DOMAANO 8:35 - Wanaadi A'deddu

³⁵ Yääje yeiya’jäcä ¿ane’cäämö cösancwajoojai ñai Quidiito jonno, cujummatäiñe’da yeichö wetä yaawä? ¿Wäntunaanö’nä ’ja, cone’da weiñä ’ja, wätä’maminchajoonä ’ja, ämi dhetuncadö ’ja, töwonque’da weiñä ’ja, tönoiñato ’ja, wäämanä ’ja? Ng’jn, tameedä mädoocomo cösancwajoojaiñe’da na Quidiito jonno, cujummatäiñe’da yeichö wetä.

DOMAANO 8:35 ပူးပေါင်းရင်းမြစ်များ

JUAN 10:28

Öwö wu’a chäwwäiñe töwaatamemjönö weichojo. Tönwanno ännamjö’da naato’de yeichöje. Anejja sootoi che yenwajiiñajai’cha na.

JUAN 13:1

Tooni anooto mmädä a’que cönä’jaacä Weja’dätä’jä anooto comjedensiyai’chädö tödöötojo cu’nädö aca yä’dötoojo. Yaawä Jesuuquidiito dhowaanäcä cönä’jaacä chu’nädö aca yä’dödö Tumö döiña töötotoojo edä nono de’wonno. Yääje yeichaame töjaadoncomo jäcäiñe tötö’tajä’e dea cönä’jaacä, ñanno edä nono de’woncomo; ijummadööcomooje dea cönä’jaacä, tumjummaiñe cönä’ja’döje dea.

JUAN 16:33

Mädä wecammajäätöi äwwäiñe täncanoode’da aweichöcoomo wetä öwö jääcäinchädä. Edä nono de’wä aweichöcoomo mäntunaanö’ato’de; yääje yeichaame cone’da’daane eichäcä’de, öwö we’jodheinchane edä nono de’wono; quee cönä’döaacä Jesuuquidiito.

DOSECHO 14:22

Iiñancomo quedeiyentecoomo cömjädu’ta’to, cönwätuuja’to dea ejääduqueejö’da yeichöcoomo wetä töneecamjödööcomo jonno. Edääje töwä’döe cönä’ja’to chäwwäiñe: —Cönwanno jooje cäntunaanö’aato Wanaadi döiña cöwä’döeejeiñe; quee Paudo töwä’döe cönä’ja’to quedeiyente wwäiñe.

DOMAANO 2:9

Ñanno conemjönö dönnamo nätä’maminchajaato’de, yeetunu neneeaato’dede, judhío awa’de, judhíojöönö mmaja.

DOMAANO 8:17

Wanaadi nnacoomoje cöweijäcäiñe cöwwäiñe töweiyemööje na yää Wanaadi necamma’jödö tu’emö. Yää cöwwäiñe nä’tua’de Quidiito wwä utuudu jadä. Eduuwa Quidiito jäcäinchädä cöwäntunaanö’a’comjäcä, chääjadä mmaja aashicha caato’de

DOMAANO 8:37

Yääje yeichaame, töwäntunaanö’emööje cöweichaameiñe, to’jodheinchaane e’jodheinchajai caato ñäädä cujummaneichomo ni’wa’tädö que.

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

1 CODINTIYO 4:11

Eduuwa naadö jona tödööene ämiije ñaa weneene, emjätö’se mmaja, töwonque’da mmaja; töwäätä’maminchajo ñaa weneene dea soto wwäiñe; tömmaiche’da mmaja ñaa na dea.

1 CODINTIYO 4:12

Töquincha ñaa wä’döaajä na töweetadaawa’cajootö. Soto wwäiñe ñaa quimmajäätödö töneccujä’e ñaa weneene aashicha wa’deunä que. Chäwwäiñe ñaa maminchadö tönshinchä ñaa weneene.

2 CODINTIYO 12:10

Yääje yeijäcä mädä Quidiito jäcäinchädä töiñetunca wääneneedö waacö’je mma weneene, yää jäduuje’da weichö, anejja wwä yeuwödö jeiñe mma, wäntunamjödö jeiñe mma, wäätä’maminchajoodö jeiñe mma, wä’yunaacajoodö jeiñe mma. Jäduujemjönö nönge tö’tadaawä yaawääne jäduuje wäänene.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

2 CODINTIYO 4:8

Jooje ñaa ansu’dänei töweiye yeichaame, cone’da ñaa dö’da weneene; taquiiñuque ñaa weichaame mmaja, ejääduqueejö’da ñaa weneene dea.

2 CODINTIYO 4:9

Tutu’de’täämöje ñaa weichaame, Wanaadi ñaa e’nomja’da na. Ñaa ewantäjä’taame, ääma’da ñaa weneene.

EUJEESIYO 3:19

Yääje yeijäcä odhoowanääcäiñe yei’she wa Quidiito cujummatäiñe yeichö, tameedä jeene cowaanäcäiñe tödööjai’cha cöweichaameiñe. Mädääje na; tameedä Wanaadi weichö ’je awei’sheiñe wa.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

2 TIIMOTEO 1:12

Mädä jäcäinchädä töwäätä’maminchajo wäänene, mädä waadö. Yääje yeichaame ejöichojo’daane wa, yoowanääcä yeijäcä ñäädä neecamjödö. Yoowanääcä na dea chäwwä needai’chojoodö töwö chäänönge edai’chäjai yeichö yää anooto jona tödööene.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.