DOMAANO 4:17 - Wanaadi A'deddu

¹⁷ Wanaadi owaadäädä, ñäädä Aawadán cöneecamjöichö dea. Edääje Wanaadi a’deddu imennaajä nä’döa: “Wannacoomo soto adaichöje männöne;” quee. Ñäädä Wanaadi yäämaajo jonno adoncatä, a’cato töncatu’nacaajo mmaja.

DOMAANO 4:17 ပူးပေါင်းရင်းမြစ်များ

MATEO 3:9

Edääje chö’tajä’jai’cha maato: “Aawadán weichö dea ñaa;” quee cajai’cha maato. Yääje wä’döa äwwäiñe, edä täju mmädä Wanaadi amoode’näjai ña Aawadán weichöje.

JUAN 5:21

Jaaja yä’ja’a’como tönaadonca, yeichöcoomo tunu’e. Mädääje mmaja Iiñedö tumjummadö wwäiñe tunu’e yeichöcoomo.

JUAN 5:25

Chäänönge yääje wä’döa äwwäiñe, chu’nädö aca wä’dönääje na eduuwa yä’ja’a’como nönga’como wwä etaatojo Wanaadi nnedö a’deddu. Ñanno etannamo’jödö wwäiñe töweiye na’de yeichöcoomo.

JUAN 6:63

Epíiditu Santo ñäädä weichojo u’nei; ajuunu mmaane wa’tätä’da na. Yää äwwäiñe töneecammajä’e wääneneedö, chäänöngato a’deu yää, Wanaadi jäcoono, weichojo a’deu mmaja.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOMAANO 3:29

Judhíocoomo Wanaadiyö mmajöönö ñäädä Wanaadi, judhíojöncomo Wanaadiyö mmajaane,

DOMAANO 4:18

Ñäädä Aawadán cöneecamjöi, täcaanö’emje’dato wa’cä yeichaame. Mädääje wannacoomo soto adaichöje töwö cönä’döi, Wanaadi necamma’jödö nönge dea: “Yää ’cäwa’cä adhaatödö naato’de;” quee yä’dö’jödö nönge dea.

DOMAANO 4:2

Töwö tönnödö que’da Wanaadi jadoonoje cönä’döi. Yääje tönnödö que mma Wanaadi jadoonoje ä’dö’jo mmaane töwö Aawadán o’jodhe chö’tajä’jai cönä’jaacä, Wanaadi owaadäädä’da yeichaame.

DOMAANO 8:11

Töwö Wanaadi Quidiito cönaadoncai yäämaajo jonno. Wanaadi nanontädö Epíiditu Santo ataacaiñe yeiya’jäcä töwö Wanaadi adheejöcoomo nadonca’dede Epíiditu Santo ataacaiñe naadö ai.

DOMAANO 9:11

Ñanno Deweeca nnacoomo ennu’dadooto Wanaadi yeicho’como cöneecammai, iiñödööcomo ’je’da dea yeichaame, aashichaato, conemjönö jeiñe mma. Edääje Wanaadi cönä’döaacä Deweeca wwä: “Yui ña’de tacoono anoonöje;” quee. Edääje mmaja aneetaja Wanaadi a’deddu imennaajä na’döa dea: “Jacoowo wijummane, Esaú mmaane wichiiñeme’ne;” quee. Mädääje na; mädääje tumjummadö woije mma Wanaadi tösootoije töweiyemö töna’dejja weneene, iiñödö jäcäinchädä’da.

DOMAANO 9:26

“Sootoijönö änwanno,” quee chäwwäiñe cönäätäcamma’dö dö’tä dea Wanaadi nudooto nnacoomoje nätä’täjaato’de; quee Osea nimennä’jödö nä’döa.

1 CODINTIYO 1:28

Töwö Wanaadi cönei chea edä nono de’wono täneejuquemjönö, chiiñeme’cajä mmaja, wacööjönö mmaja, ijoqque’da tödöödö wetä yaawä ñäädä edä nono de’wono täneejucaato.

1 CODINTIYO 15:45

Edääje Wanaadi a’deddu imennaajä nä’döa: “Ñäädä Adhán, awa’deenato dhanwa cönä’ja’dö, soto nudootoje cönä’döi;” quee nä’döa. Yä’cadööjato Adhán mmaane weichojo u’neije na, ñäädä Quidiito.

1 TIIMOTEO 6:13

Edääje wä’döa äwwä Wanaadi owaadäädä, ñäädä tämeedä yeichö wa’cä weichojo u’nei, Jesuuquidiito owaadäädä mmaja, ñäädä Ponsiyo Pidaato netaadöje töwääcammadaawä aashicha cönääcammajäätöichö.

EEWEDEO 11:12

Mädääje ñäädä Aawadán, äämajai täwä’dö’jödö weichaame, jooje dhatöödö cöneejamöicho, shidiichä naatoodö wa’cä, cashiishi töweiye naichodö wa’cä mmaja.

EEWEDEO 11:3

Ecamjödö que cowaanäcäiñe na töwa’deuwödö que mma edä nono tödö’jödö Wanaadi wwä. Töwäänemjönö que töwö cönnöi tameedä edä täneemöje naadö.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

1 PEEDHODO 2:10

Jenaadä Wanaadi sotoije’da mä’ja’quene; eduuwa mmaane shootoije maato. Jenaadä anejja wentumje adheenetäiñe’da cönä’jaacä; eduuwa mmaane Wanaadi wentumje adheeneaato.

2 PEEDHODO 3:8

Jimmä umjummadö, odhoowanääcäiñe tödöötäcä tooni anooto Cajiichaana wwä miide weduuto nönge yeichö; miide weduuto ’quene tooni anoototo nönge na chäwwä.