DOMAANO 3:27 - Wanaadi A'deddu

²⁷ Yääje yeijäcä o’jodhe chö’tajä’jai’cha caato eduuwa. ¿Ane’que’nei, quee ’ja? Waanontänä tödöödö que’da wääwanaacanä yeijäcä, ecamjödö que mmaane.

DOMAANO 3:27 ပူးပေါင်းရင်းမြစ်များ

MAADOCO 16:16

Ñäädä ecaanö’nei, wautisaaje yä’dödö, nääwanaaca’de. Aneecanö’jönö mmaane nännanö’a’de.

JUAN 3:36

Ñäädä Iiñedö ecaanö’nei, yeichö töwaatamemjönö töweiye na. Ñäädä Iiñedö ecamjö’semjönö ’quene, töweichö aneene’da na’de; Wanaadi wwä töwäätä’maminchajoomöje mma na.

DOMAANO 10:5

Edääje Moisé cömmennäi waanontänä tödöödö que Wanaadi jadoonoje wä’dönä jäcä: “Ñäädä waanontänä tödöönei yää tödöödö jäcäinchädä töweichö neneea’de;” quee Moisé cömmennäi.

DOMAANO 11:6

Aashicha Wanaadi weichö jäcäinchädä mädääje na, tödöödö jäcäinchädä’da. Tödöödö jäcäinchädä ei’jo mmaane aashicha Wanaadi weichö woijatooje ätä’täjai’cha eichö.

DOMAANO 2:17

Amäädä judhíojaato wätä’tädö; waanontänä Moisé nimennä’jödö mecaanö’a, Awaanadiiyö jäcäinchädä o’jodhe ätö’tajä’a dea.

DOMAANO 2:23

Jenaadö’jä waanontänä imennaajä äwwä yeijäcä o’jodhe tötö’tajä’e määnene; yääje yeichaame yää waanontänä woije ännö’da aweijäcä cone’da soto töna’deudeme’jo määnene Wanaadi jäcä.

DOMAANO 3:19

Cönwanno cowaanäcäiñe na tameedä waanontänä imennaajä wä’dödö naadö waanontänä imennaajä woija’como wwonooje yeichö, ya’deuto’como ’je’da yeichö wetä. Yääje yeijäcä tameedä edä nono de’woncomo Wanaadi wwä tämmencaamoje naato.

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

DOMAANO 4:2

Töwö tönnödö que’da Wanaadi jadoonoje cönä’döi. Yääje tönnödö que mma Wanaadi jadoonoje ä’dö’jo mmaane töwö Aawadán o’jodhe chö’tajä’jai cönä’jaacä, Wanaadi owaadäädä’da yeichaame.

DOMAANO 7:21

Mädääje na; aashichaato tödö’se weichäimma conemjönö ’je weichö mma töwäädantä wäänene.

DOMAANO 7:23

juunu nijummadö mmaane anejjeja na, tö’tajäätödö acä töwä’tu’de’tä weneene, conemjönö que ye’jodheinchatä weneene, yää do’taca naadö que.

DOMAANO 7:25

Wanaadi mma yeewanaacajai ña, Cädhaajotoncomo Jesuuquidiito ai. Yääje yeijäcä aashicha wa’deutojooje töwö Wanaadi ña. Mädääje na; tö’tajäätödö que Wanaadi waanontädö woije wäänene, juunu mmaane conemjönö anoonöje weneene.

DOMAANO 8:2

Töwö Epíiditu Santo Jesuuquidiito jadä cöwä’dödööcomo que cöweicho’como cuntui; töwö töjäädudu que yu’cane conemjönö jäduudu jonno, wäämanä jonno mmaja.

DOMAANO 9:11

Ñanno Deweeca nnacoomo ennu’dadooto Wanaadi yeicho’como cöneecammai, iiñödööcomo ’je’da dea yeichaame, aashichaato, conemjönö jeiñe mma. Edääje Wanaadi cönä’döaacä Deweeca wwä: “Yui ña’de tacoono anoonöje;” quee. Edääje mmaja aneetaja Wanaadi a’deddu imennaajä na’döa dea: “Jacoowo wijummane, Esaú mmaane wichiiñeme’ne;” quee. Mädääje na; mädääje tumjummadö woije mma Wanaadi tösootoije töweiyemö töna’dejja weneene, iiñödö jäcäinchädä’da.

DOMAANO 9:31

Iisadaaediitacoomo mmaane waanontänä tödöödö que daja Wanaadi jadoonoje töwä’dödööcomo cunuujiya’todö’je, aneejodö’daane cöneiya’to.

DOMAANO 9:32

¿Ane’que’nei, quee ’ja? Ecamjödö que’da uji’jödö weijäcä chäwwäiñe; tödöödö que mma yää cunuujiya’to. Tönwanno cöneeju’cätoicho yää täju soto weju’co’to’como jona,

1 CODINTIYO 4:7

¿Änääcö anejja e’jodhe ayöödöaanä? ¿Ane’cäämö äwwä nai Wanaadi nutuudujöönö? ¿Ane’que’nei Wanaadi nutuuduje yeichaame o’jodhe ätö’tajä’anä owoije aneejodöödö yeichawooto wa’cä?

CAADATA 2:16

Yääje yeichaame cowaanäcäiñe na Wanaadi jadoonoje soto ä’döjai’cha yeichö jenaado’jä waanontänä Moisé nimennä’jödö tödöödö que, Jesuuquidiito ecamjödö que mmaane. Yääje yeijäcä ñaa, judhíocoomo mmaja Jesuuquidiito ñaa cöneecamjöi Wanaadi jadoonoje töwä’dödö wetä yaawä yää ecamjödö que, jenaado’jä waanontänä tödöödö que’daane. Anejja Wanaadi jadoonoje ä’döjai’cha na jenaado’jä waanontänä tödöödö que.

CAADATA 3:22

Wanaadi a’deddu imennaajä necamma tameedä soto jedeeso nönge yeichöcoomo töcoone’nadiiyöcoomo awä. Yääje yeijäcä Jesuuquidiito ecamjödö queene Wanaadi necamma’jödö aashichaato nä’tua ecaanö’nnamo wwäiñe.