANO 8:7

Ñäädä tujuunu nödöödö encano’tänei Wanaadi tu’dedööje na, Wanaadi waanontädö wwä ä’tu’da yeijäcä, ä’tujai’cha mmaja.

CAADATA 5:22

Epíiditu Santo nödöödö weja’caajä mmaane wä’jummanä, ta’cwaiñe weiñä mmaja, täncanoode’da weiñä mmaja, aashicha shinchädö mmaja, tamääne’da weiña mmaja, aashichaato jummadö mmaja, chäänönge weiñä mmaja,

CAADATA 6:8

Tujuunu nijummadö woije ñaatö’ta’jäcä yää noowonö’jaca’de wäämatoojoje, tujuunu nijummadö woijato dea mma. Epíiditu Santo nijummadö woije ñaatö’ta’jäcä mmaane ñäädä dea Epíiditu Santo yeichöödäjaato weiñä daja nija’canö’ja’de.