DOMAANO 3:4 - Wanaadi A'deddu

⁴ Ng’jn, yääje’da yeichaame. Wanaadi chäänöngeedä na yeichöje, tameedä soto chäänönge’da yeichaameiñe. Edääje Wanaadi a’deddu imennaajä nä’döa: Adha’deddu jäcäinchädä chäänönge mätä’täja’de; chäänönge määneja’de äwäätämmencajoodawä; quee imennaajä nä’döa.

DOMAANO 3:4 ပူးပေါင်းရင်းမြစ်များ

MATEO 11:19

Yää ’jeje Soto nnedö cöneejä, öwö waadö. Öwö mmaane soto jadäiñe töwääwashinchä wääene, woocödö tönenque mmaja. Ämiijatooje daja ye’tätä määnetääne, töwä’dau’cwatooje mmaja. “Conemjöncomo wacöötö mä’dä, acu’shänä jödaatai i’jummannamo wacöötö mmaja;” quee töwä’döe määnetääne jääcä. Yääje yeichaame wätunnä ecaanö’nnamo chäänönge yeiya’comjäcä owaanäcä yaawä yää wätunnä chäänönge yeichö; quee cönä’döaacö Jesuuquidiito.

DUUCA 20:16

Töwö e’jai ña ñanno audaajä edai’chännamo töja’eiñe, anejjacoomo wwä audaajä edai’chojoodö wetä; quee cönä’döaacä Jesuuquidiito. Yää eta’jäcä töwwäiñe ñanno soto cönä’döa’to: —Mädääje Wanaadi ännö’daane yei’she; quee.

JUAN 3:33

Ñeecammajäätödö ecaanö’nei mmaane nene’ju’ja Wanaadi chäänöngatooje yeichö.

DOMAANO 11:1

¿Yääje yeiya’jäcä ca Wanaadi iisadaaediitacoomo cöneetömaicho? Ng’jn, aneetöma’daane. Öwö waadö naane’, iisadaaediita, Aawadán atöödö, Wemjamín weichö.

DOMAANO 11:11

¿Töweichöcoomoodäje ca judhío cöneeju’cätoicho, yääje yeiya’jäcä? Ng’jn, yääje’da na. Yää chäänönge’da iisadaaediita wei’jocoomo judhíojöncomo wääwanaacato’como cöneejodööjoi, ñanno iisadaaediitacoomo cone’da yä’döjoodöcoomo wetä, judhíojöncomo wei’yejeiñe mmaja tödö’se yeichöcoomo wetä yaawä.

DOMAANO 3:31

¿Yääje yeiya’jäcä ca ecamjödö jäcäinchädä jenaado’jä waanontänä quiichiiñeme’cato? Ng’jn, chiiñemeecödööjönö yeichaame, chäänönge mma tödöödö ecammadö mädä.

DOMAANO 6:15

Cönwanno jenaado’jä waanontänä nanontädööcomooje’da caato eduuwa, Wanaadi nutuudu aashichaato woijeene. ¿Conemjönö tödöödöje dea ca eijai caato, yääje yeiya’jäcä? Ng’jn, yääje’daane.

DOMAANO 6:2

Ng’jn, mädääje’daane. Cönwanno conemjönö tödöödö jäcä yäämaajä nönge caato. Yääje yeijäcä ¿aaquene mmaja conemjönö tödöödöje dea queichädö deaade’ ?

DOMAANO 7:13

¿Aaquene aashicha Wanaadi waanontädö yeichaame adheemane dea, quee ’ja? Ng’jn, waanontänääjönööne yeemane, conemjönö tödöödööne. Mädääje conemjönö cönääne’ju’joi öwwä. Yää conemjönö aashichaato que yeemane. Mädääje yää waanontänä conemjönö cöneenejoi yaawä öwwä conemjönööje yeichö.

DOMAANO 7:7

¿Aaquene ä’döjai caato yääje yeiya’jäcä? ¿Conemjönö yää waanontänä, quee ’ja? Ng’jn, conemjönööjönööne. Waanontänä ’je’da ei’jo yoowanääcä’da conemjönö eichö. Anejja nödöödö i’ñeimmadö conemjönööje yeichö yoowanääcä’da eichö yääje waanontänä ä’dö’da ei’jo: “Anejja nödöödö mani’ñeimmai;” quee ä’dö’da ei’jo.

DOMAANO 9:14

¿Aaquene yaawä ä’döjai caato? ¿Chäänönge’da Wanaadi ña, quee ’ja? Ng’jn, yääje’daane.

1 CODINTIYO 6:15

¿Odhoowanääcäiñe’da ca’ nai adheejöcoomo Jesuuquidiito ejö jäcoonoje yeichö? Yääje yeiya’jäcä ¿aashicha eijai ñai masuudui ejö jadä Jesuuquidiito ejö ejoodöjoodö? Ng’jn, aashicha’daane.

2 CODINTIYO 1:18

Wanaadi dhowaanäcä na äwwäiñe ñaa wa’deuwödö aacääne’da yeichö; “ee” queeto de’wä “ng’jn” ca’da ñaa.

CAADATA 2:17

Ñaa judhíocoomo Quidiito jäcäinchädä Wanaadi jadoonoje ñaa wä’döjoodawä conemjönö dönnamooje töweichö ñaa cönääcammai, judhíojöncomo naatoodöje mmaja. Yääje yeijäcä, ¿Quidiito ca conemjönö döjooneije nai ñaa wwä? Ng’jn, yääje’da yeichaame.

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.

CAADATA 6:14

Öwö mmaane anejja jäcäinchädä o’jodhe tö’tajäätö’se’da wa; cuduusa jäcä Cädhaajotoncomo Jesuuquidiito wääma’jödö jäcäinchädä mmaane yääje chö’tajä’jai wa. Cuduusa jäcä Quidiito wääma’jödö weijäcä edä nono de’wono yäämaajä nönge cönä’döi öwwä; öwö mmaja yäämaajä nönge wa dea edä nono de’wono tödöödö jäcä.

1 TIIMOTEO 3:16

Chäänöngato mädä adai’jä cöneecamjödööcomo weichö, yää owaanojöönö’jödö, edääje yeichö: Wanaadi sotooje cönäänejoi; Epíiditu Santo chäänönge yeichö cöneenejoi; amoode cöneenea’to. Tameedä soto wwäiñe töwö cönäätäcammai chea; tameedä yeichö wa’cä cönäätäcamjöi yaawä; caju ña cönaatadoojoi chea.

TIITO 1:2

töwaatamemjönö weichojo chäwwäiñe töweiye yeichö wetä yaawä. Edä nono woojodö’jödö owaajodä töwö Wanaadi cöneecammai yää töwaatamemjönö weichojo; ätäncu’täjöönö ñäädä Wanaadi.

EEWEDEO 6:18

Mädääje na; aacä enwacaamajaichojöönö töweiye na, yää Wanaadi necamma’jödö, töjoi yääcamma’jödö mmaja. Yääje töwääcamma’jödö weijäcä Wanaadi ätäncu’täjai’cha na. Yääje yeijäcä cönwanno, Wanaadi wwä yoowontäja’como, yää jäcä ä’wadi’ñäjai caato, chäänönge ecaanö’jai caato dea cöwo’womoocödööcomo, yää cöwwäiñe u’ajä naadö.

1 JUAN 5:10

Ñäädä Wanaadi nnedö ecaanö’nei yääje mmaja nichö’tajä’a dea. Ñäädä Wanaadi aneecanö’jönö mmaane Wanaadi töwä’dunaatoje ne’ta, Tönnedö jäcä Wanaadi necamma’jödö aneecamjö’da töweichö que.

1 JUAN 5:20

Cowaanäcäiñe na Wanaadi nnedö weejö’jödö. Töwö cösejje’tätääne Wanaadi chäänöngato jadoonoje cöweichöcoomo wetä. Cönwanno caato ñäädä Wanaadi chäänöngato jadoonoje, Iiñedö Jesuuquidiito jadä cöweijäcäiñe. Ñäädä ñäädä Wanaadi chäänöngato, weiñä töwaatamemjönö edhaajä.

APOOCADIISI 3:7

Edääje mmaja ñäädä soto nnedö nöngato cönä’döa’dea öwwä: —Edääje imennäcä’de amoode wwadäädä, ñäädä Jiidadeujiya ñancomo quedeiyente edai’chäneichomo wwadäädä: “Edääje nä’döa ñäädä aashichaato, chäänöngato, Dawí jataadö yaawi’chädö edhaajä. Töwö ñaaducaadö anejja a’dujai’cha na; töwö ña’dudu anejja a’ducaajai’cha mmaja.