DOMAANO 8:14 - Wanaadi A'deddu

¹⁴ Tameedä ñanno Epíiditu Santo nanontädö woija’como Wanaadi nnacoomoje naato.

DOMAANO 8:14 ပူးပေါင်းရင်းမြစ်များ

MATEO 5:9

“Ta’cwaiñe eijai ñaato ñanno äätu’dedööje’da weiñä jäcä soto yäätuujannamo; tönwanno Wanaadi nnacoomoje nätä’täjaato’de.

JUAN 1:12

Dhantai mmaane cumjumma’to; cöneecamjöicho dea. Ñanno wwäiñe töwö cuntui Wanaadi nnedööje yä’döto’como.

DOMAANO 8:19

Tameedä amoode’naajä naadö jooje niyoomo’ca Wanaadi nnacoomo wä’nejoncadööcomo.

DOMAANO 8:5

Ñanno tujuunucoomo woija’como tujuunucoomo nödöödö mma nencano’taato; ñanno Epíiditu Santo woija’como mmaane Wanaadi nödöödö daja tödö’se naato.

DOMAANO 8:9

Änwanno mmaane ajuunucoomo woije’da maato, Epíiditu Santo woijeene, Epíiditu Santo ataacaiñe yeijäcä, ñäädä Wanaadi dö’sennoto we’ajä. Ñäädä Epíiditu Santo ’jemjönö Quidiito jadoonojöönö ñäädä.

DOMAANO 9:26

“Sootoijönö änwanno,” quee chäwwäiñe cönäätäcamma’dö dö’tä dea Wanaadi nudooto nnacoomoje nätä’täjaato’de; quee Osea nimennä’jödö nä’döa.

DOMAANO 9:8

Yääje yeijäcä owaanäcä na tadai’jödö jäcäinchädä mma Wanaadi nnedööje ätä’täjai’cha cöweichöcoomo. Ñannoone Aawadán atöödö neeneje naato, Wanaadi necamma’jödö woija’como wennua’comoone.

2 CODINTIYO 6:18

Öwö oomotoncomooje wa’de; änwanno önnacoomoje maato’de; quee nä’döa Cajiichaana O’jodhaato; quee Wanaadi cönä’döaacä.

CAADATA 3:26

Ecamjödö jäcäinchädä tameedä änwanno Wanaadi nnacoomoje maato, Jesuuquidiito jadä äwä’dödööcomo que.

CAADATA 4:5

Jesuuquidiito cöneejä tameedä jenaado’jä waanontänä woija’como ewaanacaaneichomooje, Wanaadi wwä tönnacoomoje cödöödöcoomo wetä yaawä.

CAADATA 4:6

Yääje yeijäcä tönnacoomoje aweijäcäiñe Wanaadi cönaanontäi Epíiditu Santo odo’tacaiñe, ñäädä Iiñedö nutuudu. Yääje yeijäcä Epíiditu Santo woije Jaajaje Wanaadi que’taato.

CAADATA 5:16

Edääje wä’dö’se wa äwwäiñe: Epíiditu Santo woije eichäcä, yaawä ajuunucoomo nijummadö woije ännö’da eijai maato.

CAADATA 5:18

Yaawääne’, Epíiditu Santo woije äwäätä’se’ta’comjäcä jenaado’jä waanontänä adhaanontäjaiñe’da na.

EUJEESIYO 1:5

Cujummatäiñe töweijäcä jenaadä töwö Wanaadi Jesuuquidiito jäcäinchädä tönnacoomoje töweiyaamoje cä’tätääne; yääje cödööto’como töwö cöntö’tammecöi tumjummadö woije.

EUJEESIYO 5:9

Yää tawaanato aca weiñä nä’dhe’ma ta’cwaiñe weiñäje, chäänöngatooje mmaja, aashicha weiñäje mmaja.

1 JUAN 3:1

Chö’tamme’täcä’ma Cumöötoncomo Wanaadi wwä tujunne cöweichöcoomo, tönnacoomoje cä’taatoodö naane’. Iiñacoomoje dämma caato. Iiñacoomoje cöweichöcoomo aneene’jutu’da weneeneto edä nono de’woncomo, Wanaadi dhowaanäcäiñe’da yeichomjäcä.

1 JUAN 3:24

Ñäädä Wanaadi waanontädö tödöönei Wanaadi jadoono ñäädä, Wanaadi chaaca na dea töwö. Wanaadi cötaacaiñe yeichö cowaanäcäiñe na Epíiditu Santo woije, ñäädä cöwwäiñe Wanaadi nutuudu.

APOOCADIISI 21:7

Ñäädä e’jodheinchanei’jödö wwä nä’tua’de tameedä mädä aashichaato. Öwö wa’de Yaanadiiyöje; töwö na’de önnedööje.