DOMAANO 3:25 - Wanaadi A'deddu

²⁵ Wanaadi Quidiito cönnöi saaquidiijiisiyooje. Dhaquiiyö cönnöi conemjönö choccatoojoje, yää ecamjödö que tojoodöeemöje naadö. Yää Wanaadi cönnöi chäänönge töweichö ene’ju’to’me. Jenaadä mmaane tumjunne töweichö woije Wanaadi tönshinchä cönä’jaacä soto cöne’nadiiyöcoomo.

DOMAANO 3:25 ပူးပေါင်းရင်းမြစ်များ

JUAN 6:47

Chäänönge yääje wä’döa äwwäiñe, öwö yeecanö’nei wwä töweiye na töwaatamemjönö yeichojo.

DOSECHO 14:16

Jenaadä töwö Wanaadi tameedä soto imjummadööcomo woije tönnöeiñe cönä’ja’to.

DOSECHO 15:18

que nä’döa Cajiichaana, ñäädä jenaadä mädä cöneecadeeme’joichö; quee cömmennoicho Wanaadi wa’deuwödö ecammannamo.

DOSECHO 17:30

Jenaadä töshinchääne Wanaadi tönshinchä cönä’jaacä towaanojo’ne’da soto weichöcoomo. Eduuwa mmaane töwö nanonta tameedä soto weichöcoomo wa’cä tötö’tajäätödööcomo sha’duminchadö jäcä.

DOSECHO 2:23

Yääje yeichaame äwwäiñe yä’tua’jäcä änwanno majäichäne; cuduusa jäcä ajoijodö que memaajotääne yaawä conemjöncomo wwä. Tameedä yää cönä’jaacä jenaadä Wanaadi nichö’tammecö’jödö woije, imjummadö woije mmaja.

DOSECHO 3:18

Mädä ännö’jocoomo que chäänönge cönä’döi jenaadä Wanaadi necamma’jödö, yää töwa’deuwödö ecammannamo wwa cöneecammajoi. Edääje töwö cöneecammajoi chäwwäiñe: “Äwaanacaanei töwäntunaanö’emööje na;” quee.

DOSECHO 4:28

Mädääje tönwanno cönnöicho tameedä jenaadä äntö’tammecöödö woije töweeja’dä’emööje cönä’ja’dö.

DOMAANO 2:4

¿Aashicha Wanaadi weichö ca michiiñeme’canä’, ocoone’nadiiyö tönshinchä yeichö mmaja? ¿Mädä tönshinchä yeichö ätö’tajäätödö sha’duminchatoojoje yeichö äntö’tammecö’da ca manä?

DOMAANO 3:26

Eduuwaane töwö Wanaadi neneeja chäänönge töweichö, Jesuuquidiito ecaanö’nei töjaadonooje tönnöe töweichö mmaja.

DOMAANO 5:1

Yääje yeijäcä, ecamjödö jäcäinchädä Wanaadi jadoonoje cöweichomjäcä, äätu’dedööje’da caato eduuwa Wanaadi jadä, Cädhaajotoncomo Jesuuquidiito woije.

DOMAANO 5:11

Cönwanno Wanaadi jäcä ta’cwaiñe caato Cädhaajotoncomo Jesuuquidiito jäcäinchädä, töwö Quidiito jäcäinchädä Wanaadi jadä ääweichacoonoje cöwä’dö’jocoomo weijäcä.

DOMAANO 5:18

Mädääje na; Adhán cone’nadiiyö woijatooje tameedä soto töwännanö’aamoje cönä’döicho. Jesuuquidiito nödöödö aashichaato jäcäinchädä daja ’quene tameedä soto Wanaadi jadoonoje ä’döjai ñaato eduuwa.

DOMAANO 5:9

Eduuwa Quidiito wääma’jödö jäcäinchädä Wanaadi jadoonoje caato. Töwaacö’je mma eduuwa Wanaadi aashichaato tödööjai ña cöjääcäiñe; töwö cäwaanacaato’de yää wätä’maminchajootojo anootoi’chädö jonno.

1 CODINTIYO 5:7

Yää conemjönö ocoone’maato, jenaado’jä ummannä’cajootojo äwanshi töncone’ma töweiye naichöje mmaja. Yääje yeijäcä emaatäcä, yää ’je’daane meichäiye. Yaawä uu ummannä’cajootojo ’jemjönö töweiye naichöje eijai maato, yää Weja’dätä’jä anootoi’chädö äwä eduuwaato tödööajä täu’cwemööje weneenedö. Quidiito saaquidiijiisiyooje cönäämai cöjääcäinchädäiñe. Töwö yäämatoojo cu’tädööje Weja’dätä’jä anootoi’chädö awä oweeja nnedö’cä tönaamiiñä’ca cönä’ja’to.

2 CODINTIYO 5:21

Quidiito conemjönö ännö’da cöneiyacä; yääje yeichaame cöjääcäinchädäiñe Wanaadi Jesuuquidiito cönnöi conemjönö nönge, töwö Quidiito jadä cöwä’dödööcomo que Wanaadi weichö aashichaato cöwwäiñe töweiye yeichö wetä yaawä.

EUJEESIYO 1:7

Aashicha Wanaadi weichö woije Iiñedö cäwaanacaatäne töwäämadö que, cöcoone’nadiiyöcoomo encwanno’jodö’jo.

EUJEESIYO 2:13

Eduuwa mmaane Quidiito jadä äwä’dödööcomo que änwanno amoincha’como’jödö amoinche’da maato, Quidiito wääma’jödö jäcäinchädä.

1 TIIMOTEO 1:15

Chäänöngato edä wecammaadö, täcaanö’emje mmaja: Jesuuquidiito cöneejä edä nono de’cäi conemjöncomo ewaanacaiñe, öwö waadö, tameedä cho’jodha’como’cä jaiñoone.

EEWEDEO 10:4

conemjönö choccajai yeichöjöönö jaaca aquiiyö, chiiwo aquiiyö mmaja.

EEWEDEO 11:14

Mädääja’como wä’dödö nääne’ju’jaato töjaatadööcomo neene tönencano’tä töweichöcoomo.

EEWEDEO 11:17

Ecamjödö que mmaja Aawadán, Wanaadi wwä toneejadaawä, tönnedö Isaaca cunu’acä saaquidiijiisiyooje. Töwö Aawadán tönnedö tooniyaano cunu’acä edääje Wanaadi wä’dö’jödö weichaame chääjäcä:

EEWEDEO 11:7

Ecamjödö que mmaja Noé aashicha cöneetai Wanaadi necamma’jödö äcuude töweeja’dä’emö jäcä; töwö cönnöi jidaawa töwä’jimmä’tädö ewaanacaato’comooje. Yää töneecamjödö que chäänönge’da ñanno soto weichöcoomo cöneenejoi. Töneecamjödö jäcäinchädä Wanaadi jadoonoje cönä’döjoi, yää ecamjödö aiño tojoodöeemö.

EEWEDEO 9:28

Yääje mmaja Quidiito, tooniye saaquidiijiisiyooje cönä’tui jooja’como soto cone’nadiiyöcoomo choccatoojoje. Äcuude töwö ne’a’dede sadä, conemjönö choccaneije’da yaawä, töwoomo’nenaamo ewaanacäiñeene.

EEWEDEO 9:5

Yää jatuuwa de’wä cönä’jaacä queeduwiine cu’ta’como, ñanno Wanaadi amoodedö, Wanaadi yäätä yeichö cu’tädööje. Ñanno chu’ta’como tajäi’saichomo que jatuuwa a’dutu cönnejonta’to, yää conemjönö choccajootojo saaquidiijiisiyo dötoojo. Mädä jäcä sö’je jeene a’deujai’cha caato eduuwa.

1 JUAN 1:10

Conemjönö ännö’da cöwäätä’ta’comjäcä, töwä’dunaatoje Wanaadi que’taato; dha’deddu ’je’da caato yaawä.

1 JUAN 2:2

Töwö Jesuuquidiito na saaquidiijiisiyooje, cöcoone’nadiiyöcoomo choccatoojoje; cönwanno cöcoone’nadiiyöcoomo choccatoojo mmajöönö, tameedä edä nono de’woncomo cone’nadiiyöcoomo mmajaane.

1 JUAN 4:10

Edä yää wä’jummanä neene jaiñoone, cöwwäiñe Wanaadi jummadööjönööne, töwö chäwwä cujummadööcomoone. Töwö Wanaadi Tönnedö cönaanontäi saaquidiijiisiyooje töwä’tueemöje, cöcoone’nadiiyöcoomo choccatoojoje.

APOOCADIISI 1:5

Jesuuquidiito nutuudu mmaja, ñäädä ecammajä’nei chäänöngato, awa’deenato töwäämaajo jonno weja’caajä, ñäädä edä nono de’woncomo cajiichaanacoomo Edhaajotoncomo. Töwö Jesuuquidiito cujummaneichomo, cöcoone’nadiiyöcoomo jonno cöcoccatääne taquiiyö que.

APOOCADIISI 13:8

Tameedä nono de’woncomo ñäädä odoocojaato cönwa’deme’ca’to, tameedä ñanno edä nono tödö’jödö jonnoto’jödöödä weichojo jajeedai’chädö jäcä chäätöcoomo ’je’da naadö. Yää weichojo jajeedai’chädö edhaajäje na ñäädä Oweeja nnedö’cä, cönäätämaajoichö.

APOOCADIISI 20:15

Tameedä ñanno weichojo jajeedai’chädö jäcä chäätö imennaajä ’jemjöncomo cönäätämaajoicho jiyooto comootödö ña.

APOOCADIISI 5:9

Edääje cöneecanta’ña’to; eduuwaato wecanta’ñotoojo jäcä: Ñäädä mma amäädä aashichaato, jajeeda eijaicho, ajoijo’jödö ajämjacaajaicho mmaja. Mädä tödööjai ma äwääma’jödö weijäcä, adhaaquiyö que Wanaadi sotoije ñaa ejeema’jödö weijäcä mmaja, tameedä soto weichöcoomo wa’cä, tameedä aata’deucwemjöncomo’jödö, tameedä jata weichö waadoinchomo’jödö, tameedä nono weichö de’woncomo’jödö.