DOMAANO 7:14 - Wanaadi A'deddu

¹⁴ Cönwanno cowaanäcäiñe na waanontänä aashicha yeichö; öwööne chäänönge’da wa, juunu woije wei’she. Conemjönö wwä töwä’tue wäänene, dhanoonöje weichö wetä.

DOMAANO 7:14 ပူးပေါင်းရင်းမြစ်များ

MATEO 16:23

Jesuuquidiito cönä’jedennacai yaawä; cönä’döaacä: —Ääsecaacä yoowajonno, amäädä Caajuushawa. Saadijannä’ca’se’jödö mädääje adha’deuwa. Soto tö’tajäätödö nönge mma ätö’tajä’a, Wanaadi tö’tajäätödö nönge’da; quee cönä’döaacä Jesuuquidiito Peedhodo wwä.

MATEO 18:25

Yaawä yää ejeemajai’cha yeijäcä chäädhajä cunu’jaacä anejja dhanwa wwä, jödaata ejeetöje, täjeeque’näjöödö ejeematoojoje; ijiiñamo, iiñacoomo jadä’jödöödä cunu’ja’to, tameedä inshomaadö mmaja.

MATEO 5:22

Öwö mmaane yääje wä’döa äwwäiñe: Ñäädä töweichacoono euwö’sato, nätääcamma’jaja’de. Näädä töweichacoono chiimajä’nei nätääcamma’jaja’de äcamma’jonnamo wwä. Ñäädä töweichacoono eunei wa’to nwaca töötädö nijumma.

MATEO 5:28

Öwö mmaane yääje wä’döa äwwäiñe: Ñäädä ijummancädä wodi ene’manei, conemjönö nödööa chääjäcä tötö’tajäätödö ai.

DUUCA 5:8

Yää eneea’jäcä Simón Peedhodo wwä, töwö tä’mudhe cönä’döi Jesuuquidiito je’taca; cönä’döaacä: —Cösancwacä amäädä Cajiichaana, conemjönö öwö; quee cönä’döaacä.

DUUCA 7:6

Yaawä Jesuuquidiito cöntämä chääjadäiñe. Amoinche’da yä’döa’comjäcä, suddau edhaajotoncomo töjimmä cönaanontoicho Jesuuquiidito wwä ecamma: —Mädääje nei’ñojo, Cajiichaana. Aashichaatojöönö öwö; ömmai chaca omomjai’cha ma; quee ecamma.

DOMAANO 3:9

¿Aaquene yaawä? ¿Anejjacoomo e’jodha’como ca ñaa judhíocoomo, yääje yeiya’jäcä? Ñg’jn, cho’jodheiñe’da. Cönwanno cowaanäcäiñe na tameedä conemjönö wwä oto’jodheinchajoojai cöweichöcoomo, judhíocoomo mmaja, judhíojöncomo mmaja.

DOMAANO 6:6

Cönwanno cowaanäcäiñe na yää jenaadä cöwei’jocoomo Quidiito jadä cuduusa jäcä yääma’jödö. Yaawä yää conemjönö tödö’se weiñä cönäämai. Yääje yeijäcä conemjönö tödöödö anoonöje eijai’cha caato eduuwa.

DOMAANO 7:18

Yoowanääcä na aashichaato ’je’da weichö; aashichaato tödö’se’jödö mma wäänene, yaawääne’ tödööjai’chaane.

CAADATA 4:3

Mädääje mmaja cä’ja’quene cönwanno; chäänönge cä’dötä’dadä töwaatashiichuudä töweiye cä’ja’quene edä nono de’wono äänejöönö jäduudu que.

EUJEESIYO 3:8

Tameedä Wanaadi sotoi o’näiñe wa; yääje yeichaame Wanaadi mädä taadawaajui cuntui öwwä, judhíojöncomo wwäiñe ecammajäätödö wetä öwwä Quidiito nödöödö aashichaato, yäätonno ’jemjönö.

EEWEDEO 4:12

Wanaadi a’deddu yeichöödäje na, jäduuje mmaja, sauda ääjatooto dhejiiyajä e’jodhe seqque yeichö. Sö’je chäcä yääwaacadö cödo’tacaiñe, cötö’tajäätödööcomo tojoodöeene. Cötö’tajäätödööcomo jaiñoone nene’ju’ja, cötö’tajo’to’como mmaja.