DOMAANO 6:13 - Wanaadi A'deddu

¹³ Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:13 ပူးပေါင်းရင်းမြစ်များ

DUUCA 15:24

Määdhä önnedö yäämaajä wa’cä cönä’jaacä; eduuwa cöjaadäiñe na. Tösaadijange cönä’ja’dea, eduuwa näädantojoi;” quee cönä’döaacä yuumö. Tönwanno töwääwashinchädööcomo cönaajäntoicho yaawä; jooje ta’cwaiñe cönä’ja’to.

DUUCA 15:32

Eduuwa chäänönge ta’cwaiñe cääwashinchaato, määdhä adhaacono yäämaajä wa’cä cönä’ja’dö cöjoodö’jocoomo weijäcä. Töwö tösaadijange cönä’jaacä, eduuwa näädantojoi;” quee cönä’döaacä yuumö tönnedö wwä; quee cönä’döaacä Jesuuquidiito.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOMAANO 1:29

Tönwanno chäänönge’da weneeneto, masuuduije mmaja, conemjönö tönnöe mmaja, anejja nödöödö töni’ñeimma mmaja. Tönwanno tö’neiñe weneeneto dea, soto töneema mmaja, töwäätäccujä’e mmaja, äncu’tätä mmaja, tumjunne’da mmaja, wätunnä dha’me mmaja.

DOMAANO 12:1

Yääje yeijäcä jimmä, edääje äwäätuuja’seiñe wa, Wanaadi wwä wentumje adheene’jocoomo weijäcä: Chäwwä ä’tutääcä, saaquidiijiisiyo nudootoje, tösooma, Wanaadi wacö’je mmaja. Mädääje chäwwä tödööjai maato.

DOMAANO 6:11

Mädääje mmaja änwanno chö’tamme’jai maato conemjönö wwä yäämaajä nönge aweichöcoomo; Wanaadi wwä mmaane nudä maato, Cädhaajotoncomo Jesuuquidiito jadä.

DOMAANO 6:16

Änwanno odhoowanääcäiñe na anejja soto wwä äwä’tua’comjäcä shootoije aweichöcoomo wetä, ñäädä anoonöje eijai aweichöcoomo yaawä; imjummadö woije eijai yaawä. Mädääje mmaja änwanno; conemjönö woije aweiya’comjäcä wäämato’me noowonö’jaca. Dha’da ’quene Wanaadi woije aweiya’comjäcä chäänönge aweicho’comooje daja nejoodöja.

DOMAANO 6:19

Yö’seeno joi mädääje ya’deuwa, anejjejaato ai etaajai’cha aweijäcäiñe. Jenaadä chäänöngemjönö tödöödö wetä conemjönö wwä töwä’tue mä’ja’quene; mädääje mmaja eduuwa chäänönge weiñä wwä ä’tujai maato, aashichaato tödöödö wetä daja. Mädääje Wanaadi woije jeene eijai maato.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOMAANO 7:5

Jenaadä cujuunucoomo woije cöweichöcoomo cujuunucoomo nijummadö tönnöe cä’ja’quene, waanontänä nejannä’cadö woije; yääje weiñä cönä’jaacä wäämatoojoje töwoowonö’jacaamöje mma.

1 CODINTIYO 6:15

¿Odhoowanääcäiñe’da ca’ nai adheejöcoomo Jesuuquidiito ejö jäcoonoje yeichö? Yääje yeiya’jäcä ¿aashicha eijai ñai masuudui ejö jadä Jesuuquidiito ejö ejoodöjoodö? Ng’jn, aashicha’daane.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

1 CODINTIYO 6:9

¿Odhoowanääcäiñe’da ca’ nai chäänöngemjöncomo Wanaadi jataacäi täjai’cha yeichöcoomo? Mätäncu’tojootäi’che, ñanno Wanaadi jataacäi täjai’cha naato, töiño jonno, töjiiñamo jonno jeiñe mma anejja enaawä töweiyato, chu’taajä ijummanei mmaja, masuuduijato mmaja, dhanwa acä dhanwa conemjönö tödöönei mmaja,

2 CODINTIYO 10:4

Ñaa waichadö wewäänä’totoojo edä nono de’wonoojönö, Wanaadi jäduudu dö’sennotoone; jäduujato e’jodheinchajai yää.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

2 CODINTIYO 5:15

Quidiito cönäämai tameedä soto jäcäinchädäiñe ñanno nudä naatoodö töwwoncomooje mma’da nudä yeichöcoomo wetä yaawä, ñäädä töjääcäinchädäiñe cönäämaichö wwonoojeene, töjääcäinchädäiñe cönaadoncaichö mmaja.

2 CODINTIYO 8:5

Ñaa nichö’tammecöödö e’jodhe’cä mmaja cönnöicho yaawä. Awa’de Wanaadi woije cönä’tuicho Cajiichaana Jesuuquidiito wwä, yää ’jeje ñaa wwä mmaja.

EUJEESIYO 2:5

cöweichöcoomo cuntui Quidiito jadä, cöcoone’nadiiyöcoomo awä töwääma cöwei’jocoomo weichaame. Aashicha Wanaadi weichö woije töwääwanaaca maato.

EUJEESIYO 5:14

Yääje yeijäcä edääje wä’dönä nai: Ä’jäcä amäädä wetuujato; aanöncä awäämaajo jonno, Quidiito aweijoiye yaawä; quee.

JIDIIPENSE 1:20

Öwö tö’tajäätödö she’caasa ömjöichädö ’je yei’she’da. Tösaade’da weichö que mmaane Quidiito aashicha wa’deuto’me tödö’se wa, weichö nöngeedä, nudä weichö que jeiñe mma, wäämadö que jeiñe mma.

CODOOSENSE 2:13

Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

CODOOSENSE 3:5

Yääje yeijäcä tameedä edä nono de’wono ännödööcomo emaatäcä: yää masuuduichanä, nossaje tö’tajä’nä mmaja, conemjönö tödö’se weiñä mmaja, conemjönö ijummadö mmaja, ane’cä’cä ijummadö jäcä töwäätätäädä weiñä mmaja. Chu’taajä ijummadö wa’cä mmaja yää töwäätätäädä weiñä.

2 TEESADOONISENSE 2:12

Mädääje nännanö’aato’de tameedä chäänöngato ecamjö’semjöncomo’jödö, ñanno conemjönö ijummannamo’jödö.

2 TIIMOTEO 2:15

Chäänöngato wetaadawa’cajoodöje aweichö Wanaadi wwä äwäänejootojo encano’täcä, töjöiye’da meiye dhowaadäädä, sa’donna ecammajä’ancädä a’deu chäänöngato.

SANTIYAACO 4:1

¿Ane’cäämö ewoonö’jödööje töwä’tu’de’tä määnetääne, töwäätäuwe mmaja? Ajuunucoomo woije tötö’tajä’e aweijäcäiñe mädääje määnetääne, yää ätö’tajäätödööcomo jadä töwä’tu’de’tä weneenedö.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 PEEDHODO 4:2

Yääje yeijäcä edä nono de’wä maatoodawäädä töweesomaajä’e eichäcä Wanaadi waanontädö woije aweichöcoomo wetä, ajuunucoomo nijummadö woije’daane.

1 JUAN 1:9

Yaawääne’ Wanaadi wwä conemjönö cönnö’jocoomo ecamma’jäcä cöwwäiñe, täcaanö’emje töwö na chäänönge tödööjai yeichö. Töwö conemjönö cönnö’jocoomo nencwannä’ja yaawä; tameedä cöcoone’nadiiyöcoomo nichocca dea.