DOMAANO 3:28 - Wanaadi A'deddu

²⁸ Mädääje na; ecamjödö que Wanaadi jadoonoje cä’döjaato, jenaado’jä waanontänä woije tödöödö que’daane.

DOMAANO 3:28 ပူးပေါင်းရင်းမြစ်များ

JUAN 5:24

“Chäänönge yääje wä’döa äwwäiñe, ñäädä ya’deddu etaanei, yaanontänei’jödö ecaanö’nei, ñäädä wwä töweiye na yeichö töwaatamemjönö. Ñäädä töwännanö’emööje’da na; töwö töwäämamjönööje töwä’döe yaawä töwäämaamöje töweichö jonno.

JUAN 6:40

Ñäädä Iiñedö eneenei, ecaanö’nei mmaja, yeichö töwaatamemjönö töweiye na, yaanontänei’jödö woije dea; öwö wadonca’de yaawä anooto wataamedaawä; quee cönä’döaacä Jesuuquidiito.

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

DOMAANO 4:5

Yääje’daane Wanaadi jadoonoje wä’dönä. Ñäädä aashichaato ännö’da töweichaame Wanaadi ecaanö’nei, yää ñeecamjödö jäcäinchädä Wanaadi töjaadonooje nödööa. Wanaadi töjaadonooje tönnöe ñäädä conemjönö tödöönei.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 8:3

Yääje cödööjaiñe’da cönä’jaacä waanontänä, yää Moisé nimennä’jödö, cujuunucoomo nijummadö tämu’däneije yeijäcä. Wanaadi mmaane yääje cödöötäne Tönnedö anontädö que. Töwö Tönnedö cönaanontäi sadä. Ñäädä Iiñedö cönä’jaacä sotooje, cönwanno cönöngeiñe, conemjönö tödööjaicho mmaja. Töwö saaquidiijiisiyooje cönäämai yaawä, conemjönö coccatoojoje. Mädääje Wanaadi conemjönö cöne’jodheinchai Jesuuquidiito ai, ñäädä sotooje cönä’ja’dö ai.

1 CODINTIYO 6:11

Mädääje mä’ja’quene änwanno dhantai, töwäädä adheecoccajootäneene’. Eduuwa Wanaadi wwonooje tösooma maato; Epíiditu Santo ai töwö Wanaadi töjaadonooje ayöödötääne Cajiichaana Jesuuquidiito joi.

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 3:24

Yää jenaado’jä waanontänä cönä’jaacä cä’se’täneichomooje, mude’cä’cä edai’chänei töweiye naichöje. Yää cä’se’tätääne Quidiito weejödö wa’cä, Wanaadi jadoncomooje cöwä’dödööcomo wetä yaawä Quidiito ecaanö’a’jäcä cöwwäiñe.

CAADATA 3:8

Jenaadä Wanaadi a’deddu imennaajä jäcä cönäätäcammai töjaadonooje judhíojöncomo tödööto’como Wanaadi wwä, ñeecamjödööcomo jäcäinchädä. Edääje aashichaato wätunnä cönäätäcammai Aawadán wwä: “Äjääcäinchädä aashichaato wödööa’de tameedä soto jäcäiñe;” quee.

EUJEESIYO 2:9

Tödöödö jäcäinchädä’da wääwanaacanä töweiye nai; yääje yeijäcä anejja o’jodhe chö’tajä’jai’cha na mädä jäcä.

JIDIIPENSE 3:9

chääjadä weiye yaawä, aashicha weichö jenaado’jä waanontänä jäcäinchädooto que’da, Quidiito ecamjödö jäcäinchädooto queene. Yää aashicha weiñä Wanaadi tunu’e tameedä täcaanö’nei wwä.

TIITO 3:7

Aashicha töweichö woije Wanaadi töjaadonooje cödöötäne, töwaatamemjönö cöweicho’como cöwwäiñe yeichö wetä, yää quiiyomo’catoodö.

SANTIYAACO 2:18

Edääje anejja wä’döa’jäcä öwwä: “Amäädä aneecamjödö töweiye na; öwö ’quene aashichaato tönnöe;” quee yä’döa’jäcä, edääje eccujä’jai wa yaawä: “Aaquene töneecanö’e aweichö määnejoodöde’, töödödö ’je’da yeiya’jäcä?” quee. Öwö mmaane neecamjödö eneejojai wa önnödö que.

SANTIYAACO 2:20

Chö’tamme’cä’ma amäädä chö’tajä’jönö; tödöödö jadä’da aneecamjödö yeiya’jäcä, ¿tödööto’jönö jönca yää yääjato ecamjödö?

SANTIYAACO 2:24

Mädääje na; eduuwa odhoowanääcäiñe na soto Wanaadi jadoonoje töwä’döjo yeichö tönnödö que, ecamjödö que mma’daane.