DOMAANO 5:15 - Wanaadi A'deddu

¹⁵ Wanaadi nutuudu aashichaato na Adhán cönnöichö nönge’da. Ñäädä Adhán cone’nadiiyö cönoowonö’jacai jooja’como soto wä’ja’to’comooje, tooni mma töwö yei’jödö weichaame. Jesuuquidiito nödö’jödö mmaane Wanaadi cönnöi jooja’como soto aashicha yeicho’comooje daja, tooni töwö Jesuuquidiito weichaame mmaja. Yää wääwanaacatoojo Wanaadi cuntui cöwwäiñe ejeemajancädä’da.

DOMAANO 5:15 ပူးပေါင်းရင်းမြစ်များ

MATEO 20:28

Soto nnedöödä cöneejäne’, soto anontäneichomooje’da, chäwwäiñe tödööneije mmaane, töwä’tudu wetä mmaja jooje soto wääwanaacato’comooje; quee cönä’döaacä Jesuuquidiito.

MATEO 26:28

Edä yää yaaquiyö, chäänönge Wanaadi necamma’jödö yeichö ene’ju’tojo, jooja’como soto jäcäinchädäiñe töja’emö, choone’nadiiyöcoomo choccatoojoje.

JUAN 3:16

“Wanaadi tameedä soto cumjumma’to jooje, chääjäcäinchädäiñe Tönnedö yäätonno ’jemjönö tu’ene’jödöödä. Iiñedö ecaanö’nei ännamjö’da na’de, yeichö töwaatamemjönö töweiye na.

JUAN 4:10

Yaawä Jesuuquidiito cöneccujä’acä: —Wanaadi nutuudu odhoowanääcä ei’jo, äwwä tuna ne’ca’aadö odhoowanääcä ei’jo mmaja, amäädääne e’catäädö meiya öwwä, öwö utuudu weiya yaawä äwwä weichojo tuna; quee cönä’döaacä Jesuuquidiito wodi wwä.

DOSECHO 15:11

Cönwanno cowaanäcäiñe na Cajiichaana Jesuuquidiito nutuudu aashichaato que mma töwääwanaaca cöweichöcoomo, tönwanno chäänöngeiñe mmaja; quee cönä’döaacä Peedhodo chäwwäiñe.

DOMAANO 5:12

Tooniyaano dhanwa cone’nadiiyö woijatooje conemjönö cöneejä edä nono de’cäi; yää jo’tädööje wäämanä cönaajäntäi yaawä. Mädääje wäämanä cönäämecantäi tameedä soto jäcäiñe, tameedä soto conemjönö tönnöe yeichomjäcä.

DOMAANO 6:23

Conemjönö tödöödö nääjema wäämanä que. Wanaadi nutuudu aashichaato mmaane yää, weiñä yeichöödoto, Cädhaajotoncomo Jesuuquidiito jäcäinchädä.

2 CODINTIYO 5:14

Quidiito wwä ñaa jummadö yeijäcä anejjeja eijai’cha ñaa na. Ñaa owaanäcä na tooniyaano dhanwa wääma’jödö tameedä soto jäcäinchädo’comooje; yääje yeijäcä tameedä naato yä’ja’a’como nönge.

2 CODINTIYO 9:15

Aashicha wa’deutojooje Wanaadi ña, cöwwäiñe ecammatoojo ’jemjönö inchudu naadö jäcäinchädä.

EUJEESIYO 2:8

Aashicha Wanaadi weichö woijeene töwääwanaaca maato, ecamjödö que, änwanno aashicha aweichöcoomo jäcäinchädä’da, Wanaadi nutuudu woijeene.

EEWEDEO 2:9

Jesuuquidiito o’jodhe yeichö mmaane queeneaato, ñäädä a’dhe amoode o’näiñe cönä’ja’nei. Töwö Jesuuquidiito cönäämai tameedä cöjääcäinchädäiñe, aashicha Wanaadi weichö woije. Eduuwa töwö na o’jodhaatoje, aashicha wa’deutojooje mmaja, töwäntunamjö’jödö weijäcä töwäämadaawä.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

1 JUAN 5:11

Edä yää cöwwäiñe Wanaadi necamma’jödö: Töwö Iiñedö ecamjödö jäcäinchädä cöweichöcoomo töwaatamemjönö cönä’tui cöwwäiñe, Wanaadi nutuudu.