2 Töwö tönnödö que’da Wanaadi jadoonoje cönä’döi. Yääje tönnödö que mma Wanaadi jadoonoje ä’dö’jo mmaane töwö Aawadán o’jodhe chö’tajä’jai cönä’jaacä, Wanaadi owaadäädä’da yeichaame.
Quedeiyenteje weijäcä ta’cwaiñe wa Wanaadi tadaawaajui wödööaadö jäcä.
Yääje yeijäcä anejja o’jodhe chö’tajä’jai’cha na Wanaadi owaadäädä.
Yääje yeijäcä Wanaadi a’deddu imennaajä wä’dödö nönge eijai caato: “Ñäädä o’jodhe tötö’tajäätö’sato Cajiichaana jäcääne o’jodhe nichö’tajäätö’ñojo;” quee naadö woije eijai caato.
¿Änääcö anejja e’jodhe ayöödöaanä? ¿Ane’cäämö äwwä nai Wanaadi nutuudujöönö? ¿Ane’que’nei Wanaadi nutuuduje yeichaame o’jodhe ätö’tajä’anä owoije aneejodöödö yeichawooto wa’cä?
Aashichaato wätunnä ecammajä’neije weichaame mädä jäcä ä’wa’demeejai’cha wa, taadawaajuiñe yeiyajä. Wentumje eijai wa yaawä aneecammajäätö’da weiya’jäcä.
Mädä tönnöe wääneneedö tödöödöje dea wa’de ñanno tötaadawaajuichomo jäconcomo wä’wa’demeecödö wa’deuto’como ’je’da yeichö wetä, ñanno ñaa wetaadawa’cajoodö nönge mmaja tötaadawaajuichomo e’tännamo.
Wä’wa’demeecö’se weiya’jäcä, jäduuje’da yeenejoonei jäcääne ä’wa’deme’jai wa.
Ñaa wewaacömaadöjöönö yeichaame mädä. Töjöiye’da ñaa jäcä awa’deuto’comoojeene yääje ñaa na’deuwa. Yaawä anejjacoomo soto eccujo’to’como ’je’da’da eijai maato. Tönwanno o’jodhe tötö’tajä’e weneeneto ye’wono jäcäinchädä mma, cone’da töweichaameiñe tödo’tacaiñe.
Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.
Tödöödö jäcäinchädä’da wääwanaacanä töweiye nai; yääje yeijäcä anejja o’jodhe chö’tajä’jai’cha na mädä jäcä.
chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.