DOMAANO 8:2 - Wanaadi A'deddu

² Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

DOMAANO 8:2 ပူးပေါင်းရင်းမြစ်များ

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

JUAN 4:14

Öwö untudu ennei mmaane emjätö’se’da na’de yaawä yeichöje. Öwö untudu na’de tuna weja’catoojo nönge yo’taca, yeichöödäje yeichojooje; quee cönä’döaacä Jesuuquidiito.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

JUAN 8:32

Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOMAANO 16:3

Ya’deujödö wadääja Pidiisiida wwadäädä, Aquiida wwadäädä mmaja, ñanno Quidiito tadaawaajui jäcä weetadaawa’cajoodö jimmä.

DOMAANO 3:27

Yääje yeijäcä o’jodhe chö’tajä’jai’cha caato eduuwa. ¿Ane’que’nei, quee ’ja? Waanontänä tödöödö que’da wääwanaacanä yeijäcä, ecamjödö que mmaane.

DOMAANO 5:21

Conemjönö woijatooje wäämanä o’jodhe töweiye cönä’jaacä; eduuwa aashicha Wanaadi weichö woije daja chääjadoonoje cä’döjaato, yeichöödoto cöweicho’como töweiye yeichö wetä Cädhaajotoncomo Jesuuquidiito jäcäinchädä.

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

DOMAANO 6:18

Conemjönö anoonöje aweichöcoomo jonno töwä’sancwajo maato eduuwa aashichaato tödöödö anoonöje daja aweichöcoomo wetä.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

DOMAANO 7:21

Mädääje na; aashichaato tödö’se weichäimma conemjönö ’je weichö mma töwäädantä wäänene.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOMAANO 7:4

Mädääje mmaja änwanno jimmä, Quidiito jadoncomo. Änwanno yäämaajä nönge maato jenaado’jä waanontänä wwä, anejja jadoonoje aweichöcoomo wetä. Quidiito jadoonoje maato eduuwa, ñäädä töwäämaajo jonno cönaadoncaichö. Quidiito jadä cöweijäcäiñe Wanaadi wwonooje aashichaato tödönnamooje eijai caato.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

2 CODINTIYO 3:17

Cajiichaana ñäädä Epíiditu Santo. Yäätä Epíiditu Santo weichö dö’tä aashicha weiñä ’je.

2 CODINTIYO 3:6

Töwö Wanaadi ñaa döne eduuwaato weiñä töneecamma’jödö ecammajä’nnamooje. Yää eduuwaato weiñä Wanaadi necamma’jödö na imennaajä woije tödöödö que’da, Epíiditu Santo nutuudu weiñä queene. Yää jenaado’jä waanontänä imennaajä wäämanä mma necamma; Epíiditu Santo mmaane weichojo nu’a.

CAADATA 2:19

Öwö yäämaajä nönge wa eduuwa jenaado’jä waanontänä necammadö tödöödö jäcä; yää tödööjai’cha wa eduuwa. Yää jenaado’jä waanontänä dea mädääje yöödöne, Wanaadi woije weichö wetä eduuwa.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

CAADATA 6:2

Äämetaacäi adhe’wa’tätääcä anaadädööcomo jäcä, mädääje Quidiito waanontädö tödööjai maato.

SANTIYAACO 1:25

Ñäädä töneeta’jödö jäcä chö’taque’jönö mmaane chäänönge tönnöe weneene Wanaadi waanontädö, yää jedeeso nönge cöweichöcoomo jonno cu’caneichomo’jödö; ñäädä yääjato ta’cwaiñe eijai ña, yää töneeta’jödö woije tönnöe töweijäcä.

APOOCADIISI 11:11

Yää ’jeje aacäicheeato anoototo annai yä’döa’jäcä, Wanaadi täta’jiiñö cöna’jimmai ñanno ta’deddu ecammajä’nnamo do’taiñe; cönammöicho yaawä. Ñanno eneedöcoomo’jo tameedä soto cönääcatoncaicho yaawä jooje.

APOOCADIISI 22:1

Yaawä ñäädä amoode öwwä cöneenejoi weichojo tunai’chädö, Wanaadi mudei dö’tonnoto weja’cadö, Oweeja nnedö’cä mudei dö’tonnoto mmaja. Yää tuna cönä’jaacä acuuwena; ta’dawaane cönääneaacä, widiiqui töweiye naichö wa’cä.