DOMAANO 3:31 - Wanaadi A'deddu

³¹ ¿Yääje yeiya’jäcä ca ecamjödö jäcäinchädä jenaado’jä waanontänä quiichiiñeme’cato? Ng’jn, chiiñemeecödööjönö yeichaame, chäänönge mma tödöödö ecammadö mädä.

DOMAANO 3:31 ပူးပေါင်းရင်းမြစ်များ

MATEO 15:6

Mädääje soto wä’döa’jäcä yuumö ani’wa’täjo’da maato yaawä chäwwä, yeenö ani’wa’täjo’da mmaja. Mädääje ema’jödööje Wanaadi waanontädö mödööato, äwäätunnäichomo mma tödöödö wetä.

MATEO 3:15

Jesuuquidiito cönä’döaacä chäwwä: —Öwö umjummadö woije tödööcä; tameedä Wanaadi waanontädö tödööemje na cöwwäiñe; quee cönä’döaacä Jesuuquidiito. Yaawä Juan wautisaaje cönnöi.

MATEO 5:17

“Waanontänä e’nomjajo we’aatäi maneecanö’täi’che, Wanaadi wa’deuwödö ecammannamo a’deddu e’nomjajo jeiñe mma. E’nomjajo’daane we’ne, chäänönge tödöödö wetääne.

MATEO 5:20

Edääje wä’döa äwwäiñe, judhío owaanomannamo e’jodheiñe jeene’da aweiya’comjäcä, aashicha aweichöcoomo, jaadiseeo e’jodheiñe’da aweiya’comjäcä mmaja, Wanaadi sotoije eijai’cha maato.

DUUCA 20:16

Töwö e’jai ña ñanno audaajä edai’chännamo töja’eiñe, anejjacoomo wwä audaajä edai’chojoodö wetä; quee cönä’döaacä Jesuuquidiito. Yää eta’jäcä töwwäiñe ñanno soto cönä’döa’to: —Mädääje Wanaadi ännö’daane yei’she; quee.

DOMAANO 10:4

Quidiito cönaacoichajoi yää jenaado’jä waanontänä; yääje yeijäcä tameedä Quidiito ecaanö’nei Wanaadi töjaadonooje nödööa.

DOMAANO 2:20

Towaanojo’nemjöncomo owaanomaadö odhoowanääcä mmaja äwääcamjödö na dea, aneene’ju’jöncomo owaanomaadö mmaja, towaanojo’ne aweijäcä, tameedä weiñä odhoowanääcä yeijäcä mmaja, waanontänä jäcä owoowanoomaatö’da.

DOMAANO 3:4

Ng’jn, yääje’da yeichaame. Wanaadi chäänöngeedä na yeichöje, tameedä soto chäänönge’da yeichaameiñe. Edääje Wanaadi a’deddu imennaajä nä’döa: Adha’deddu jäcäinchädä chäänönge mätä’täja’de; chäänönge määneja’de äwäätämmencajoodawä; quee imennaajä nä’döa.

DOMAANO 3:6

Ng’jn, chäänönge’da’da yeichaame. Chäänönge’da Wanaadi weiya’jäcä soto emmencaneichomooje eijai’cha na yaawä.

DOMAANO 4:14

Ñanno jenaado’jä waanontänä woija’como wwonooje mma Wanaadi necamma’jödö weiya’jäcä, ecamjödö töwäädämma eichö, Wanaadi necamma’jödö täje’da mmaja.

DOMAANO 7:22

Öwö tö’tajäätödö jaiñoone Wanaadi waanontädö waacö’je na;

DOMAANO 7:25

Wanaadi mma yeewanaacajai ña, Cädhaajotoncomo Jesuuquidiito ai. Yääje yeijäcä aashicha wa’deutojooje töwö Wanaadi ña. Mädääje na; tö’tajäätödö que Wanaadi waanontädö woije wäänene, juunu mmaane conemjönö anoonöje weneene.

DOMAANO 8:4

Töwö mädääje cönnöi waanontänä wä’dödö tödööjai cöweichöcoomo wetä. Cujuunucoomo woije’da caato eduuwa, Epíiditu Santo woijeene.

1 CODINTIYO 9:21

Ñanno Moisé nimennä’jödö waanontänä woijemjöncomo jadä weichö mmaane ñöngeiñe daja wäänene dea, tönwanno mmaja Quidiito sotoije chaana’cadööcomo wetä, Wanaadi waanontädö woije’da’da weichaame mmaja öwö, Quidiito waanontädö woije weichaame.

CAADATA 2:19

Öwö yäämaajä nönge wa eduuwa jenaado’jä waanontänä necammadö tödöödö jäcä; yää tödööjai’cha wa eduuwa. Yää jenaado’jä waanontänä dea mädääje yöödöne, Wanaadi woije weichö wetä eduuwa.

CAADATA 2:21

Aashicha Wanaadi weichö töwäädämmatooje tödö’se’da wa. Jenaado’jä waanontänä tödöödö que wääwanaacanä yeiya’jäcä töwäädämma Quidiito wääma’jödö eichö.