DOMAANO 3:30 - Wanaadi A'deddu

³⁰ tooni mmaane Wanaadi weiyajä. Ecamjödö jäcäinchädä töwö Wanaadi töjaadonooje nödööaato ñanno siicunsidaadoja’como, yääjemjöncomo mmaja.

DOMAANO 3:30 ပူးပေါင်းရင်းမြစ်များ

DOMAANO 2:26

Yääje mmaja ñäädä siicunsidaadojemjönö; waanontänä chäwwä tödööa’jäcä, siicunsidaadojaato wa’cä yaawä töwö, siicunsidaadoje’da yeichaame.

DOMAANO 2:27

Ñäädä tujuunu jäcä siicunsidaadoje’da töweichaame waanontänä tödöönei adheene’ju’ja waanontänä ännö’da aweichö, yää waanontänä imennaajä äwwä yeichaame, ajuunu jäcä siicunsidaadoje aweichaame mmaja.

DOMAANO 3:22

Jesuuquidiito ecamjödö jäcäinchädä Wanaadi töjaadonooje soto nödööaato, tameedä ecaanö’nnamo. Anejjeja anejja soto weichojo ’je’da na.

DOMAANO 3:28

Mädääje na; ecamjödö que Wanaadi jadoonoje cä’döjaato, jenaado’jä waanontänä woije tödöödö que’daane.

DOMAANO 4:16

Yääje yeijäcä yää Wanaadi necamma’jödö cönäätäcammai ecamjödö jäcäinchädä, täje’da yä’tudu wetä yaawä, tameedä Aawadán atö’jödö wwoncomoojeene yeichö wetä mmaja. Jenaado’jä waanontänä woija’como wwonooje mma’da yää Wanaadi necamma’jödö, Aawadán necamjö’jödö nönge ecaanö’nnamo wwonooje mmajaane. Yääje yeijäcä ñäädä Aawadán tameedä cadai’choncomooje na,

DOMAANO 4:9

Siicunsidaadoja’como mmajöönö ta’cwaiñe töweiyaamoje naato; ñanno yääjemjöncomo mmaja ta’cwaiñe töweiyaamoje naato dea. ¿Yääjönca wä’döaanä: Aawadán necamjödö jäcäinchädä Wanaadi töjaadonooje cönnöi; quee?

CAADATA 3:20

Ñäädä anejja a’deddu ecammanei töweiye nai aacä yeichöcoomo antawä; Wanaadi mmaane tooni ña.

CAADATA 3:28

Quidiito jadä weiñä töweiye nai judhíoje’da, quidiiyeecoje’da mmaja, tädhaajäque weiñä ’je’da mmaja, töwö daja weiñä ’je’da mmaja; wodiije weiñä a’que mmaja, dhanwaaje weiñä a’que mmaja. Jesuuquidiito jadä äwä’dödööcomo que tameedä änwanno äänöngeiñe maato.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

CAADATA 5:6

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; ecamjödö mmaane täje na, yää wä’jummanä que towäänejo weneenedö.

CAADATA 6:15

Jesuuquidiito jadä weiñawä siicunsidaadoje weiñä täje’da na, yääje’da weiñä täje’da mmaja; eduuwaatoje cöweichöcoomo tödööajä mmaane täje na.

JIDIIPENSE 3:3

Cönwannoone ñanno siicunsidaadoje tödööajä chäänönga’como, Epíiditu Santo ai Wanaadi jummannamo mmaja. Cönwanno ta’cwaiñe caato Jesuuquidiito jäcäinchädä; cujuunucoomo weichö mmaane ecaanö’jai’cha caato.

1 TIIMOTEO 2:5

Tooni mma Wanaadi ña, tooni mma mmaja soto jäcäinchädäiñe Wanaadi wwä töwa’deuwemö, ñäädä Jesuuquidiito, soto nnedö.