DOMAANO 3:19 - Wanaadi A'deddu

¹⁹ Cönwanno cowaanäcäiñe na tameedä waanontänä imennaajä wä’dödö naadö waanontänä imennaajä woija’como wwonooje yeichö, ya’deuto’como ’je’da yeichö wetä. Yääje yeijäcä tameedä edä nono de’woncomo Wanaadi wwä tämmencaamoje naato.

DOMAANO 3:19 ပူးပေါင်းရင်းမြစ်များ

JUAN 15:25

Tönwanno mädääje naato töjaajedaichomo imennaajä wä dödö nönge: “Tönwanno quiiñeme’caato ijo’tädööje’da mmädä;” quee imennaajä wä’dödö naichö nönge.

JUAN 8:9

Ñanno wodi ene’nnamo’jödö cone’da cönä’döjoicho yaawä täwaanöcoomo jäcä. Tönwanno cöneeja’caicho yaawä tooni nshai, inchoncomo awa’de, mudeeshi jona tödööene. Jesuuquidiito mma töjääcäjeene cöno’nomjoi yaawä, ñäädä wodi acä mma.

DOMAANO 1:20

Tameedä tödööajä naadö que Wanaadi weichö äänejöönö täne na. Edä nono tödö’jödö jonnoto’jödöödä ijäädudu töwaatamemjönö täne na, Wanaadije yeichö mmaja. Yääje yeijäcä ñanno chäänöngemjöncomo wa’deuto’como ’je’da na.

DOMAANO 3:2

Tujunne mma’ne, tameedä yeichö mmädääne. Judhío wwäiñe Wanaadi cuntui ta’deddu.

DOMAANO 3:23

Tameedä soto conemjönö cönnöicho; aashicha Wanaadi weichö nönge töweicho’como ejoodöjai’cha naato.

DOMAANO 3:4

Ng’jn, yääje’da yeichaame. Wanaadi chäänöngeedä na yeichöje, tameedä soto chäänönge’da yeichaameiñe. Edääje Wanaadi a’deddu imennaajä nä’döa: Adha’deddu jäcäinchädä chäänönge mätä’täja’de; chäänönge määneja’de äwäätämmencajoodawä; quee imennaajä nä’döa.

DOMAANO 3:9

¿Aaquene yaawä? ¿Anejjacoomo e’jodha’como ca ñaa judhíocoomo, yääje yeiya’jäcä? Ñg’jn, cho’jodheiñe’da. Cönwanno cowaanäcäiñe na tameedä conemjönö wwä oto’jodheinchajoojai cöweichöcoomo, judhíocoomo mmaja, judhíojöncomo mmaja.

1 CODINTIYO 1:29

Yääje yeijäcä anejja o’jodhe chö’tajä’jai’cha na Wanaadi owaadäädä.

CAADATA 3:10

Ñanno jenaado’jä waanontänä tödö’sa’como töwännanö’e naato. Edääje Wanaadi a’deddu imennaäjä nä’döa: “Ñäädä jenaado’jä waanontänä tödö’sato töwännanö’e na tameedäädä ännö’da yeiya’jäcä;” quee.

CAADATA 4:21

Änwanno jenaado’jä waanontänä woije töwei’sha’como, ¿aneeta’da ca maato yää jenaado’jä waanontänä wä’dödö?

CAADATA 4:5

Jesuuquidiito cöneejä tameedä jenaado’jä waanontänä woija’como ewaanacaaneichomooje, Wanaadi wwä tönnacoomoje cödöödöcoomo wetä yaawä.

CAADATA 5:18

Yaawääne’, Epíiditu Santo woije äwäätä’se’ta’comjäcä jenaado’jä waanontänä adhaanontäjaiñe’da na.