DOMAANO 8:30 - Wanaadi A'deddu

³⁰ Ñanno töne’tä’jödö Wanaadi cöna’dejjaicho dea; töna’dejja’jödö töjaadonooje cönnöicho; töjaadonooje tönnö’jödö aashicha töweiyaamoje mmaja cönnöicho dea.

DOMAANO 8:30 ပူးပေါင်းရင်းမြစ်များ

JUAN 17:22

Yää aashichaato öwwä mu’nedö chäwwäiñe wu’ne dea, tooni mma chö’tajäätödööcomo yeichö wetä, cöwö caadöje mmaja.

JUAN 17:24

“Jaaja, canno öwwä mu’netoodö öwö weichojo dö’tä mmaja yei’sheiñe waato, o’jodhe weichö eneiyeto yaawä, yää äwwä jummadö weijäcä öwwä mu’nedö edä nono tödöödö owaajodä.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOMAANO 1:6

Ñanno mmaja änwanno dea chäwwäiñe täcammajä’aamo, Jesuuquidiito sotoije Wanaadi ne’tädö.

DOMAANO 11:29

Wanaadi tuntudu aniiñaca’da na, töna’dejja’jödö omjo’ma’da mmaja.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

DOMAANO 8:21

Mädä amoode’naajä naadö töwaatameemöje’da nä’döa’de töwaatameemöje töweichö jonno. Yääje na’de Wanaadi nnacoomo wwä aashicha töweicho’como ejoodöa’jäcä.

DOMAANO 8:28

Cönwanno cowaanäcäiñe na tameedä tujummannamo jäcäiñe töweeja’dä’e weneenedö aashichaatoje Wanaadi tönnöe yeichö, ñanno tumjummadö woije töna’dejja’jödö jäcäiñe.

1 CODINTIYO 1:2

nimenna äwwadäädäiñe, änwanno ñaa jimmä, Wanaadi ecaanö’nnamo Codinto ñancomo. Änwanno Wanaadi sotoije mä’dötääne Jesuuquidiito jadä äwä’dödööcomo que. Wanaadi adha’dejjatääne aashicha aweicho’comooje tameedä yeichö wa’co’como Cädhaajotoncomo Jesuuquidiito ecaanö’nnamo jadäiñe. Töwö Jesuuquidiito na ñanno edhaajotoncomooje, cönwanno Cädhaajotoncomooje mmaja.

1 CODINTIYO 1:9

Chäänöngato ñäädä Wanaadi, töwö dea adha’dejjatääne Tönnedö Jesuuquidiito jimmäje aweichöcoomo wetä, ñäädä Cädhaajotoncomo.

1 CODINTIYO 2:7

Ñaa töneecammajä’e weneene Wanaadi sejjedö owaanojöönööne, yää owaanäcä’da jenaadä cönä’ja’dö, edä nono tödöödö owaajodä cöwääwanaacato’comooje Wanaadi cöneejodöichö.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

CAADATA 1:15

Yääje yeichaame wennudu owaajodä dea Wanaadi ye’täne; aashicha töweichö woije töwö ya’dejjane. Yaawä, tumjummadö woije

CAADATA 1:6

Öwö jooje cone’da wa numa’da äwwäiñe Wanaadi e’nomjadö weijäcä, ñäädä Jesuuquidiito nutuudu aashichaato que adha’dejjaneichomo’jödö. Anejja wätunnä jäcä daja määsecaato eduuwa.

CAADATA 5:8

Anejja woije mädääje mä’döjootäne, ñäädä Wanaadi adha’dejjaneichomo’jödö woije’da.

EUJEESIYO 1:11

Quidiito jadä cöweichomjäcä jenaadä töwö Wanaadi cä’tätääne yää cöwwäiñe tuntudu eiñamooje. Tameedä mädä na Wanaadi nijummadö woije; töwö tameedä tönnöe weneene töntö’tammecöödö woije.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 2:6

Töwö Wanaadi cadoncatääne dea Jesuuquidiito jadä; chääjadä cajiimajootäne dea caju ña.

EUJEESIYO 3:11

Wanaadi yääje cönnöi jenaadä töntö’tammecö’jödö woije, yää Cädhaajotoncomo Jesuuquidiito ai cönnöichö.

EUJEESIYO 4:4

Tooni chääjö na, tooni mmaja Epíiditu Santo, tooni mmaja onwomoocödööcomo, yää äwwoncomooje yeichö wetä Wanaadi adha’dejjatäänedö.

CODOOSENSE 3:4

Ñäädä Quidiito cöweicho’comooje naadö we’a’jäcä, änwanno mmaja aashicha määnejaato’dede chääjadä.

1 TEESADOONISENSE 2:12

Edääje äwäätuujatäiñe ñaa cönä’jaacä: “Wanaadi sotoi weichö nönge deaane eichäcä, ñäädä tösootoije adhe’täneichomo’jödö, aashicha töweichö enennamooje adhe’täneichomo’jödö mmaja;” quee töwä’döe ñaa cönä’jaacä äwwäiñe.

2 TIIMOTEO 2:11

Chäänöngato mädä yääje wä’dönä: Chääjadä cöwä’ja’a’comjäcä, chääjadä mmaja cöweichöcoomo queeneaato’de.

EEWEDEO 9:15

Yääje yeijäcä töwö Jesuuquidiito na eduuwaato weiñä ecammaajä tödööneije. Quidiito wääma’jödö weijäcä töweiye na eduuwa conemjönö choccatoojo, yää awa’deeto’jä weiñä cönä’ja’dawä soto cönnöichodö choccatoojoje. Yääje yeijäcä ñanno Wanaadi na’dejjadö wwäiñe ä’tujai ña yää töwaatamemjönö tu’emö, chäwwäiñe Wanaadi cöneecammaichö dea.

1 PEEDHODO 2:9

Änwanno mmaane soto eiya’como, Cajiichaana Wanaadi wwä töwa’deuwaamo mmaja, soto coneeca’como mmaja, Wanaadi sotoije mmaja. Yääje yeijäcä änwanno ecammajä’jai maato Wanaadi nödöödö aashichaato, ñäädä tööjano’tacanno adha’dejjaneichomo’jödö tönaawanaanö’cadö aashichaato aca.

1 PEEDHODO 3:9

Conemjönö que mmaja conemjönö maneemetaacamaatäi’che. Ätuushimaajätöödawäiñe wä’tushiimanä que mmaja moojo’tätäi’che. Aashichaato que mmaane emeetacaamatääcä’de. Yääje töweiyaamoje ta’dejja maato, Wanaadi nutuudu aashichaato äwwäiñe yeichö wetä.

1 PEEDHODO 5:10

A’dhe äwäntunamjö’jejeiñe Wanaadi ocoonecaato’de. Töwö ä’wa’taato’de, yäätäädä äjäädu’taato’dede. Wanaadi ñäädä aashichaato edhaajä. Töwö ca’dejjatääne aashichaato töwaatamemjönö enennamooje cöweichöcoomo wetä, Jesuuquidiito jadä.

2 PEEDHODO 1:10

Yääje yeijäcä jimmä, jooje’cä jeene ä’jädu’tätääcä, chäänönge odhoowanääcäiñe yeichö wetä Wanaadi na’dejjadööje aweichöcoomo, ñe’ta’jödööje aweichöcoomo mmaja. Yää tödööa’jäcä äwwäiñe shaadijaamö’da eijai maato yeichöje.

APOOCADIISI 17:14

Tönwanno newäänä’taato’de Oweeja nnedö’cä jadä. Töwö Oweeja nnedö’cä ne’jodheinchaato’de, cajiichaanacoomo Cajiichaanaichomooje töweijäcä, ädhaamo Edhaajotoncomooje töweijäcä mmaja. A’dejja’como ñanno Oweeja nnedö’cä jadoncomo, Wanaadi neichö mmaja, chäänönga’como mmaja; quee cönä’döaacä amoode öwwä.

APOOCADIISI 19:9

Yaawä ñäädä amoode cönä’döaacä öwwä: —Edääje imennäcä: “Ta’cwaiñe eijai ñaato ñanno Oweeja nnedö’cä jötaadawä ääwashinchä a’dejja’como,” quee imennäcä; quee cönä’döaacä amoode. Edääje mmaja cönä’döa’dea öwwä: —Wanaadi a’deddu chäänöngato mädä; quee cönä’döaacä.