DOMAANO 4:18 - Wanaadi A'deddu

¹⁸ Ñäädä Aawadán cöneecamjöi, täcaanö’emje’dato wa’cä yeichaame. Mädääje wannacoomo soto adaichöje töwö cönä’döi, Wanaadi necamma’jödö nönge dea: “Yää ’cäwa’cä adhaatödö naato’de;” quee yä’dö’jödö nönge dea.

DOMAANO 4:18 ပူးပေါင်းရင်းမြစ်များ

DUUCA 1:18

Yaawä Saacadía cönä’döaacä amoode wwä: —¿Aaquene mädä chäänönge yeichö yoowanääcä eijai ñai? Inchomje dajaane wa, no’samje mmaja jiiñamo; quee cönä’döaacä.

DOSECHO 27:25

Yääje yeijäcä ta’cwaiñe eichäcä; Wanaadi wecaanö’a. Yoowanääcä na amoode necamma’jödö nönge ä’döjai yeichö.

DOMAANO 4:17

Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

DOMAANO 4:19

Yaawä Aawadán cönä’jaacä ijaatoodea sotooto wedu ejoodöjai. Yääje yeichaame aneecamjö’da’da töwö cönä’jaacä, towaanäcä yeichaame inchomje töweichö, töjiiñamo Saada no’samje yeichö mmaja. Tönwanno yä’ja’a’como töweiye naichodööje cöntö’ta’to, yää ennecaajai’cha töweichöcoomo jäcä.

DOMAANO 5:5

Yää cöwo’womoocödööcomo cöjöichojootäiñe’da na’de, Wanaadi jummadö cötö’tajäätödööcomo aca yeijäcä, Epíiditu Santo ni’wa’tädö que, ñäädä cöwwäiñe u’ajä naadö.

DOMAANO 8:24

Cönwanno cääwanaacatääne yää womoocödö wetä. Yaawääne’ yää täneeto o’womoocö’da töweiye nai. ¿Änääcö ca täneeto tönwomo’que töweiye nai?

EEWEDEO 6:19

Yää cöwo’womoocödööcomo yäätäädä cötö’tajäätödööcomo nödööa, cudiiyada ’wadöötö a’täi töweiye naichöje. Yää shö’maajä na täije, caju ñano nejoonö ncadheedä.