DOMAANO 6:4 - Wanaadi A'deddu

⁴ Wautisaaje cöwä’dödööcomo que Quidiito wääwaaca’jödö nönge mmaja cääwaacatääne dea; töwääma cä’ja’quene yaawä. Yaawä töwö Tumö jäduudu aashichaato woije töwäämaajo jonno cönaadoncai. Chääjadoonoje cöweijäcäiñe cönwanno mmaja caadoncatääne dea yaawä, eduuwaatoje cöweichöcoomo wetä.

DOMAANO 6:4 ပူးပေါင်းရင်းမြစ်များ

JUAN 11:40

Yaawä Jesuuquidiito cönä’döaacä chäwwä: —¿Yääje jönca wä’döaanä äwwä, ecaanö’a’jäcä äwwä Wanaadi jäduudu meneea’de; quee jönca wä’döaanä? quee cönä’döaacä Jesuuquidiito.

JUAN 2:11

Yää cönä’jaacä awa’deeto täneemö Jesuuquidiito wwä tödöödö. Yää cönnöi Caná ña, Caadideea ñano jataawä. Yää tödöödö que töwö täjäädudu cöneenejoi; ñoowanoomadö cöneecamjöicho yaawä.

DOSECHO 2:24

Wanaadi cönaadoncai yaawä yäämaajo jonno. Mädääje Wanaadi wäämanä cöne’jodheinchai, töwö Jesuuquidiito wäämanä wwä oto’jodheinchajoojai’cha yei’jödö weijäcä.

DOSECHO 2:32

Ñäädä dea Jesuuquidiito Wanaadi cönaadoncai yäämaajo jonno; tameedä ñaa owaanäcä yääje yeichö, eneetö’da.

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

DOMAANO 6:3

Cönwanno wautisaaje cä’dötääne Jesuuquidiito jadä cöwä’dödööcomo wetä. Yaawä wautisaaje cöwä’dödööcomo que yääma’jödö quiichu’tätääne dea.

DOMAANO 6:8

Quidiito jadä cöwääma’jocoomo weijäcä cowaanäcäiñe na chääjadä nudä cöweicho’como.

DOMAANO 6:9

Cowaanäcäiñe na Quidiito äämajai’cha mmaja yeichö eduuwa, töwäämaajo jonno yaadoncaatö’da; wäämanä wwä oto’jodheinchajoojai’cha töwö na eduuwa.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

1 CODINTIYO 6:14

Wanaadi yäämaajo jonno Cajiichaana Jesuuquidiito cönaadoncaichöje mmaja töjäädudu que cadoncaato’de cönwanno.

2 CODINTIYO 13:4

Töwö cuduusa jäcä cönaatajoijoi jäduujemjönö nönge; yääje yeichaame Wanaadi jäduudu woije nudä na eduwwa. Ñaa mmaja jäduuje’da ñaa na dea, töwö cönä’ja’döje mmaja; yääje yeichaame Quidiito jadä ñaa weijäcä Wanaadi jäduudu que ñaa weichö na’de, ä’wa’tännamooje ñaa weichö wetä.

2 CODINTIYO 5:17

Ñäädä Quidiito jadoono eduuwaato amoodetaanö ñäädä. Yää jenaado’jä töwaatame yaawä; tameedä eduuwaatoje na yaawä.

EUJEESIYO 4:17

Yääje yeijäcä edä wecammaadö Cajiichaana woije mänwätuujaato: Änwanno Wanaadi dhowaanojöncomo nönge eijai’cha maato eduuwa, ñanno tötö’tajäätödööcomo chäänöngemjönö woije weneenetoodö.

EUJEESIYO 5:8

Jenaadä änwanno mä’ja’quene tööjano’taca; eduuwa mmaane tawaanato aca maato Cajiichaana jadä aweichöcoomo jäcäinchädä. Yääje yeijäcä tawaanato acancomo nönge deaane eichäcä.

CODOOSENSE 3:10

Yää me’nomjatääne eduuwaato weiñä äwwäiñe tödöödö wetä. Yää eduuwaato weiñä, äwwäiñe naadö, wecoonecaanäje weneene, ñäädä Wanaadi tamoode’nänei’jödö nönge töwä’dödö wa’cä, ñäädä towaanäcä yä’dödö jonaane mmaja.

CODOOSENSE 4:1

Änwanno ädhaamo, aashicha osootoichomo tödöötäcä, chäänöngeene, odhoowanääcäiñe yeijäcä änwanno mmaja tädhaajäque aweichöcoomo, ñäädä caju ña naadö.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.

1 JUAN 2:6

Ñäädä Wanaadi jadoonojaato wätä’tädö Jesuuquidiito wei’jödö nönge mmaja eijai ña dea.