DOMAANO 4:6 - Wanaadi A'deddu

⁶ Dawí mmaja ta’cwaiñe cöne’ta’dea ñäädä soto iiñödö jäcäinchädämjönö töjaadonooje Wanaadi nödöödö.

DOMAANO 4:6 ပူးပေါင်းရင်းမြစ်များ

MATEO 25:19

“Numa yä’döa’jäcä chäädhajootoncomo cöneejä dea yaawä. Töwö cöneecamma’joicho töjöödatai jäcä.

DOMAANO 1:17

Yää aashichaato wätunnä necamma ecamjödö jäcäinchädä mma Wanaadi töjaadonooje cödöötäiñe yeichö, anejja jäcäinchädä’da. Edääje Wanaadi a’deddu imennaajä jäcä nä’döa: “Ñäädä Wanaadi jadoono töneecamjödö jäcäinchädä töweichö neneea’de;” quee.

DOMAANO 3:27

Yääje yeijäcä o’jodhe chö’tajä’jai’cha caato eduuwa. ¿Ane’que’nei, quee ’ja? Waanontänä tödöödö que’da wääwanaacanä yeijäcä, ecamjödö que mmaane.

DOMAANO 4:11

Yää ’jejeene siicunsidaadoje wä’dönä cönäätäcammai chäwwä. Yää siicunsidaadoje wä’dönä cönä’jaacä ecamjödö que Wanaadi jadoonoje töweichö yääne’ju’jotoojoje mma. Yääje yeijäcä tameedä quedeiyentecoomo siicunsidaadojemjöncomo adaichöje mmaja Aawadán na dea, ñanno töneecamjödööcomo que Wanaadi jadoonoje yä’döja’como naatoodö.

DOMAANO 4:24

cönwanno cöjääcäiñe mmajaane yää tömennä na. Cöneecamjödööcomo jäcäinchädä mmaja Wanaadi töjaadonooje cödööato, cönwanno Wanaadi ecaanö’nnamo, ñäädä töwäämaajo jonno Cädhaajotoncomo Jesuuquidiito adoncanei’jödö.

DOMAANO 4:5

Yääje’daane Wanaadi jadoonoje wä’dönä. Ñäädä aashichaato ännö’da töweichaame Wanaadi ecaanö’nei, yää ñeecamjödö jäcäinchädä Wanaadi töjaadonooje nödööa. Wanaadi töjaadonooje tönnöe ñäädä conemjönö tödöönei.

DOMAANO 4:7

Edääje cönä’döaacä töwö Dawí: Ta’cwaiñe naato ñanno choone’nadiiyöcoomo encwanno’ja’como, ñanno choone’nadiiyöcoomo ta’due naadö.

DOMAANO 4:9

Siicunsidaadoja’como mmajöönö ta’cwaiñe töweiyaamoje naato; ñanno yääjemjöncomo mmaja ta’cwaiñe töweiyaamoje naato dea. ¿Yääjönca wä’döaanä: Aawadán necamjödö jäcäinchädä Wanaadi töjaadonooje cönnöi; quee?

1 CODINTIYO 1:30

Töwö Wanaadi Jesuuquidiito jimmäje ayöödötääne. Quidiito jäcäinchädä töjaadonooje Wanaadi cödöötäne. Wanaadi chea Quidiito cönnöi cösejje’täneichomooje, cösoomaneichomooje mmaja, Cäwaanacaaneichomooje mmaja.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

CAADATA 3:14

Yää cönä’jaacä yää aashichaato Aawadán wwä Wanaadi necamma’jödö wä’tudu wetä judhíojöncomo wwä, Jesuuquidiito ai. Tameedä cöwwäiñe ecamjödö jäcäinchädä Epíiditu Santo nä’tua, ñäädä Wanaadi necamma’jödö.

CAADATA 4:15

¿Äsha ca’ nai eduuwa yää ta’cwaiñe mä’ja’quennö? Yoowanääcä na adheenuduucomo u’cajaicho wa’cä awei’jocoomo, öwö yeenuduuje, yääje eijai yeiya’jäcä.

EUJEESIYO 1:3

Aashicha wa’deutojooje na Cädhaajotoncomo Jesuuquidiito Wanaadiyö, ñäädä Yuumö. Töwö Wanaadi Quidiito jadä cöweichomjäcä tameedä aashichaato caju ñano cöwwäiñe cuntui.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

2 TIIMOTEO 1:9

Töwö Wanaadi cäwaanacaatäne; ca’dejjatääne dea töwwonooje cöweichöcoomo wetä. Töwö cäwaanacaatäne aashichaato cönnödööcomo jäcäinchädä’da, tumjummadö woijeene, Jesuuquidiito jäcäinchädä cujummatäiñe töweijäcä mmaja. Töwö Wanaadi cujummatääne edä nono tödöödö owaajodääde.

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.