DOMAANO 7:7 - Wanaadi A'deddu

⁷ ¿Aaquene ä’döjai caato yääje yeiya’jäcä? ¿Conemjönö yää waanontänä, quee ’ja? Ng’jn, conemjönööjönööne. Waanontänä ’je’da ei’jo yoowanääcä’da conemjönö eichö. Anejja nödöödö i’ñeimmadö conemjönööje yeichö yoowanääcä’da eichö yääje waanontänä ä’dö’da ei’jo: “Anejja nödöödö mani’ñeimmai;” quee ä’dö’da ei’jo.

DOMAANO 7:7 ပူးပေါင်းရင်းမြစ်များ

MATEO 5:28

Öwö mmaane yääje wä’döa äwwäiñe: Ñäädä ijummancädä wodi ene’manei, conemjönö nödööa chääjäcä tötö’tajäätödö ai.

DUUCA 12:15

Edääje mmaja Jesuuquidiito cönä’döa’dea: —Odhoowadäädäiñe eichäcä. Äädai’chätääcä tönsomaaque töwei’she weiña jäcä. Töweichö eneetojoojönö yää tönsomaaque weiñä; quee cönä’döaacä.

DUUCA 20:16

Töwö e’jai ña ñanno audaajä edai’chännamo töja’eiñe, anejjacoomo wwä audaajä edai’chojoodö wetä; quee cönä’döaacä Jesuuquidiito. Yää eta’jäcä töwwäiñe ñanno soto cönä’döa’to: —Mädääje Wanaadi ännö’daane yei’she; quee.

DOSECHO 20:33

Anejja jödaatai ani’ñeimma’da wä’jaaquene, yoomö jeiñe mma.

DOMAANO 13:9

Edääje waanontänä imennaajä nä’döa: “Aweichacoono ijummacä amäädä äwä’jummadö nönge dea;” quee. Yää tödööa’jäcä äwwäiñe tameedä anejja waanontänä mödööato yaawä, yää edääje yä’dödö naadö: “Amaasuduichai; soto maneemai; maneememmecöi; anejja mma maneementäi; anejja nödöödö mani’ñeimmai;” quee naadö.

DOMAANO 3:20

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

DOMAANO 4:1

Ñäädä cadai’choncomo Aawadán cönä’ja’dö naane’.

DOMAANO 4:15

Yää waanontänä wätä’maminchanä mma necamma. Waanontänä ’je’da yeiya’jäcä mmaane ija’do’jo’jödö ’je’da mmaja.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

DOMAANO 7:11

Conemjönö yencu’täne yaawä yää waanontänä töjääduduuje töweiyancädä; yeemane yaawä chääque.

DOMAANO 7:13

¿Aaquene aashicha Wanaadi waanontädö yeichaame adheemane dea, quee ’ja? Ng’jn, waanontänääjönööne yeemane, conemjönö tödöödööne. Mädääje conemjönö cönääne’ju’joi öwwä. Yää conemjönö aashichaato que yeemane. Mädääje yää waanontänä conemjönö cöneenejoi yaawä öwwä conemjönööje yeichö.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 7:8

Yääje waanontänä wä’dödö weijäcä conemjönö jooje’cä cönä’jädu’täi, jooje tujummamjönö ijummajoodö wetä öwwä. Waanontänä ’je’da yeichö mmaane yääjönö wa’cä conemjönö töweiye nai.

1 CODINTIYO 15:56

Conemjönö soto tönnöe yeichomjäcä wäämanä töweiye na; yää jenaadö’jä waanontänä conemjönö ecammaneije na.

EUJEESIYO 5:3

Eduuwa Wanaadi jadoncomooje aweichomjäcä masuuduichanä jäcä a’deujai’cha jadä’jödöödä maato, anejja chäänöngemjönö jäcä mmaja, ane’cä’cä ijummadö jäcä töwäätätäädä weiñä jäcä mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

1 TEESADOONISENSE 4:5

Änwanno ajiiñantoncomo tödööjai’cha maato ajuunucoomo nijummadö woije mma, äänawä awei’sheiñe aweichöcoomo jäcäinchädä mma’da mmaja. Quedeiyentejöncomo mmaane mädääje weneeneto, ñanno Wanaadi dhowaanojöncomo.

EEWEDEO 7:19

Yää waanontänä, Moisé nimennä’jödö, chäänönge ännö’da cöneiyacä. Yää nwacaanoje na eduuwa aashichaato jaiñoone; yää jäcäinchädä Wanaadi wwadäädä cöötaato.