DOMAANO 5:8 - Wanaadi A'deddu

⁸ Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 5:8 ပူးပေါင်းရင်းမြစ်များ

JUAN 15:13

Töweichacoono junnei wäämanä yää yää wä’jummanä chäänöngato; anejja ’je’da na yää nöngato wä’jummanä e’jodhaato.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

DOMAANO 3:5

Edääje anejjacoomo soto töwä’döe weneeneto: “Cönwanno conemjönö cönnödööcomo que aashicha Wanaadi weichö queenejaato;” quee. Yääje yeijäcä ¿chäänönge’da ca Wanaadi ñai yää conemjönö jo’tädööje soto tömmamincha yeijäcä?

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 5:20

Yää waanontänä imennaajä cönä’tui cöne’da’cä jeene conemjönö ene’ju’joneije. Yaawääne’, cone’da’cä jeene conemjönö wä’dö’jödö weichaame Wanaadi nutuudu aashichaato cho’jodhe’cä mmaja jeene cöneejamöi.

DOMAANO 5:6

Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

DOMAANO 5:7

Cowaanäcäiñe na anejja jäcäinchädä soto äämajai’cha yeichö, aashichaato jäcäinchädä jadä’jödöödä; anejja äämajai yeichaame’da ca’dö jääcä aashichaato jäcäinchädä jeene yeiya’jäcä.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

DOMAANO 8:39

cawoono mmaja, co’dhejeiñano mmaja, tameedä Wanaadi namoode’nädö mmaja cösancwajoojaiñe’da na dea Wanaadi jonno. Tameedä yää jona’da yeichöje Wanaadi nijummadööje caato’de. Cujummatäiñe töweichö töwö Wanaadi cöneenejoi Cädhaajotoncomo Jesuuquidiito ai.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

EUJEESIYO 2:7

Yää cöjääcäiñe töwö cönnöi yeichöödäje eneejodö wetä cujummatäiñe töweichö, Jesuuquidiito jäcäinchädä cöjääcäiñe ta’cwaiñe töweichö mmaja.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

1 TIIMOTEO 1:16

Yaawääne’ edä jäcäinchädä töwö Wanaadi wentumje yeeneaaquene, jääcä awa’deene Jesuuquidiito wwä eneejodö wetä aashicha töweichö. Mädääje täneemöje wä’döne, ñanno Jesuuquidiito töweicho’comooje ecaanö’nenaamo neneedöcoomoje.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

1 JUAN 3:16

Cöjääcäinchädäiñe Jesuuquidiito wääma’jödö que cönwanno coowanoomatääne wä’jummanä chäänöngato jäcä. Yääje mmaja cönwanno cöweichöcoomo u’jai caato cöjimmotoncomo jäcäinchädä.