DOMAANO 8:37 - Wanaadi A'deddu

³⁷ Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

DOMAANO 8:37 ပူးပေါင်းရင်းမြစ်များ

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOMAANO 8:35

Yääje yeiya’jäcä ¿ane’cäämö cösancwajoojai ñai Quidiito jonno, cujummatäiñe’da yeichö wetä yaawä? ¿Wäntunaanö’nä ’ja, cone’da weiñä ’ja, wätä’maminchajoonä ’ja, ämi dhetuncadö ’ja, töwonque’da weiñä ’ja, tönoiñato ’ja, wäämanä ’ja? Ng’jn, tameedä mädoocomo cösancwajoojaiñe’da na Quidiito jonno, cujummatäiñe’da yeichö wetä.

1 CODINTIYO 15:54

Yää töwaatameemö töwaatamemjönö que yenwacaama’jäcä, töwäämaamö töwäämamjönö que yenwacaama’jäcä mmaja, yaawääne na’de Wanaadi a’deddu imennaajä wä’dödö nönge: “Wäämanä to’jodheincha na;

1 CODINTIYO 15:57

Yääje yeichaame Wanaadi nu’a cöwwäiñe e’jodheinchatoojo, Cädhaajotoncomo Jesuuquidiito ai. Yääje yeijäcä aashicha Wanaadi tä’tämje na.

2 CODINTIYO 12:19

Ñaa woowontädö atäi’cha ca mädä mecaanö’atoodö jääcä. Ng’jn, Wanaadi owaadäädä dajaane ñaa na’deuwa Quidiito woije. Aashicha awa’tö’näjöödöcoomo jäcäinchädä mädääje ya’deuwa.

2 CODINTIYO 12:9

edääje mma töwö cönä’döaacä öwwä: “Öwwä ä’wa’tädö mma chääwa’cä äwwä na; untudu soto jäduudu jooje’cä nääneja jäduuje’da soto weichawä;” quee mma Cajiichaana Jesuuquidiito cönä’döaacä öwwä. Yääje yeijäcä waacö’je mma na jäduuje’da weichö, Quidiito jäduudu jääcä yeejamö’se weijäcä.

2 CODINTIYO 2:14

Aashicha tä’tämje Wanaadi ña; töwö Jesuuquidiito ai ñaa e’se’tätä weneene, ñaa wwä e’jodheinchadö wetä. Ñaa ai töwö Wanaadi aashichaato wätunnä nemeecanta tameedä yeichö wa’cä, juu shimi’jotoojo jodö töweiye naichöje.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

1 JUAN 4:19

Cönwanno Wanaadi quiijummaato chäwwä awa’deene cumjumma’jocoomo weijäcä.

1 JUAN 4:4

Önnacoomo’cä, änwanno maato Wanaadi sotoije. Anwanno me’jodheinchatääne ñanno ecammajä’nnamo chäänöngemjöncomo, jäduuje’cä yeijäcä ñäädä Epíiditu Santo ataacaiñe naadö, edä nono de’wono e’jodhe’cä.

JUUDHA 1:24

Ñäädä Wanaadi jäduuje na aweejuccadööcomo queiñe adheedai’chädööcomooje. Töwö chäwwä na töweichojo aashichaato döiña adhaadoto’como, conemjönö ’je’da, ta’cwaiñe mmaja.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 12:11

Ñanno cöjimmotoncomo tämentäneichomo’jödö cöne’jodheinchaicho Oweeja nnedö’cä wääma’jödö que, dha’deddu ecammajäätödö que mmaja. Tönwanno töwäämadööcomo onnontä’da cönä’ja’to tämaadöcoomo jonaane.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.

APOOCADIISI 3:9

Öwö wene’jaato’de ñanno Caajuushawa sotoi, judhíoja’como wätä’tädö, ñannoje’da töweichaameiñe, äncu’tännamoojeene. Ñanno wene’jaato’de äwwadäädä; tä’mudhe wödööjaato’de aje’taca, dhowaanäcäiñe yeichö wetä öwwä ajummadö.