DOMAANO 6:11 - Wanaadi A'deddu

¹¹ Mädääje mmaja änwanno chö’tamme’jai maato conemjönö wwä yäämaajä nönge aweichöcoomo; Wanaadi wwä mmaane nudä maato, Cädhaajotoncomo Jesuuquidiito jadä.

DOMAANO 6:11 ပူးပေါင်းရင်းမြစ်များ

JUAN 20:31

Eetä naadö mma tömennä na ecamjödö wetä äwwäiñe Jesuuquidiito Äwaanacaaneije yeichö, Wanaadi nnedööje yeichö mmaja. Yaawä äwwäiñe ecaanö’a’jäcä aweichöcoomo töweiye na’de, töwö chääjäcäinchädä.

DOMAANO 16:27

Ñäädä Wanaadi yäätonno ’jemjönö, töseedujä’nato, yeichöödäje aashicha wa’deutojooje na Jesuuquidiito jäcäinchädä. Amén.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 6:10

Töwö tooniye cönäämai conemjönö e’jodheinchadö wetä; eduuwa nudä naadö Wanaadi wwonooje na.

DOMAANO 6:13

Chäänöngemjönö tödönnamooje mma mä’tutäi’che conemjönö wwä. Wanaadi wwä mmaane ä’tutääcä, yä’ja’a’como waadonca’comoone aweiya’como. Wanaadi wwä adheejöcoomo u’täcä, aashichaato tödööneijeene meichäiye.

DOMAANO 6:2

Ng’jn, mädääje’daane. Cönwanno conemjönö tödöödö jäcä yäämaajä nönge caato. Yääje yeijäcä ¿aaquene mmaja conemjönö tödöödöje dea queichädö deaade’ ?

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

DOMAANO 7:4

Mädääje mmaja änwanno jimmä, Quidiito jadoncomo. Änwanno yäämaajä nönge maato jenaado’jä waanontänä wwä, anejja jadoonoje aweichöcoomo wetä. Quidiito jadoonoje maato eduuwa, ñäädä töwäämaajo jonno cönaadoncaichö. Quidiito jadä cöweijäcäiñe Wanaadi wwonooje aashichaato tödönnamooje eijai caato.

DOMAANO 7:6

Eduuwa mmaane waanontänä cödööjaiñe’da na; töwääma caato eduuwa yää jenaadä camu’däneichomooje cönä’ja’dö wwä. Wanaadi wwääne tödööjai caato eduuwa, eduuwatoje cöweichöcoomo Epíiditu Santo nutuudu que, jenaado’jä imennaajä woije mma’daane.

DOMAANO 8:18

Joojemjönööje öwwä nichö’ta eetä töwäntunaanö’e cäänetäänedö, äcuude aashicha cöweicho’como naadö o’näde.

1 CODINTIYO 6:20

Wanaadi wwä täjeema maato täjeeto que. Yääje yeijäcä Wanaadi nijummadö woije tödöötäcä adheejöcoomo que, ätö’tajäätödööcomo que mmaja, a’nädä Wanaadi wwonooje yeijäcä.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

JIDIIPENSE 1:11

Mädääje Jesuuquidiito ni’wa’tädö que aashichaato tödöödö ’je eijai maato. Yaawä tacaade eijai ña aashicha Wanaadi weichö; aashicha soto a’deujai ñaato yaawä chääjäcä.

JIDIIPENSE 4:7

Yaawä Wanaadi nu’a’de äwwäiñe täncanoode’da aweicho’como, yää soto owaanojöönö. Yää täncanoode’da aweicho’como adheewanööcomo nedai’cha’de, ätö’tajäätödööcomo mmaja, Jesuuquidiito woije.

CODOOSENSE 2:20

Quidiito wäämadö jadä äwääma’jocoomo weijäcä tösancwa maato edä nono de’wono tö’tajä’nä jonno. Yääje yeichaame ¿ane’que’nei edä nono de’woncomo nönge dea maato? ¿Ane’que’nei edä nono de’wono wätunnä waanontädö woije dea määnetääne,

CODOOSENSE 3:17

Tameedä awa’deuwödööcomo, ännödööcomo mmaja, Cajiichaana Jesuuquidiito wwonooje tödöötäcä, Cumöötoncomo Wanaadi wwä aashicha awa’deuwancädäiñe Quidiito joi.

1 PEEDHODO 2:24

Quidiito dea cöcoone’nadiiyöcoomo töjääcä cönshinchäi cuduusa jäcä töweichö, conemjönö tödöödö jäcä yäämaajä nönge cöweichöcoomo wetä, aashichaato mmaane tödööcoije cöweichöcoomo wetä. Töwö yäätunui’chä’jödö que töwääjichö’tä maato.

1 PEEDHODO 2:5

Änwanno mmaja täju yeichöödoto töweiye naichöje maato. Wanaadi woije oojodö’täcä Epíiditu Santo ewöötöje aweichöcoomo wetä, maa amääajä töweiye naichöje, Wanaadi wwä töwa’deuwaamo shooma’comooje aweichöcoomo wetä mmaja. Yaawä Jesuuquidiito ai Wanaadi wwono saaquidiijiisiyo aashichaato u’jai maato, Wanaadi wacö’je.

1 PEEDHODO 4:11

Ñäädä ecammajä’nei, Wanaadi a’deddu ecammajäätödö töweiye naichöje necammajäätö’ñojo. Ñäädä anejja wwä tödööjä’nei, töjäädudu Wanaadi nutuudu que nödö’ñojo. Mädääje tameedä ännödööcomo que aashicha Wanaadi weichö tacaade eijai ña, Jesuuquidiito joi. Ñäädä Jesuuquidiito yeichöje aashicha wa’deutojooje na, tameedä cajiichaanaje mmaja. Amén.