DOMAANO 8:5 - Wanaadi A'deddu

⁵ Ñanno tujuunucoomo woija’como tujuunucoomo nödöödö mma nencano’taato; ñanno Epíiditu Santo woija’como mmaane Wanaadi nödöödö daja tödö’se naato.

DOMAANO 8:5 ပူးပေါင်းရင်းမြစ်များ

MAADOCO 8:33

Jesuuquidiito cönä’jedennacai yaawä tönoowanoomadö wwadäädäiñe. Peedhodo cömjiiyemeecöi yaawä; cönä’döaacä chäwwä: —Ääsecaacä yoowajonno amäädä Caajushawa. Soto tö’tajäätödö nönge mma ätö’tajä’a, Wanaadi tö’tajäätödö nönge’da mma; quee Jesuuquidiito cönä’döaacä Peedhodo wwä.

JUAN 3:6

Ñäädä tujuunu aiño wennuaajä sotooje na; ñäädä Epíiditu Santo aiño wennuaajä mmaane Wanaadi wwonooje na.

DOMAANO 8:9

Änwanno mmaane ajuunucoomo woije’da maato, Epíiditu Santo woijeene, Epíiditu Santo ataacaiñe yeijäcä, ñäädä Wanaadi dö’sennoto we’ajä. Ñäädä Epíiditu Santo ’jemjönö Quidiito jadoonojöönö ñäädä.

1 CODINTIYO 15:48

Edä nono de’woncomo naato ñäädä nono döaajä cönä’ja’dö nönge; caju ñancomo mmaane Quidiito nönge naato, ñäädä caju ñano.

1 CODINTIYO 2:14

Ñäädä Epíiditu Santo woijemjönö Epíiditu Santo nödöödö tömjo’ma weneene, i’jeta’jödö nönge yeijäcä chäwwä. Töwö yää etaajai’cha na, Epíiditu Santo ni’wa’tädö queene yää chö’tammecöödö yeiyajä.

2 CODINTIYO 10:3

Edä nono de’wä ñaa weichaame edä nono de’woncomo nönge’da ñaa newäänä’ta.

CAADATA 5:17

Ajuunucoomo nijummadö Wanaadi dö’sennoto Epíiditu Santo jäcä nä’jädu’ta. Epíiditu Santo mmaja ajuunucoomo nijummadö jäcä nä’jädu’ta dea. Tönwanno naato äätu’dedööje; yääje yeijäcä ämjummaadööcomo tödööjai’cha maato.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

2 PEEDHODO 2:10

Jooje’cä jeene Wanaadi nimaaminchaato’de ñanno conemjönö tumjummadööcomo woija’como, ñanno Cajiichaana chiiñeme’nnamo. Tösaademjöncomo tönwanno, jäduuja’como mmaja. Tönoiña’como jäcä cone’da töwa’deuwödööcomo onnontä’da tönwanno.