DOMAANO 6:21 - Wanaadi A'deddu

²¹ ¿Ane’cäämö töncana’ca töweiye mä’ja’quene yää eduuwa ajöichöcoomoje naadö tödöödö que? ¿A’que jönca? Yää tödöödö noowonö’jaca wäämatoojoje mma.

DOMAANO 6:21 ပူးပေါင်းရင်းမြစ်များ

DOMAANO 1:32

Tönwanno dhowaanäcäiñe na Wanaadi wä’dö’jödö mädä tödöödö jäcä; dhowaanäcäiñe na mädä tödönnamo töwäämaamöje yeichöcoomo. Yääje yeichaame tödöödöje dea weneeneto, yaacö’comje mmaja töjimmotoncomo wwä tödöödö eneea’jäcä.

DOMAANO 5:12

Tooniyaano dhanwa cone’nadiiyö woijatooje conemjönö cöneejä edä nono de’cäi; yää jo’tädööje wäämanä cönaajäntäi yaawä. Mädääje wäämanä cönäämecantäi tameedä soto jäcäiñe, tameedä soto conemjönö tönnöe yeichomjäcä.

DOMAANO 6:16

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

DOMAANO 8:13

Ajuunucoomo woije aweiya’comjäcä mä’ja’aato’de. Dha’da Epíiditu Santo jäduudu que ajuunucoomo nödöödö e’jodheincha’jäcä äwwäiñe, yaawääne aweichöcoomo meneeato’de.

DOMAANO 8:6

Yää tujuunu nödöödö encano’tädö wäämatoojoje noowonö’jaca; Wanaadi nödöödö encano’tädö mmaane yeichöödoto weiñä daja nejoodöja, täncanoode’da weichojo mmaja.

2 CODINTIYO 4:2

Tameedä chäänönge’da weiñä töjo’ma na ñaa wwä, yääjönö wa’cä wäänejoonä mmaja. Ätäncu’tä’da mmaja ñaa na dea, Wanaadi a’deddu äncamjiyaaca’da mmaja. Chäänöngato mmaane töneecammajä’e ñaa weneene. Mädääje täcaadö tönnöe ñaa weneene Wanaadi owaadäädä; tameedä soto ñaa weichö chö’tammecöiyeto yaawä.

2 CODINTIYO 7:11

Änwanno Wanaadi woijato que cone’da mä’döjootäne. Yää aweeconeeca’seiñe ayöödöjootäne yaawä, chäänönge awei’sheiñe ayöödöjootäne dea; conemjönö jäcä adheetömaajotääne, adheecatoncatääne dea. Yaawä yeene’se mä’ja’quene; ñäädä yää conemjönö tödöönei yäätuuja’se mmaja ayöödöjootäne dea yää Wanaadi woijato que cone’da mä’döjootäneedö. Tameedä mädä chäänönge aweichöcoomo neneeja.

JIDIIPENSE 3:19

Tönwanno töwännanö’aamoje naato. Tujuunucoomo nijummadö mma tädhaajotoncomooje tönnöe weneeneto. Yää töjöichöcoomoje eijaicho’jödö yeewataashimaato’comooje mma na. Tönwanno chö’tajäätödööcomo edä nono de’wono jäcä mma.

EEWEDEO 10:29

Töwaacö’je tömaaminchaamöje na ñäädä Wanaadi nnedö chiiñeme’nei, dhaquiiyö chimmanei mmaja, Epíiditu Santo jäcä conemjönö wa’deuwödö mmaja, ñäädä tujummanei, Wanaadi dö’sennoto we’ajä. Yää Jesuuquidiito aquiiyö cösoomaneichomooje na, chäänönge Wanaadi necamma’jödö weichö cu’tädööje mmaja.

EEWEDEO 6:8

Dha’da ’quene wesooca mma nono wwä a’tanö’ja’jäcä, wääjucu mmaja, Wanaadi wacö’je’da na yaawä; tuccaamöje mma na yaawä.

SANTIYAACO 1:15

Conemjönö tödö’se weiñä namoodeta yaawä conemjönööje. Yaawä conemjönö waatö’nä’a’jäcä, wäämatoojoje noowonö’jaca.

SANTIYAACO 5:20

Ñäädä tösaadijange yeichö jonno conemjönö tödöönei sha’duminchanei yäämatoojo jonno soto newaanaca; jooje conemjönö wätäncwanno’jotoojo nejoodöja ñäädä.

1 PEEDHODO 4:17

Eduuwa nä’döi wäntunaanö’nä waajontotoojo cu’nädö aca, Wanaadi sotoi jäcäiñe naajäntaadö naane’. ¿Aaquene mmaja aneemaichädööto deeade’ ñanno Wanaadi wätunnäi aashichaato ännöjöncomo, cöjääcäiñede naajäntaane’?

1 JUAN 2:28

Önnacoomo’cä, Quidiito jadä deaane eichäcä. Yaawä ta’cwaiñe eijai caato töwö yääneja’jäcä; dhowaadäädä töjöiye’da eijai caato yaawä töwö ye’a’jäcä.

APOOCADIISI 16:6

Tönwanno osootoi cömjajoicho, adha’deddu ecammajä’nnamo mmaja. Yääje yeijäcä munu mmaja chäwwäiñe memjoi eduuwa. Chäänönge mejeemaicho; quee cönä’döaacä ñäädä amoode.

APOOCADIISI 20:14

Yaawä wäämanä mmaja, yä’ja’a’como weicho’como mmaja, cönäätämaajoi jiyooto comootödö ña. Yää jiyooto comootödö ña wötäänä yää, yää ’jejaato wäämatoojo.