DOMAANO 8:38 - Wanaadi A'deddu

³⁸ Yoowanääcä na anejja cönsancwajoojaiñe’da yeichö Wanaadi jonno, cujummatäiñe’da yeichö wetä yaawä. Wäämanä cösancwajoojaiñe’da na chojonno, edä nono de’wä weiñä mmaja, amoode caju ñancomo mmaja, odo’shancomo jäduuja’como mmaja, eduuwa weiñä naadö mmaja, äcuude weiñä na’dedö mmaja,

DOMAANO 8:38 ပူးပေါင်းရင်းမြစ်များ

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

DOMAANO 14:7

Cönwanno cöqueiñe mma’da cöweichöcoomo na, cöqueiñe mma’da mmaja cöwäämadööcomo na dea.

DOMAANO 14:8

Nudä cöweichöcoomo Cajiichaana wwonooje caato; cöwääma’comjäcä Cajiichaana wwonooje dea caato. Mädääje na; nudä cöweichöcoomo jeiñe mma, töwääma cöweichöcoomo jeiñe mma, Cajiichaana wwonooje dea caato.

DOMAANO 4:21

Töwö dhowaanäcä cönä’jaacä töneecamma’jödö nönge Wanaadi tödööjai yeichö.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

1 CODINTIYO 15:24

Yaawääne yaatameedö na’de. Yaawä Quidiito nacoichaja’de tameedä cajiichaanaje weiñä, acu’shänääje weiñä mmaja, jäduuje weiñä mmaja. Töwö Tumö Wanaadi wwä nu’a’de yaawä cajiichaanaje weichojo.

2 CODINTIYO 11:14

Cone’da tödööemje’da ’cännä yääje yeichöcoomo, Caajuushawa mmajaane amoode tawaanatooje töwäänejo yeiyajä.

2 CODINTIYO 4:13

Wanaadi a’deddu imennaajä nä’döa: “Öwö wecaanö’ne, yääje yeijäcä ya’deune;” quee. Ñaa mmaja ñaa necaanö’a dea; yääje yeijäcä ñaa na’deuwa dea.

EUJEESIYO 1:21

Töwö Wanaadi Quidiito cönnöi tameedä jäduuja’como e’jodhe, cajiichaanacoomo e’jodhe mmaja, o’jodha’como e’jodhe mmaja, acu’shänääcomo e’jodhe mmaja, tameedä anejjacoomo soto e’jodheiñe mmaja, eduuwa weiñä naadawä mma’da, äcuude weiñä na’dedö awä mmajaane.

CODOOSENSE 1:16

Jesuuquidiito ai Wanaadi cönnöi tameedä tödööajä naadö, caju ña naadö mmaja, nono de’wä naadö mmaja, äänejöönö, täneeto mmaja. Jesuuquidiito ai mmaja Wanaadi cönnöi chea acu’shänääcomo, o’jodha’como mmaja, jäduuja’como mmaja, cajiichaanacoomo mmaja, nanno amoode. Töwö iiñödö mädä tameedä, töwö chäwwono mmaja.

CODOOSENSE 2:15

Cuduusa jäcä töwäämadö que Quidiito cömjäduucaicho tameedä jäduuja’como, cajiichaanacoomo mmaja, ñanno odo’shancomo. Tameedä täneemöje töwö cöne’jodheinchaicho.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.

EEWEDEO 11:13

Tameedä ñanno we’toichodö cönä’jajoicho ecamjödööje dea, Wanaadi necamma’jödö aneene’da töwei’jocoomo weichaame. Ecamjödö ’je töweichomjäcä amoinchenno mma yää Wanaadi necamma’jödö cöneene’ma’to, aashicha cöneeta’to dea. Ta’cwaiñe mmaja cönä’ja’to dea yää jäcäinchädä. Töjaataquemjöncomooje töwääcamma cönä’ja’to, a’dhe edä nono de’wä töweiyaamoje mma.

1 PEEDHODO 3:22

Töwö Jesuuquidiito caju ña cöntämä; yäätä na eduuwa Wanaadi jäcä ämu’demjönö dö’se. Töwö na tameedä Wanaadi amoodedö e’jodheiñe, cajiichaanacoomo e’jodheiñe mmaja, jäduuja’como e’jodheiñe mmaja.