DOMAANO 4:11 - Wanaadi A'deddu

¹¹ Yää ’jejeene siicunsidaadoje wä’dönä cönäätäcammai chäwwä. Yää siicunsidaadoje wä’dönä cönä’jaacä ecamjödö que Wanaadi jadoonoje töweichö yääne’ju’jotoojoje mma. Yääje yeijäcä tameedä quedeiyentecoomo siicunsidaadojemjöncomo adaichöje mmaja Aawadán na dea, ñanno töneecamjödööcomo que Wanaadi jadoonoje yä’döja’como naatoodö.

DOMAANO 4:11 ပူးပေါင်းရင်းမြစ်များ

MATEO 16:16

Yaawä Simón Peedhodo cönä’döaacä: —Äwaanacaanei amäädä, Wanaadi nudooto nnedö; quee cönä’döaacä.

MATEO 8:11

Yääje wä’döa äwwäiñe, jooje soto ne’aato’de shii weja’catoojo dö’senno, shii womontojo dö’senno mmaja. Tönwanno Wanaadi jataacäi nääwashinchaato’de Aawadán jadä, Isaaca jadä mmaja, Jacoowo jadä mmaja.

DUUCA 19:9

Yaawä Jesuuquidiito cönä’döaacä chäwwä: —Eduuwa wääwanaacatoojo nä’döi edä maa taca, Aawadán atöödöje mmaja määdhä yeijäcä.

JUAN 3:33

Ñeecammajäätödö ecaanö’nei mmaane nene’ju’ja Wanaadi chäänöngatooje yeichö.

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

JUAN 6:35

Jesuuquidiito cönä’döaacä: —Öwö ñäädä weichojo uu. Ñäädä öwwadoodono we’ajä ämiije’da na’de; öwö yeecanö’nei emjätö’se’da na’dede.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

JUAN 6:47

Chäänönge yääje wä’döa äwwäiñe, öwö yeecanö’nei wwä töweiye na töwaatamemjönö yeichojo.

JUAN 8:33

Yaawä tönwanno cönä’döa’to: —Aawadán atöödöje ñaa; anejja anoonöje ei’cha. ¿Aaquene yääje mä’döaanä: “Ayu’caato’de tanontaamoje aweichöcoomo jonno;” quee?

DOMAANO 10:11

Edääje Wanaadi a’deddu imennaajä nä’döa: “Ñäädä ecaanö’nei ämjöichojo’da wa’de;” quee.

DOMAANO 10:4

Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.

DOMAANO 10:6

Edääje imennaajä nä’döa ecamjödö que daja Wanaadi jadoonoje wä’dönä jäcä: “Edääje chö’tajä’jai’cha ma: ¿Änääcö caju ña täjai ñai Quidiito enö’tä?

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

DOMAANO 3:30

tooni mmaane Wanaadi weiyajä. Ecamjödö jäcäinchädä töwö Wanaadi töjaadonooje nödööaato ñanno siicunsidaadoja’como, yääjemjöncomo mmaja.

DOMAANO 4:10

¿Aaquene töweichö Wanaadi jadoonoje Aawadán cönä’döjoi, siicunsidaadoje töweichö ’ja, siicunsidaadoje ä’dö’dadääne? Töwö Aawadán Wanaadi jadoonoje cönä’döjoi siicunsidaadoje ä’dö’dadä.

DOMAANO 9:30

¿Aaquene yaawä, quee ’ja? Ñanno judhíojöncomo Wanaadi jadoonoje töwä’dödööcomo anuuji’cha töwei’jocoomo weichaame cöneejodöicho. Tönwanno cöneejodöicho ecamjödö que.

DOMAANO 9:33

yää Wanaadi a’deddu imennaajä jäcä nätääcammaadö. Edääje yää imennaajä nä’döa: Siyon ña dhanwa wödööa, soto weju’co’to’me; täju soto emajjoneichomo töweiye naichöje mmaja na’dede. Ñäädä ecaanö’nei ämjöichojo’da wa’de; quee imennaajä nä’döa.

DOMAANO 9:6

¿Aaquene yaawä, quee ’ja? ¿Chäänönge’da ca cöneiyacä yää iisadaaediita wwäiñe Wanaadi necamma’jödö? Ng’jn, chäänönge’da’da yeichaame. Edääjeene na: Tameedä’da Iisadaaeeda atöödö iisadaaediita neeneje naato.

2 CODINTIYO 1:22

Töwö Wanaadi cömaadaca’ñätääne; cöwwäiñe cuntui Epíiditu Santo, yää cöwwäiñe töweiyemö utuudu waajäntädööje.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.

CAADATA 3:29

Quidiito sotoije aweijäcäiñe Aawadán atö’jödööje mmaja maato dea. Yääje yeijäcä äwwäiñe nä’tua’de aashichaato, Aawadán wwä Wanaadi cöneecammaichö dea.

CAADATA 3:7

Yääje yeijäcä odhoowanääcäiñe tödööjai maato ñanno Wanaadi ecaanö’nnamo Aawadán nnacoomoje yeichöcoomo.

CAADATA 5:5

Cönwanno quedeiyentecoomo mmaane ecamjödö que quiiyomo’cato aashicha cödöödöcoomo Epíiditu Santo wwä.

CAADATA 6:16

Täncanoode’da yeicho’como, wentumje Wanaadi wwä yääneto’como mmaja, yei’she wa tameedä edä waanontänä tödönnamo wwäiñe, tameedä Wanaadi sotoi ñeene wwäiñe mmaja.

EUJEESIYO 1:13

Yaawä äcuude änwanno mmaja chäänöngato wätunnä metaatäne dea, yää aashichaato wätunnä eduuwa äwääwanaacato’comooje naadö. Yää etaadö’jo Quidiito mecaanö’täne, chääjadoonoje mä’dötääne dea. Yaawä Wanaadi sotoije aweichöcoomo adheene’ju’to’comooje Epíiditu Santo que mä’madaaca’ñojootäne, ñäädä Wanaadi necamma’jödö.

EUJEESIYO 4:30

Wentumje mma Epíiditu Santo männöjootäi, ñäädä Wanaadi jonnoto we’ajä. Ñäädä Epíiditu Santo que mä’madaaca’ñojootäne Wanaadi sotoije aweichöcoomo adheene’ju’to’comooje, äwääwanaacadööcomo chäänönge yä’dödö wa’cä.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

2 PEEDHODO 1:1

Öwö, Simón Peedhodo, Jesuuquidiito anoonö, ñaanontädö mmaja, äwwadäädäiñe wimenna, änwanno ñaa necamjödö aashichaato nönge mmaja ecaanö’nnamo. Yää aneecamjödööcomo mejoodötääne aashicha Jesuuquidiito weichö woije, ñäädä Cäwaanacaaneichomo, Cöwaanadiiyöcoomo mmaja.

APOOCADIISI 9:4

Edääje cönaatanontojoicho: “Woi mänäu’täi’che, chuu adö mmaja, dee mmaja. Ñanno mmaane ijä’dutääcä’de, ijaawäiñe Wanaadi eetö que tömaadaca’ñäjöncomo mmaane;” quee cönaatanontojoicho.