DOMAANO 8:27 - Wanaadi A'deddu

²⁷ Ñäädä Wanaadi tameedä tö’tajä’nä dhowaanäcä na; töwö dhowaanäcä na Epíiditu Santo wa’deuwödö töwwä, ñäädä Epíiditu Santo Wanaadi woije dea töwa’deuwe yeijäcä shootoi jäcäiñe.

DOMAANO 8:27 ပူးပေါင်းရင်းမြစ်များ

MATEO 6:8

Ñanno wei’yejeiñe meichäi’che änwanno. Oomotoncomo dhowaanäcä na äwwäiñe a’cato, töwwä e’catäädö owaajodä dea.

DUUCA 16:15

Yaawä Jesuuquidiito cönä’döaacä chäwwäiñe: —Änwanno soto neneedöcoomoje mmädä aashicha äwäänejo’seiñe määnetääne. Wanaadi mmaane ätö’tajäätödööcomo jaiñoone dhowaanäcä na. Yaa aashichaato wa’cä soto wwäiñe yäänedö naadö, Wanaadi wwä mmaane cone’da na.

JUAN 14:13

Tameedä yeetö joi ane’catäädöcoomo öwö wödööa’de, aashicha Tumö weichö Iiñedö wwä eneejodö wetä.

JUAN 21:17

Yaawä Jesuuquidiito cöneecamma’joi chea aaduwaawädeeto ai: —Simón, Joná nnedö, ¿cujummaanä amäädä? quee cönä’döaacä chäwwä. Peedhodo wentumje cönä’döjoi yaawä aaduwaawäde täcamma’jo’jödö weijäcä, “ ¿cujummaanä?” quee. Töwö cönä’döaacä: —Cajiichaana, amäädä tameedä odhoowanääcä na; odhoowanääcä ajummatä weichö; quee cönä’döaacä Peedhodo. Yaawä Jesuuquidiito cönä’döaacä: —Yääje yeiya’jäcä sootoi ewanshinchocooto’de, ñanno oweeja nönga’como.

DOSECHO 1:24

Edääje Wanaadi wwä cöna’deuwa’to yaawä ñanno quedeiyentecoomo: —Cajiichaana Wanaadi, amäädä odhoowanääcä na tameedä soto tö’tajäätödööcomo. Amäädä ämjummadö eneejocä ñaa wwä, canno aacä tömencaamo naatoodö,

DOSECHO 15:8

Töwö Wanaadi dhowaanäcä na tameedä soto tö’tajäätödö. Töwö judhíojöncomo tösootoije tödööjai töweichö eneejodööje Epíiditu Santo cuntui chäwwäiñe, cöwwäiñe cuntuichöje mmaja.

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

1 TEESADOONISENSE 2:4

Wanaadi chea chäänönge ñaa edantäne, ñaa anontäne yaawä aashichaato wätunnä ecammajä’e. Yääje yeijäcä mädääje töneecammajä’e ñaa weneene. Sotoojönööne a’cwaima’se ñaa na, Wanaadiiñe, näädä cötö’tajäätödööcomo emmencanei.

EEWEDEO 4:13

Ane’cä’cä tödööajä ’je’da na Wanaadi wwä ootone’täjaicho. Tameedä täne na chäwwä, tacaade mmaja, ñäädä cämmencaneichomooje töweiyemö wwä.

SANTIYAACO 5:16

Yääje yeijäcä ocoone’nadiiyöcoomo töneecamma eichäcä ajimmotoncomo wwä; Wanaadi wwä adha’deutäcä ääjäcäiñe, täjiichö’tääne meichäiye. Ñäädä soto chäänöngato Wanaadi wwä sa’donna ya’deuwödö jäduuje na.

APOOCADIISI 2:23

Iiñacoomo mmaja wöja’aato’de. Tameedä quedeiyentecoomo dhowaanäcäiñe na’de yaawä soto tö’tajäätödö jadä’jödöödä tönemmenca weichö, chääwanööcomo mmaja. Awaadäiñe maneejemaato’de ännödööcomo woije.