DOMAANO 5:2 - Wanaadi A'deddu

² Quidiito woije Wanaadi jadoonoje cä’dötääne ecamjödö que; yääje yeijäcä Wanaadi nutuudu aashichaato cöwwäiñe na. Yää Wanaadi nutuudu aashichaato cöwwäiñe yeijäcä ejääduqueejö’da caato; ta’cwäiñe mmaja caato dea cowaanäcäiñe yeijäcä aashicha Wanaadi weichö cöwwoncomooje yeichojo.

DOMAANO 5:2 ပူးပေါင်းရင်းမြစ်များ

MATEO 25:21

Chäädhajä cönä’döaacä yaawä: “Chäänönge na, amäädä yaanonö aashichaato, chäänöngato mmaja. Aashicha mödööne ataadawaajui she’coto’cä. Eduuwa ataadawaajui wecamma adai’joto jaiñoone. Ta’cwaiñe eijai ma eduuwa öwö jaadä;” quee cönä’döaacä chäädhajä.

JUAN 10:7

Edääje mmaja Jesuuquidiito cönä’döa’dea chäwwäiñe: —Chäänönge yääje wä’döa äwwäiñe, öwö ñäädä mönaatata, oweeja womonto’como.

JUAN 10:9

Mönaatata öwö; ñäädä öwö yaiño womoomödö nääwanaaca’de. Töwö cudaada aca nomonga, töweeja’ca mmaja, täwanshiñö töneedantä yaawä.

JUAN 14:6

Jesuuquidiito cönä’döaacä chäwwä: —Öwö ñäädä ääma neene, chäänöngato a’deu mmaja, do’ta edhaajä mmaja. Jaaja wwadäädä täjai’cha weiñä na; öwö joi mma täjai.

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

DOSECHO 14:27

Yaawä Antiyooquía ña töwä’döa’comjäcä Quidiito sotoi cöni’jummaicho; chäwwäiñe cöneecammajäätöicho tameedä Wanaadi nödö’jödö töjääcäiñe. Cöneecammajäätöicho dea judhíojöncomo wwä Cajiichaana wwä utu’jödö ta’deddu etaatojo, ecamjödö wetä chäwwäiñe.

DOMAANO 11:20

Yääje mma’ne; tönwanno cönaataco’joicho aneecamjö’da töweichöcoomo jo’tädööje. Amäädä mmaane ecamjödö que mma adhaatötaane, mädä eduuwa maadö. Yääje yeijäcä o’jodhe chö’tajä’jai’cha ma; tönontä mmaane ñontäjai ma.

DOMAANO 12:12

Ta’cwaiñe eichäcä onwomoocödööcomo jäcä. Aashicha shinchätääcä äwäntunamjödööcomo. Yeichöje Wanaadi wwä adha’deutäcä.

DOMAANO 14:4

¿Änääcö amäädä anejja sotoi chiiñemeecödö wetä? Chäädhajääne mädä encano’täjai ña, chäänönge yeichö jeiñe mma, chäänönge’da yeichö jeiñe mma. Chäänöngeene na’de, Cajiichaana Jesuuquidiito jäduuje yeijäcä mädä tödöödö jäcä.

DOMAANO 15:13

Ñäädä Wanaadi, cönwomoocödööcomo u’neije na; töwö adha’cwaniiyöcoomo nu’a, täncanoode’da aweicho’como mmaja, täcamjödö jäcäinchädä. Yaawä Epíiditu Santo woije wo’womo’nä ’je eijai maato.

DOMAANO 2:7

Töwö Wanaadi yeichöödäje weiñä nu’a’de ñanno töquinchancädäiñe’da aashichaato tödönnamo wwäiñe, ñanno aashichaato encano’tännamo, aashicha töweicho’como encano’tännamo mmaja, töwaatamemjönö encano’tännamo mmaja.

DOMAANO 3:23

Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato.

DOMAANO 5:5

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

DOMAANO 8:1

Yääje yeijäcä ännanö’jai’cha naato eduuwa ñanno Jesuuquidiito jadoncomo, ñanno tujuunucoomo nijummadö woijemjöncomo, Epíiditu Santo woija’como.

DOMAANO 8:24

Cönwanno cääwanaacatääne yää womoocödö wetä. Yaawääne’ yää täneeto o’womoocö’da töweiye nai. ¿Änääcö ca täneeto tönwomo’que töweiye nai?

1 CODINTIYO 15:1

Jimmä, ätö’tamme’jo’seiñe wa äwwäiñe aashichaato wätunnä neecammajäätö’jödö jäcä, yää aashicha metaatäneedö, chääjäcäinchädä ejääduqueejö’da maatoodö.

2 CODINTIYO 3:18

Yääje yeijäcä cönwanno jecuude nönge caato, Cajiichaana Jesuuquidiito weichö queenejaato, töje’duque’daiñe cöweichomjäcä. Quidiito nönge mmaja cä’döaato dea, aashicha cöweichöcoomo jonno aashicha’cä jeene cöweicho’como aca tödööene. Cajiichaana woije dea mädääje caato, ñäädä Epíiditu Santoje naadö dea.

2 CODINTIYO 4:17

Mädä wäntunaanö’nä’cä a’dhatooje mma na; yää eje’jödö na’de aashichaato yeichöödoto, yää wäntunaanö’nä e’jodhaato.

EUJEESIYO 2:18

Tameedä cönwanno, judhío, judhíojöncomo mmaja, Quidiito jäcäinchädä täjai caato Cumöötoncomo wwadäädä, ñäädä dea Epíiditu Santo ni’wa’tädö que.

EUJEESIYO 3:12

Quidiito jadä cöweichomjäcä, töneecanö’e cöweichomjäcä mmaja, tösaade’da Wanaadi wwadäädä täjai caato.

EUJEESIYO 6:13

Yääje yeijäcä tameedä tödöötäcä Wanaadi nutuudu owoowontoto’como, conemjönö cu’nädaawä jäduuje meichäiye. Yaawä tameedä äwwäiñe tödööemö tödööa’jäcä, yäätäädä eijai maato.

2 TEESADOONISENSE 2:16

Cumöötoncomo Wanaadi cujummatääne aashicha töweichö woije. Töwö cuntui cöwwäiñe cöwä’wa’doto’como yeichöödoto, ta’cwaiñe cöwo’womo’to’como mmaja. Töwö Wanaadi chea, Cädhaajotoncomo Jesuuquidiito mmaja, äjäädu’taato adheewanööcomo jäcä. Tönwanno ä’wa’taato tameedä aashicha awa’deuto’como jäcä, aashichaato tödöödö jäcä mmaja.

EEWEDEO 3:6

Quidiito mmaja chäänönge na dea Wanaadi sotoi edai’chädööcomo jäcä. Yaawääne’, Wanaadi nnedööjeene töwö na, dhanoonöje mma’da. Ñanno cönwanno Wanaadi sotoi tädai’chaamo, yaatameedö jona tödööene ejääduqueejö’da cöweiya’comjäcä cöneecamjödööcomo jäcä, ta’cwaiñe cöweiya’comjäcä mmaja yää cönwomoocödööcomo jäcäinchädä.

EEWEDEO 6:18

Mädääje na; aacä enwacaamajaichojöönö töweiye na, yää Wanaadi necamma’jödö, töjoi yääcamma’jödö mmaja. Yääje töwääcamma’jödö weijäcä Wanaadi ätäncu’täjai’cha na. Yääje yeijäcä cönwanno, Wanaadi wwä yoowontäja’como, yää jäcä ä’wadi’ñäjai caato, chäänönge ecaanö’jai caato dea cöwo’womoocödööcomo, yää cöwwäiñe u’ajä naadö.

1 PEEDHODO 3:18

Quidiito mmaja cönäntunamjöi chea; cöcoone’nadiiyöcoomo jo’tädööje töwö cönäämai, tooniye mma, yeichöje töweiyemööje. Töwö chäänönge töweichaame chäänöngemjöncomo jäcäinchädä cönäämai, Wanaadi wwadäädä cäneejödööcomo wetä. Töwö chääjö wääma’jödö weichaame, Epíiditu Santo woije cönaadoncai.

APOOCADIISI 21:11

Wanaadi nnataadö chääjäcä cönä’jaacä. Ta’dawaane cönääneaacä yää jata, yaamante täjeeto wa’cä. Jáasepe nönge cönä’ja’dea, widiiqui wa’cä mmaja ta’dawaane yeichö.

APOOCADIISI 21:23

Yää jataawä shii niyeijodö tujunne’da na’de, nuunä niyeijodö tujunne’da mmaja, Wanaadi nnataadö yeijoneije yeijäcä. Oweeja nnedö’cä dhawaadöje na’de.

APOOCADIISI 21:3

Caju ña a’deu wetaaquene yaawä. Jooje cönäätaacä; cönä’döaacä: —Eneecä’ma, soto jadäiñe Wanaadi weichojo na eduuwa. Töwö nejaata’ta’de chääjadäiñe; tönwanno naato’de shootoije. Töwö dea na’de chääjadäiñe, Yaanadiiyöcoomoje.

APOOCADIISI 3:21

Ñäädä e’jodheinchanei’jödö öwö jaadä wödööa’de cajiichaanaje. Yääje mmaja we’jodheinchane öwö; cajiichaanaje wä’döne dea yaawä Jaaja jadä.