DOMAANO 7:5 - Wanaadi A'deddu

⁵ Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 7:5 ပူးပေါင်းရင်းမြစ်များ

MATEO 15:19

Soto tö’tajäätödö acaano weja’caajääne conemjönö weiyajä, yää cone’da tö’tajä’nä, soto emaadö mmaja, anejja jiñamo ajoojodö mmaja, masuuduichanä mmaja, wemeenönnä mmaja, jönaawä soto ementädö mmaja, wätunnä dha’me weiñä mmaja.

JUAN 3:6

Ñäädä tujuunu aiño wennuaajä sotooje na; ñäädä Epíiditu Santo aiño wennuaajä mmaane Wanaadi wwonooje na.

DOMAANO 1:26

Yääje yeijäcä Wanaadi cöneetömaicho ñanno soto, conemjönö tumjummadööcomo tödöödö wetä chäwwäiñe. Wodiiñamo jadä’jödöödä cönääsecaicho dhanwa jadä töweicho’como jonno, tödöödö töweiye naichöje’da tödöödö wetä.

DOMAANO 3:20

Jenaado’jä waanontänä tödöödö que Wanaadi jadoonoje ä’döjai’cha caato. Yää waanontänä conemjöncomooje cöweichöcoomo ecammaneije mma na.

DOMAANO 4:15

Yää waanontänä wätä’maminchanä mma necamma. Waanontänä ’je’da yeiya’jäcä mmaane ija’do’jo’jödö ’je’da mmaja.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

DOMAANO 6:21

¿Ane’cäämö töncana’ca töweiye mä’ja’quene yää eduuwa ajöichöcoomoje naadö tödöödö que? ¿A’que jönca? Yää tödöödö noowonö’jaca wäämatoojoje mma.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

1 CODINTIYO 15:56

Conemjönö soto tönnöe yeichomjäcä wäämanä töweiye na; yää jenaadö’jä waanontänä conemjönö ecammaneije na.

2 CODINTIYO 10:3

Edä nono de’wä ñaa weichaame edä nono de’woncomo nönge’da ñaa newäänä’ta.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.

CAADATA 5:24

Ñanno Quidiito sotoi tujuunucoomo nijummadö woije weiñä cöneemaicho cuduusa jäcä, conemjönö tödö’se weiñä mmaja.

EUJEESIYO 2:11

Yääje yeijäcä änwanno judhíojöncomo, ätö’tatääcä jenaadä awei’jocoomo jäcä. Judhíoje’da aweichomjäcä ñanno judhío siicunsidaadojemjöncomooje adhe’tätäiñe cönä’ja’to. Tönwanno mmaane siicunsidaadoja’comooje yäätä’tädööcomo weneene, yää täjööcomo jäcä tönnöe weneenetoodö jäcäinchädä.

EUJEESIYO 2:3

Tameedä ñaa mmaja mädääje töweiye ñaa cönä’ja’dea. Cumjummadööcomo woije töweiye cä’ja’quene; cujuunucoomo nijummadö woije mma tönnöe cä’ja’quene, cötö’tajäätödööcomo woije mmaja. Yääje yeijäcä Wanaadi wwä töwäätä’maminchajaamoje cä’ja’quene, anejjacoomo soto naatoodöje mmaja.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

TIITO 3:3

Cönwanno mmaja cujeeje cä’ja’quennea jenaadä, Wanaadi woije’da mmaja. Töwännanö’e cä’ja’quene, tameedä conemjönö tödö’se cöweichöcoomo aca töwaatashiichuudä cä’ja’quennea. Conemjönö aca töweiye cä’ja’quene, tö’neiñe mmaja. Anejjacoomo wwä töwä’quimmajo cä’ja’quene, cönwanno mmaja anejjacoomo tönquiiñeme’que cä’ja’quennea.

SANTIYAACO 1:15

Conemjönö tödö’se weiñä namoodeta yaawä conemjönööje. Yaawä conemjönö waatö’nä’a’jäcä, wäämatoojoje noowonö’jaca.

SANTIYAACO 4:1

¿Ane’cäämö ewoonö’jödööje töwä’tu’de’tä määnetääne, töwäätäuwe mmaja? Ajuunucoomo woije tötö’tajä’e aweijäcäiñe mädääje määnetääne, yää ätö’tajäätödööcomo jadä töwä’tu’de’tä weneenedö.

1 JUAN 3:4

Ñäädä conemjönö tödöönei Wanaadi waanontädö tömja’do’jo, waanontänä ija’do’jodö mmaane yeiyajä yää conemjönö tödöödö.