DOMAANO 6:18 - Wanaadi A'deddu

¹⁸ Conemjönö anoonöje aweichöcoomo jonno töwä’sancwajo maato eduuwa aashichaato tödöödö anoonöje daja aweichöcoomo wetä.

DOMAANO 6:18 ပူးပေါင်းရင်းမြစ်များ

DUUCA 4:18

Epíiditu Santo ’je wa; Cajiichaana Wanaadi ye’täne wentumja’como wwäiñe aashichaato wätunnä ecammajä’neije. Töwö yaanontäne wentumja’como tö’tajäätödö i’wa’täiñe, jedeesoja’como tö’tajäätödö i’wa’täiñe mmaja, tänuuquemjöncomo enu’täneichomooje mmaja; yäntunamjödööcomo i’wa’täneichomooje mmaja töwö yaanontäne dea,

JUAN 8:32

Änwanno odhoowanääcäiñe na’de a’deu chäänöngato; yää a’deu chäänöngato tanontaamoje aweichöcoomo jonno ayu’caato’de; quee cönä’döaacä Jesuuquidiito.

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

DOMAANO 6:22

Eduuwa mmaane conemjönö jonno töwä’sancwa maatoodö Wanaadi anoonöje maato. Eduuwaane michaana’caato Wanaadi wwonooje aweeconeecato’como, aweichöcoomo eneetojo mmaja.

DOMAANO 6:7

Ñäädä yäämaajä conemjönö tödöödö jonno töwä’sancwa töweiye nai.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

CAADATA 5:1

Jesuuquidiito cu’catääne jedeeso nönge cöweichöcoomo jonno. Yääje yeijäcä jäduujeedä eichäcä, jedeeso nönge awei’jocoomo aca mmaja awaatashiichuudojoodöcoomo queiñe.

1 PEEDHODO 2:16

Änwanno jedeeso nönge aweichöcoomo jonno töwäätu’ca maato eduuwa. Yääje yeichaame mädä töwäätu’ca aweichöcoomo conemjönö ännöto’comooje tödööjai’cha maato; Wanaadi anoonöjeene eijai maato.