DOMAANO 6:3 - Wanaadi A'deddu

³ Cönwanno wautisaaje cä’dötääne Jesuuquidiito jadä cöwä’dödööcomo wetä. Yaawä wautisaaje cöwä’dödööcomo que yääma’jödö quiichu’tätääne dea.

DOMAANO 6:3 ပူးပေါင်းရင်းမြစ်များ

MATEO 28:19

Yääje yeijäcä ojoncomo. Soto owaanomaatantäcä tameedä jata weichö wa’cä. Wautisaaje tödöötäcä’de Jaaja eetö joi, Iiñedö eetö joi mmaja, Epíiditu Santo eetö joi mmaja.

DOSECHO 19:5

Yää eta’jäcä ñanno wautisaaje cönä’döjoicho yaawä Jesuuquidiito eetö joi.

DOSECHO 2:38

Yaawä Peedhodo cönä’döaacä chäwwäiñe: —Ätö’tajäätödööcomo sha’duminchatääcä; wautisaaje ä’döjootäcä Jesuuquidiito eetö joi, ocoone’nadiiyöcoomo ätäncwanno’joiye. Yaawä Wanaadi nu’a’de Epíiditu Santo äwwäiñe.

DOSECHO 8:16

Epíiditu Santo ’je’da dea yeichomjäcä, chääjäcäiñe ä’tä’da dea yeijäcä; wautisaaje mma cönä’ja’to Jesuuquidiito eetö joi.

DOMAANO 6:16

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

DOMAANO 6:8

Quidiito jadä cöwääma’jocoomo weijäcä cowaanäcäiñe na chääjadä nudä cöweicho’como.

DOMAANO 7:1

Änwanno jimmä, waanontänä dhowaanäco’como, ¿odhoowanääcäiñe jönca nai waanontänä soto anontäjai yeichö nudä yeichö dea mma?

1 CODINTIYO 10:2

Cönwanno wautisaaje töwä’döe caatoodöje mmaja tönwanno Moisé sotoije cönääwaacaicho yää ca’dutu o’nä töwäämannäjöödöcoomo que, dama ’cwai töwe’dätäädöcoomo que mmaja.

1 CODINTIYO 12:13

Tameedä cönwanno ñäädä tooniyaano Epíiditu Santo woije wautisaaje cöwä’dö’jocoomo que tooni chääjöje cä’dötääne, judhío, quidiiyeeco mmaja, tädhaajäcaato, töwö dajaato mmaja; tameedä cöwwäiñe cönä’tui ñäädä dea Epíiditu Santo.

1 CODINTIYO 15:29

¿Aaquene töwä’dö’se yeichöcoomo ñanno töjimmotoncomo wääma’jödö jäcäinchädä wautisaaje töwä’döjo weneenetoodö? Töwäämaajo jonno waadoncanä ’je’da yeichaame ¿ane’que’nei yä’ja’a’como jäcäinchädä wautisaaje nä’döanto yääje yeiya’jäcä?

1 CODINTIYO 3:16

¿Odhoowanääcäiñe’da ca’ nai Wanaadi weichojooje aweichöcoomo, Epíiditu Santo ataacaiñe yeichö mmaja?

1 CODINTIYO 5:6

O’jodhe chö’tajä’jai’cha maato mädä ännödööcomo jäcä. ¿Odhoowanääcäiñe’da ca’ nai yää edääje wä’dönä weneenedö: “She’caasa ummannä’cajootojo yeichaame tameedä tunummannä’ca;” quee?

1 CODINTIYO 6:19

¿Odhoowanääcäiñe’da ca’ nai Epíiditu Santo weichojooje adheejöcoomo weichö, ñäädä Wanaadi nutuudu ataacaiñe naadö? Ännödööcomoojönö mädä adheejöcoomo;

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

1 CODINTIYO 9:13

Änwanno odhoowanääcäiñe na ñanno Wanaadi weichojo tacancomo wetaadawa’cajoodö Wanaadi weichojo taca dea töwääwashinchä yeichöcoomo. Tönwanno töweetadaawa’cajo weneeneto saaquidiijiisiyo tödöödöje, saaquidiijiisiyo tödöötojo de’wä. Ñäädä dea tönänque weneeneto, saaquidiijiisiyooje u’ajä dea.

1 CODINTIYO 9:24

¿Yääje jönca töweiye nai wotoonejaanawä, tooni mma chaana’caneije, wanna yeichaameiñe töwootoneejaamo? Yääje yeijäcä chäänönge otoonejaatäcä, adheeje’jocoomo michaana’catäiye yaawä.

2 CODINTIYO 13:5

Änwanno deaane ä’mencatääcä chäänönge aneecamjödööcomo weichö jäcä. Äwwäädäiñe äänetääcä. ¿Odhoowanääcäiñe’da ca’ nai Jesuuquidiito ataacaiñe yeichö, quedeiyente neeneje aweiya’comjäcä?

CAADATA 3:27

Tameedä änwanno Quidiito jadoncomooje äwä’dödööcomo wetä wautisaaje mä’döjootäneedö Quidiito weichö nönge dea aweichöcoomo na.

SANTIYAACO 4:4

Masuuduija’como änwanno. ¿Odhoowänääcäiñe’da ca’ nai edä nono de’wono tumjumma weiñä Wanaadi tu’dedööje yeichö? Ñäädä edä nono de’wono ijummanei Wanaadi tu’dedööje na.

1 PEEDHODO 3:21

Yää tuna cönä’ja’dö wautisaaje wä’dönä cu’tädööje na, yää töwäämaajo jonno Jesuuquidiito waadoncadö que cäwaanacaatoodö. Cö’donööcomo choccadööjönö yeichaame yää wautisaaje wä’dönä, Wanaadi owaadäädä chäänönge tötö’tajäätödö weichö eneejodö mmaane.