DOMAANO 6:14 - Wanaadi A'deddu

¹⁴ Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

DOMAANO 6:14 ပူးပေါင်းရင်းမြစ်များ

MATEO 1:21

Iiñedö nennua’de, dhanwa’cä, Jesuuquidiitoje e’täcä’de. Töwö mädääje nätä’täja’de choone’nadiiyöcoomo jonno tösootoi ewaanacaaneichomooje töweiyemööje töweijäcä; quee cönä’döaacä amoode.

JUAN 1:14

Ñäädä A’deu sotooje cönä’döi. Töwö cöneejata’täi ñaa antawä. Aashichaato cönä’jaacä töwö, chäänöngato mmaja. Ñaa cöneeneaacä aashicha yeichö, yää yäätonno ’jemjönö Yuumö nnedö wwä töweiye naichö.

JUAN 1:17

Moisé ai Wanaadi cuntui cöwwäiñe jenaado’jä waanontänä; Jesuuquidiito ai mmaane aashichaato cönä’tui cöwwäiñe, chäänöngato a’deu mmaja.

JUAN 8:36

Wanaadi nnedö wwä ocoone’nadiiyöcoomo jonno ayu’ca’comjäcä conemjönö anoonöje’da eijai maato yaawä.

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 4:16

Yääje yeijäcä yää Wanaadi necamma’jödö cönäätäcammai ecamjödö jäcäinchädä, täje’da yä’tudu wetä yaawä, tameedä Aawadán atö’jödö wwoncomoojeene yeichö wetä mmaja. Jenaado’jä waanontänä woija’como wwonooje mma’da yää Wanaadi necamma’jödö, Aawadán necamjö’jödö nönge ecaanö’nnamo wwonooje mmajaane. Yääje yeijäcä ñäädä Aawadán tameedä cadai’choncomooje na,

DOMAANO 5:17

Tooniño dhanwa cone’nadiiyö woijatooje wäämanä o’jodhe cönä’jaacä. Eduuwa ñanno Wanaadi jadoonoje tödööa’como wwä nä’tua jäduuje yeicho’como, eduuwaatoje yeicho’como mmaja; yää chäwwäiñe nä’tua tooni dhanwa jäcäinchädä mmaja, ñäädä Jesuuquidiito.

DOMAANO 5:18

Mädääje na; Adhán cone’nadiiyö woijatooje tameedä soto töwännanö’aamoje cönä’döicho. Jesuuquidiito nödöödö aashichaato jäcäinchädä daja ’quene tameedä soto Wanaadi jadoonoje ä’döjai ñaato eduuwa.

DOMAANO 6:12

Yääje yeijäcä conemjönö tödöödö anoonöje’daane eichäcä, ajuunucoomo nijummadö mma männöto’no yaawä.

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

DOMAANO 8:12

Yääje yeijäcä jimmä, cöwwäiñe tödööemö töweiye na, cujuunucoomo nijummadööjönööne.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

CAADATA 3:23

Yää ecamjödö que weiñä eejö’dadä jenaado’jä waanontänä necammadö woije dea jedeeso nönge cä’ja’quene, ecamjödö que weiñä wä’dödö wa’cä.

CAADATA 4:21

Änwanno jenaado’jä waanontänä woije töwei’sha’como, ¿aneeta’da ca maato yää jenaado’jä waanontänä wä’dödö?

CAADATA 5:18

Yaawääne’, Epíiditu Santo woije äwäätä’se’ta’comjäcä jenaado’jä waanontänä adhaanontäjaiñe’da na.

TIITO 2:14

Töwö Jesuuquidiito töwäämaamöje cönä’tui cöjääcäinchädäiñe tameedä conemjönö jonno cäwaanacaadöcoomo wetä, cöcoccadööcomo wetä mmaja tösootoije cöweichöcoomo wetä, aashichaato tödöödö encano’tännamooje cöweichöcoomo wetä mmaja.

EEWEDEO 8:10

Edääje mmaja Cajiichaana nä’döa dea: Edääje na’de Iisadaaeeda weichö wwäiñe neecammadö yää cu’nädaawä. Öwö ya’deddu wödööa’de chö’tajäätödööcomo aca, chääwanööcomo jäcä wimenna’de. Yaawä Yaanadiiyöcoomoje wa’de, tönwanno sootoije naato’de.