DOMAANO 8:26 - Wanaadi A'deddu

²⁶ Epíiditu Santo cö’wa’tätäiñe weneene jäduuje’da cöweichöcoomo. Cönwanno cowaanäcäiñe’da na Wanaadi wwä wa’deunä. Töwö Epíiditu Santo dea cöjääcäiñe Wanaadi wwä töwa’deuwe weneene wa’deuto’jönö que.

DOMAANO 8:26 ပူးပေါင်းရင်းမြစ်များ

MATEO 10:20

Änwannojöönööne adha’deuwato’de, Epíiditu Santoone na’deuwa’de äntaiñe, ñäädä Oomotoncomo dö’sennoto.

MATEO 20:22

Jesuuquidiito cöneccujä’acä; cönä’döaacä: —Odhoowanoojöncomo me’ca’ato. ¿Öwö neenödööje töweiyemööje naadö emjai maato dea änwanno, yää wäntunaanö’tojo? ¿Öwö wautisaaje wä’döjootojo que mmaja ca wautisaaje ä’döjoojai maato dea? Tönwanno cönä’döa’to: —Ee, ä’döjai mmaja.

DUUCA 22:44

Jooje wentumje töweijäcä jooje’cä cöna’deuwöi yaawä. Yäädamu’jätöödö nono jo cöneeca’tai yaawä munuuje.

JUAN 14:16

Jaaja wwä we’ca’a’de, töwö äwwäiñe nu’a’de yaawä Ä’wa’täneichomo, yeichöje ajaadäiñe töweiyemööje, ñäädä Epíiditu Santo, chäänöngato a’deu edhaajä.

DOMAANO 15:1

Cönwanno ecamjödö jäcä jäduuja’como i’wa’täjai caato ñanno jäduujemjöncomo iiñödööcomo jäcä; cönwanno cöweichöcoomo mma encano’täjai’cha caato.

DOMAANO 7:24

Mädääje wentumje wäänene. ¿Anääcö yeewanaacajai ñai juunu nijummadö jonno, yää wäämatoojoje naadö jonno?

DOMAANO 8:15

Ñäädä Epíiditu Santo, äwwäiñe cönä’tuichö, conemjönö anoonöje ayöödöneichomoojönö, tösaade aweichöcoomo wetä; Wanaadi nnedööje cödööneichomoone töwö. Ñäädä Epíiditu Santo woije Jaajaje Wanaadi que’taato.

2 CODINTIYO 5:2

Eetä caatoodawäädä cätäncano’taato caju ñano cömmaichomo ejoodö’se cöweichomjäcä.

2 CODINTIYO 5:4

Edä cäjööcomooje naadö aca cöweichöcoomo cätäncano’taato, catansu’daato dea; yääje yeichaame cäjööcomo e’nomja’se’da cöweichöcoomojöönö mädä, mänööne ejoodö’se caato, caju ñanoone. Yaawä edä cöweichöcoomo töwaatameemöje naadö noto’jodheinchaja’de töwaatamemjönö wwä.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

EUJEESIYO 6:18

Tameedä mädä tödöötäcä yeichöje Wanaadi wwä awa’deuwancädäiñe Epíiditu Santo ni’wa’tädö que; chäwwä adha’deutäcä ämjummadööcomo e’ca’ancädä. Odhoowadäädäiñe eichäcä mädä jäcä, aweejäduuque’ancädäiñe’da, tameedä Wanaadi sotoi jäcäiñe Wanaadi wwä awa’deuwancädäiñe.

EEWEDEO 4:15

Ñäädä Jesuuquidiito, Tumö wwä cöjääcäinchädäiñe töwa’deuwemööje naadö, wentumje cäneetäiñe’da’da weneene jäduuje’da cöweichawäiñe, töwö töwä’yunaacajo’jödö weijäcä mmaja tameedä conemjönö jäcä, cönwanno cäänetäänedööje mmaja; yaawääne’, conemjönö ännö’daane’ töwö cöneiyacä.

EEWEDEO 5:2

Töwö tumjunne töneene weneene ñanno towaanojo’nemjöncomo, shaadijanga’como mmaja, töwö jäduuje’da weiñä tönooneja töweijäcä mmaja.

SANTIYAACO 4:3

Aneedawä äwwäiñe e’ca’taame ä’tu’da dea weneene, chäänönge’da töne’ca’e aweijäcäiñe; ajuunucoomo nijummadö woije tödöödö wetä yää töne’ca’e määnetääne.