DOMAANO 5:6 - Wanaadi A'deddu

⁶ Cönwanno cöwwäädäiñe dea ääwanaacajai’cha cöweichöcoomo Quidiito tucu’nädö awä cönäämai cöjääcäinchädäiñe, cönwanno conemjöncomo jäcäinchädä.

DOMAANO 5:6 ပူးပေါင်းရင်းမြစ်များ

DOMAANO 11:26

Yaawäjeene tameedä iisadaaediitacoomo nääwanaacaato’de, Wanaadi a’deddu imennaajä wä’dödö naadöje. Edääje nä’döa yää imennaajä: Siyon ñanno Äwaanacaanei ne’a’de. Töwö Jacoowo weichö cone’nadiiyöcoomo nichocca’de.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 4:5

Yääje’daane Wanaadi jadoonoje wä’dönä. Ñäädä aashichaato ännö’da töweichaame Wanaadi ecaanö’nei, yää ñeecamjödö jäcäinchädä Wanaadi töjaadonooje nödööa. Wanaadi töjaadonooje tönnöe ñäädä conemjönö tödöönei.

DOMAANO 5:10

Wanaadi tu’dedööje cöweichöcoomo töwö töjaadä ääweichacoonoje cödöötäne Tönnedö wääma’jödö jäcäinchädä. Töwaacö’je mma eduuwa; chääjadä ääweichacoonoje cöweichomjäcä töwö cäwaanacaato nudä Quidiito weichö que dajaane.

DOMAANO 5:7

Cowaanäcäiñe na anejja jäcäinchädä soto äämajai’cha yeichö, aashichaato jäcäinchädä jadä’jödöödä; anejja äämajai yeichaame’da ca’dö jääcä aashichaato jäcäinchädä jeene yeiya’jäcä.

DOMAANO 5:8

Quidiito mmaane cöjääcäinchädäiñe cönäämai conemjönö dönnamooje cöwei’jocoomo weichaame. Mädääje Wanaadi cöneenejoi töwwä tujunne cöweichöcoomo.

DOMAANO 8:32

Wanaadi cöwwäiñe Tönnedö jadä’jödöödä aneewontä’da cöneiyacä; tu’eene cuntui cöjääcäinchädäiñe töwäämaamöje. ¿Aaquene mmaja tameedä anejja cöwwäiñe äntu’da eijai ñai Tönnedöödä cuntuiñe’ ?

DOMAANO 8:34

¿änääcö mmaja töwännanö’aamoje ane’tädööto deeade’ ? ¿Quidiito ’ja? Ng’jn, Quidiito dea dajaane cöjääcäinchädäiñe cönäämai, töwäämaajo jonno cönaadoncai chea. Töwö na eduuwa Wanaadi nnäcä, ämu’demjönö dö’se, chäwwä cöjääcäiñe wa’deunäje.

CAADATA 2:20

Quidiito jadä wäämane cuduusa jäcä. Öwööjönööne nudä wa eduuwa, Quidiitoone na do’taca. Mädä eduuwa waadö Wanaadi nnedö ecamjödö que wa, ñäädä jummanei, jääcäinchädä cönäämaichö.

CAADATA 4:4

Yaawä chu’nädö aca yä’döa’jäcä Wanaadi Tönnedö cönaanontäi; wodi ai cönennui. Töwö cönä’jaacä judhíoje, jenaado’ja waanontänä woije.

EUJEESIYO 5:2

Wä’jummanä ’je eichäcä, Quidiito cujummatäänedööje mmaja. Töwö saaquidiijiisiyooje cönä’tui cöjääcäinchädäiñe, oweeja nnedö’cä töweiye naichöje. Yää yä’tu’jödö Wanaadi wacö’je cönä’jaacä, Wanaadi wwä u’ajä caadono ijoodö töweiye naichöje.

CODOOSENSE 2:13

Jenaadä töwääma mä’ja’quene ocoone’nadiiyöcoomo awä, ajuunucoomo nijummadö jäcä siicunsidaadoje’da awei’jocoomo weijäcä mmaja. Eduuwaane Wanaadi aweichöcoomo cuntui Quidiito jadä, tameedä ocoone’nadiiyöcoomo encwanno’jodö’jo.

1 TEESADOONISENSE 5:9

Töwäätä’maminchajaamoje’da Wanaadi ca’dejjatääne, Jesuuquidiito jäcäinchädä töwääwanaacaamojeene.

1 TIIMOTEO 1:9

Cönwanno cowaanäcäiñe eijai ña aashicha’como wwonooje’da yää waanontänä imennaajä weichö. Yää waanontänä töweiye nai tanontä’jödö ännöjöönö wwonoojeene, töweewodoichaato wwonooje mmaja, conemjönö dönei mmaja, chäänöngemjönö mmaja, Wanaadi onnontäjöönö mmaja, dha’deddu onnontäjöönö mmaja, tumö emaanei, senö emaanei wwonooje mmaja. Soto emaanei wwonooje mmaja na dea yää waanontänä,

TIITO 2:12

Yää cöjääcäiñe aashicha Wanaadi weichö que cönwanno oowanoomajai caato conemjönö tödöödö e’nomjadö jäcä, conemjönö tödö’se weiñä e’nomjadö jäcä mmaja, chäänönge weiñä jäcä mmaja, towaadäädä weiñä jäcä mmaja, Wanaadi woije weiñä jäcä mmaja edä nono de’wä cöweichöcoomo.

EEWEDEO 8:3

Ñäädä Wanaadi wwono wa’deuwödö ewaacadö nai Wanaadi wwä u’ajä ecammaneije, saaquidiijiisiyo tödööneije mmaja. Yääje yeijäcä Jesuuquidiito wwä töweiye mmaja eijai ña dea tu’emö.

EEWEDEO 9:26

Yääje ei’jo mmaane weiñäje Jesuuquidiito äämadö cöneiyacä edä nono tödö’jödö jonnoto’jödöödä. Dha’da cönäänejoichö naane’, tooniye mma eduuwa anooto ataamejai yä’döa’jäcä. Töwö cöneejä conemjönö choccadö wetä saaquidiijiisiyooje töwä’tudu que.

1 PEEDHODO 1:20

Edä nono tödöödö owaajodä mädääje töweiyemööje Quidiito cönäätä’täjoichö’je; yaawääne’ eduuwa jeene cönäänejoi, anooto ataamejai yä’döa’jäcä jeene, änwanno äjääcäinchädäiñe.

2 PEEDHODO 3:7

Wanaadi a’deddu woije mmaja edä caju eduuwa naadö tödhau’cwaamöje tösooma na, edä nono mmaja. Yaawä nä’dhau’cwaja’de, wätä’maminchajootojo anootoi’chädö awä, Wanaadi woijemjöncomo nä’ja’aato’dedö awä.

JUUDHA 1:15

tameedä soto emmencadööcomo wetä, tameedä Wanaadi woijemjöncomo maminchadööcomo wetä mmaja tameedä conemjönö iiñö’jocoomo jo’tädööje, yää Wanaadi nijummadö woije’da cönnöichodö. Tameedä töjääcä cone’da ya’deuwö’jocoomo jo’tädööje mmaja nimaaminchaato’dede;” quee cönä’döaacä Enooco.

JUUDHA 1:18

Edääje ñanno cönä’döa’to: “Anooto ataamejai yä’döa’jäcä anejjacoomo naato’de Wanaadi enno’jä’nnamooje. Conemjönö tumjummadööcomo woije mma naato’de;” quee cönä’döa’to Jesuuquidiito nanontädö ñanno chäänöngemjöncomo jäcä.

JUUDHA 1:4

Anejjacoomo Wanaadi woijemjöncomo tacaade’da cantawäiñe yääwaaca’como töweiye naato. Jenaadä dea ñanno wännanö’to’como cönäätäcammai Wanaadi a’deddu imennaajä jäcä. Tönwanno aashicha Wanaadi weichö tönnöe weneeneto conemjönö tönnöto’comooje. Ñäädä Wanaadi, tooniyaano Cädhaajotoncomo, tömjo’ma weneeneto, Cädhaajotoncomo Jesuuquidiito mmaja.