DOMAANO 5:18 - Wanaadi A'deddu

¹⁸ Mädääje na; Adhán cone’nadiiyö woijatooje tameedä soto töwännanö’aamoje cönä’döicho. Jesuuquidiito nödöödö aashichaato jäcäinchädä daja ’quene tameedä soto Wanaadi jadoonoje ä’döjai ñaato eduuwa.

DOMAANO 5:18 ပူးပေါင်းရင်းမြစ်များ

JUAN 1:7

Ñäädä Juan Wautiita cöneejä weiyu jäcä ecammajä’neije, tameedä soto wwäiñe ecamjödö wetä ñeecammajäätödö etaadö’jo.

JUAN 12:32

Öwö edä nono jonno waatannä’ja’jäcä tameedä soto wene’aato’de öwwadäädä; quee cönä’döaacä Jesuuquidiito.

JUAN 3:26

Tönwanno cöntonto yaawä Juan döiña; cönä’döa’to chäwwä: —Owaanomaanei, ñäädä Joodadán mänsemjo ajaadä cönä’ja’dö, ñäädä mecammajä’aquennö, wautisaaje soto tödöödöcoomoje na. Tameedä soto chäwwadäädä nötaato; quee cönä’döa’to.

DOSECHO 13:39

Jesuuquidiito jäcäinchädä tameedä ñanno ecaanö’nnamo wwä töweiye na iiñödööcomo encwanno’jotoojo, yää Moisé waanontädö woije weiñawä ätäncwanno’jojaichojöönö’jödö.

DOMAANO 3:25

Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

DOMAANO 4:25

Ñäädä Jesuuquidiito cöcoone’nadiiyöcoomo jäcäinchädä cönä’tui töwäämadö que. Töwö töwäämaajo jonno cönaadoncai Wanaadi jadoonoje cöwä’döto’comooje.

DOMAANO 5:12

Tooniyaano dhanwa cone’nadiiyö woijatooje conemjönö cöneejä edä nono de’cäi; yää jo’tädööje wäämanä cönaajäntäi yaawä. Mädääje wäämanä cönäämecantäi tameedä soto jäcäiñe, tameedä soto conemjönö tönnöe yeichomjäcä.

DOMAANO 5:15

Wanaadi nutuudu aashichaato na Adhán cönnöichö nönge’da. Ñäädä Adhán cone’nadiiyö cönoowonö’jacai jooja’como soto wä’ja’to’comooje, tooni mma töwö yei’jödö weichaame. Jesuuquidiito nödö’jödö mmaane Wanaadi cönnöi jooja’como soto aashicha yeicho’comooje daja, tooni töwö Jesuuquidiito weichaame mmaja. Yää wääwanaacatoojo Wanaadi cuntui cöwwäiñe ejeemajancädä’da.

DOMAANO 5:19

Tooniyaano dhanwa chäänönge’da yei’jödö e’nei jooja’como soto conemjönö tödönnamooje cönä’döicho. Mädääje mmaja tooniyaano dhanwa chäänönge yei’jödö e’nei chaja jooja’como soto Wanaadi jadoonoje nä’döjaato.

DOMAANO 6:14

Conemjönö adhe’jodheinchajaiñe’da na eduuwa jenaado’jä waanontänä nanontädööcomooje’da aweichomjäcä; Wanaadi nutuudu aashichaato woijeene maato.

1 CODINTIYO 15:22

Adhán atöödöje cöweichomjäcä tameedä töwä’ja’aamoje caato. Quidiito jadä cöweichomjäcä daja cöweichöcoomo yeichöödoto töweiye na eduuwa.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

1 JUAN 2:20

Äwwäiñe mmaane Quidiito cuntui Epíiditu Santo; tameedä towaanojo’neiñe maato.